ಇಲ್ಲಿನ ಯಂಗ್ಸ್ಟಾರ್ ಕ್ಲಬ್ 15 ಲಕ್ಷರೂ.ಗೂ ಅಧಿಕ ವೆಚ್ಚದಲ್ಲಿ ಶ್ರೀಜನಾರ್ದನ ಹಾಗೂ ಶ್ರೀಭೀಮೇಶ್ವರ ಗುಡಿಯನ್ನು ಸುಂದರವಾಗಿ ಜೀರ್ಣೋದ್ಧಾರಗೊಳಿಸಿ ನೂತನವಾಗಿ ನಿರ್ಮಿಸಿತ್ತು.ಈ ಹಿನ್ನೆಲೆಯಲ್ಲಿ ಮೂವತ್ತೈದು ವರ್ಷಗಳ ನಂತರ ಶುಕ್ರವಾರ ಮತ್ತೆ ಮೂಲ ತಾಣ ಭೀಮೇಶ್ವರ ಸನ್ನಿಧಿಗೆ ಬಿಜಯಂಗೈದ ಶ್ರೀದೇವರನ್ನು ಮುಖ್ಯ ಅರ್ಚಕ ವೇ.ಗಣಪತಿ ಗಜಾನನ ಭಟ್ಟ ಹಿರೇ ಆಗಮೋಕ್ತವಾಗಿ ಸ್ವಾಗತಿಸಿದರು.ಮುಖ್ಯ ಅರ್ಚಕ ವೇ.ಅಮೃತೇಶ ಹಿರೇ ಮತ್ತು ಅರ್ಚಕ ಉಪಾಧಿವಂತರ ನೇತೃತ್ವದಲ್ಲಿ ಶಾಸ್ತ್ರೋಕ್ತ ಸೇವೆಗಳೊಂದಿಗೆ ಮಹಾಮಂಗಳಾರತಿ ಸಮರ್ಪಣೆ ನಡೆಯಿತು.ಮಂದಿರ ಸಮಿತಿ ಸದಸ್ಯರಾದ ವೇ.ಸುಬ್ರಹ್ಮಣ್ಯ ಅಡಿ,ವೇ.ಪರಮೇಶ್ವರ ಪ್ರಸಾದ,ಮಹೇಶ ಹಿರೇಗಂಗೆ,ಯAಗ್ಸ್ಟಾರ್ ಕ್ಲಬ್ ಅಧ್ಯಕ್ಷ ನಾಗಕುಮಾರ ಗೋಪಿ,ಸದಸ್ಯರಾದ ರವಿ ಸೂರಿ,ಗಣೇಶ ಅಡಿಮುಳೆ,ವೇ.ನಾಗರಾಜ ಜೋಶಿ ಮತ್ತಿತರರಿದ್ದರು.ಸೇವಾದಿಗಳ ತರುಯವಾಯ ಶ್ರೀದೇವರ ಪಲ್ಲಕ್ಕಿ ಮೆರವಣಿಗೆ ಸ್ಥಳೀಯ ಕಟ್ಟಳೆಯಂತೆ ಮಾರ್ಗ ಮಧ್ಯದ ವಿವಿಧ ಕಡೆಗಳಿಗೆ ಭೇಟಿಯಿತ್ತು ಸೇವೆಯನ್ನು ಸ್ವೀಕರಿಸಿತು.ಸಂಜೆ 7ಗಂಟೆಗೆ Gokarna ಕೋಟಿತೀರ್ಥದ ಶ್ರೀಹನುಮಂತೇಶ್ವರ ಗುಡಿಯಿಂದ ಹೊರಟ ಶ್ರೀದೇವರ ಸವಾರಿ ರಥಬೀದಿಯಿಂದ ಕಲಾಮಯ ಬೆಳ್ಳಿ ರಥವನ್ನೇರಿ ವಿಶೇಷವಾದ ವಿವಿಧ ಮಂಗಳವಾದ್ಯಗಳೊಂದಿಗೆ ಭವ್ಯ ಮೆರವಣಿಗೆಯಲ್ಲಿ ಮಂದಿರಕ್ಕೆ ತೆರಳಿತು.
