ಕುಮಟಾ: ಕಂಟೇನರ್ ಲಾರಿಯಲ್ಲಿ ಅಂದಾಜು 4 ಲಕ್ಷ ರೂ. ಮೌಲ್ಯದ 3 ಟನ್ ಗೋಮಾಂಸ ಸಾಗಿಸುತ್ತಿರುವುದನ್ನು ಹೊಳೆಗದ್ದೆ ಟೋಲ್ನ ಪೊಲೀಸ್ ಚೆಕ್ಪೋಸ್ಟ್ನಲ್ಲಿ ಪೊಲೀಸರು ಮಂಗಳವಾರ ಪತ್ತೆ ಹಚ್ಚಿದ್ದಾರೆ. ಹೊಳೆಗದ್ದೆ ಚೆಕ್ ಪೋಸ್ಟ್ನಲ್ಲಿ ಪೊಲೀಸರು ವಾಹನ ತಪಾಸಣೆ ಮಾಡುವ ಸಂದರ್ಭದಲ್ಲಿ ಅನುಮಾನಾಸ್ಪದವಾಗಿ ಕಂಡ ಕಂಟೇನರ್ ಲಾರಿ (ಕೆಎ25, ಸಿ-6531)ಯನ್ನು ತಡೆದು ಬಾಗಿಲು ತೆರೆದು ಪರಿಶೀಲಿಸಿದಾಗ ಟ್ರೇಗಳಲ್ಲಿ ಐಸ್ ಹಾಕಿಟ್ಟಿದ್ದ ಸುಮಾರು 3 ಟನ್ಗಳಷ್ಟು ಗೋಮಾಂಸ ಪತ್ತೆಯಾಗಿದೆ. ತಕ್ಷಣ ಕಂಟೇನರ್ ಲಾರಿ ಚಾಲಕ ಹಾವೇರಿ ಜಿಲ್ಲೆಯ ಬಂಕಾಪುರದ ಕೊಟ್ಟಿಗೇರಿ ನಿವಾಸಿ ಮಹಮ್ಮದ ಶಾಹೀದ್ ಮರ್ದನ್ಸಾಬ್ ಅಲ್ಲಾಪುರ (29) ನನ್ನು ಬಂಧಿಸಲಾಗಿದೆ. ಪ್ರಕರಣ ಸಂಬಂಧ ಇನ್ನಿಬ್ಬರು ಆರೋಪಿಗಳಾದ ಹುಬ್ಬಳ್ಳಿಯ ಅಬ್ದುಲ್ ರಶೀದ್ ಅಲ್ಲಾಬಕ್ಷ ಬೇಪಾರಿ ಹಾಗೂ ಹಾನಗಲ್ ನಿವಾಸಿ ಕಾಶೀಫ್ ಮಸೂತಿ ಖಾನ್ ಎಂಬುವರ ಮೇಲೂ ಕುಮಟಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
