ತುಳುನಾಡಿನ ಬೆರ್ಮೆರ್ ಚತುರ್ಮುಖ ಬ್ರಹ್ಮನಲ್ಲ : ವಿದ್ವಾಂಸ ಕೆ.ಎಲ್.ಕುಂಡಂತಾಯ ಅಭಿಪ್ರಾಯ

ಕಿನ್ನಿಗೋಳಿ: ತುಳುನಾಡಿನಲ್ಲಿ ಬೆರ್ಮೆರ್, ಬೊಮ್ಮೆ, ಬೆರ್ಮೆ ಇತ್ಯಾದಿ ಹೆಸರಿನಿಂದ ಗುರುತಿಸಲ್ಪಡುವ ತುಳುನಾಡಿನ ಬೆರ್ಮೆ ಚತುರ್ಮುಖ ಬ್ರಹ್ಮನಲ್ಲ, ಕಪಾಲ ಬ್ರಹ್ಮನೂ ಅಲ್ಲ, ಡಕ್ಕಾಯುಧನೂ ಅಲ್ಲ. ಉತ್ತರ ಕನ್ನಡದಲ್ಲಿ ಗುರುತಿಸಲ್ಪಡುವ ಬೊಮ್ಮನೂ ನಮ್ಮ ಬೆರ್ಮೆ ಆಗಿರಬಹುದು ಎಂದು ವಿದ್ವಾಂಸ ಕೆ.ಎಲ್.ಕುಂಡಂತಾಯ ಹೇಳಿದರು.

ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಳ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಭಾನುವಾರ ತುಳು ಫೌಂಡೇಶನ್ ಸಂಯೋಜಿಸಿದ ತುಳುನಾಡ ಆದಿಮೂಲ ದೈವೊಲು ಬೆರ್ಮೆರ್, ಲೆಕ್ಕೇಸಿರಿ ಪಾಡ್ದನ ಆಲಡೆ ಮತ್ತು ಪ್ರಾದೇಶಿಕ ಅಧ್ಯಯನ ತುಳು ವಿಚಾರ ಸಂಕಿರಣದಲ್ಲಿ ಮಾತನಾಡಿದರು.

ಕಟೀಲು ದೇಗುಲದ ಅರ್ಚಕ ಶ್ರೀಹರಿನಾರಾಯಣದಾಸ ಆಸ್ರಣ್ಣ ವಿಚಾರ ಸಂಕಿರಣ ಉದ್ಘಾಟಿಸಿದರು.

ದೇಗುಲದ ಆಡಳಿತ ಮಂಡಳಿ ಅಧ್ಯಕ್ಷ ಕೊಡೆತ್ತೂರುಗುತ್ತು ಸನತ್ ಕುಮಾರ ಶೆಟ್ಟಿ, ಪಾಂಗಾಳ ಬಾಬು ಕೊರಗ, ತುಳು ಜನಪದ ವಿದ್ವಾಂಸೆ ಡಾ.ಇಂದಿರಾ ಹೆಗ್ಗಡೆ, ಕಟೀಲು ಪದವಿ ಕಾಲೇಜಿನ ಪ್ರಾಚಾರ್ಯ ಡಾ.ವಿಜಯ್, ಶಮಿನ ಆಳ್ವ, ಬಿ.ಎಸ್.ಶಿವಕುಮಾರ್ ಮತ್ತಿತರರಿದ್ದರು.

ವಿಚಾರ ಸಂಕಿರಣದ ಸಂಯೋಜಕ ಪುರುಷೋತ್ತಮ ಬಲ್ಯಾಯ ಪ್ರಸ್ತಾವನೆಗೈದರು. ಡಾ.ರಾಜೇಶ್ ಆಳ್ವ ಬದಿಯಡ್ಕ ಸ್ವಾಗತಿಸಿದರು. ಕಿರಣ್ ಶೆಟ್ಟಿ ಅತ್ತೂರು ನಿರೂಪಿಸಿದರು.

https://www.vijayavani.net/peruvai-grama-sabhe-2

https://www.vijayavani.net/congratulations-to-k-v-kumaran