ತೆಲಂಗಾಣ, ಮಹಾರಾಷ್ಟ್ರ, ಕೇರಳದಲ್ಲಿ ಹೆಚ್ಚಿನ ಸೋಂಕಿತರು ಕಂಡುಬಂದಿದ್ದಾರೆ. ಏಳು ದಿನಗಳ ಬಳಿಕ ಇಲ್ಲಿನ ಪರಿಸ್ಥಿತಿ ಸುಧಾರಿಸಿದೆ ಎಂದೆನಿಸಿ ನೆರೆಹೊರೆ ರಾಜ್ಯದೊಂದಿಗೆ ಓಡಾಟಕ್ಕೆ ಅವಕಾಶ ಮಾಡಿಕೊಟ್ಟರೆ ಅಪಾಯ ಕಟ್ಟಿಟ್ಟ ಬುತ್ತಿ ಎಂದು ಹಿರಿಯ ಅಧಿಕಾರಿಗಳು ಸಿಎಂ, ಪ್ರಮುಖ ಸಚಿವರ ಗಮನಕ್ಕೆ ತಂದಿದ್ದಾರೆ. ಅಲ್ಲಿ ಪರಿಸ್ಥಿತಿ ಪೂರ್ಣ ಸರಿ ಆಗುವವರೆಗೆ ಗಡಿ ಬ್ಲಾಕ್ ಮುಂದುವರಿಸುವುದೇ ಸೂಕ್ತ, ಉದ್ಯೋಗ ಅಥವಾ ಕೌಟುಂಬಿಕ ಕಾರಣಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಜನ ಇತ್ತ ಬಂದರೂ ಅಪಾಯವೇ ಎಂದು ಸೂಚ್ಯವಾಗಿ ಅರ್ಥ ಮಾಡಿಸಿದ್ದಾರೆಂದು ಉನ್ನತ ಮೂಲಗಳು ತಿಳಿಸಿವೆ. ಉದ್ಯೋಗದ ಕಾರಣಕ್ಕೆ ತಮಿಳುನಾಡಿನಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಬೆಂಗಳೂರಿಗೆ ಬರಬಹುದು, ಅದೇ ರೀತಿ ಚಿಕಿತ್ಸೆ ನೆಪದಲ್ಲಿ ಕೇರಳದಿಂದಲೂ ಬರಬಹುದು. ಒಮ್ಮೆ ಪರಿಸ್ಥಿತಿ ಕೈಮೀರಿದರೆ ಸುಧಾರಿಸುವುದು ಕಷ್ಟ. ಇಟಲಿ, ಅಮೆರಿಕ, ಫ್ರಾನ್ಸ್ನ ಪ್ರಮುಖ ನಗರಗಳಲ್ಲಿ ಸಡಿಲ ತೀರ್ವನಗಳು ಯಾವ ರೀತಿ ಪೆಟ್ಟುಕೊಟ್ಟಿದೆ ಎಂಬ ಉದಾಹರಣೆ ಇದೆ. ನ್ಯೂಯಾರ್ಕ್ನಂಥ ನಗರವೇ ನಲುಗಿ ಹೋಗಿದೆ.
