'ಕನ್ನಡಕ್ಕಾಗಿ ನಾವು' ಅಭಿಯಾನದ 'ಮಾತಾಡ್​ ಮಾತಾಡ್​ ಕನ್ನಡ' ಕಾರ್ಯಕ್ರಮಕ್ಕೆ ಚಾಲನೆ

ಬೆಂಗಳೂರು: 66ನೇ ಕರ್ನಾಟಕ ರಾಜ್ಯೋತ್ಸವದ ಹಿನ್ನೆಲೆಯಲ್ಲಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯು 'ಕನ್ನಡಕ್ಕಾಗಿ ನಾವು' ವಿಶೇಷ ಅಭಿಯಾನವನ್ನು ಹಮ್ಮಿಕೊಂಡಿದ್ದು, ಈ ಅಭಿಯಾನದ ಅಂಗವಾಗಿ ರವೀಂದ್ರ ಕಲಾಕ್ಷೇತ್ರದಲ್ಲಿ ಆಯೋಜಿಸಿದ್ದ 'ಮಾತಾಡ್​ ಮಾತಾಡ್​ ಕನ್ನಡ' ಕಾರ್ಯಕ್ರಮಕ್ಕೆ ಭಾನುವಾರ ಚಾಲನೆ ಸಚಿವ ವಿ.ಸುನೀಲ್​ ಕುಮಾರ್​ ಚಾಲನೆ ನೀಡಿದರು.

ಕನ್ನಡ ಭಾಷೆ ಬಳಕೆ ಮಾಡಲು ಕೀಳರಿಮೆ ಬೇಡ. ಇದು ನಮ್ಮ ಭಾಷೆ ಎಂಬ ಅಭಿಮಾನ ಇರಬೇಕು. ಜನರು ಸಾಧ್ಯವಾದಷ್ಟು ಕಡೆ ಕನ್ನಡ ಭಾಷೆಯನ್ನೇ ಹೆಚ್ಚಾಗಿ ಬಳಸಬೇಕು. ಆ ಮೂಲಕ ಕನ್ನಡ ಭಾಷೆ ಬೆಳವಣಿಗೆಗೆ ಸಹಕರಿಸಿ ಎಂದು ಸಚಿವರು ಕರೆ ನೀಡಿದರು.

ಅ.28ರಂದು ರಾಜ್ಯಾದ್ಯಂತ ಒಂದು ಲಕ್ಷ ಕಂಠಗಳಲ್ಲಿ ಮೂರು ಕನ್ನಡ ಗೀತೆಗಳ ಗಾಯನ ಇರಲಿದೆ. ಕನ್ನಡ ಅಭಿಮಾನಿಗಳು ಒಂದೆಡೆ ಸೇರಿ ಆ ಮೂರು ಗೀತೆಗಳನ್ನು ಹಾಡುವ ಮೂಲಕ ತಮ್ಮಲ್ಲಿರುವ ಕನ್ನಡಾಭಿಮಾನವನ್ನು ತೋರಿಸಬೇಕೆಂದು ಮನವಿ ಮಾಡಿದರು.

ಅಭಿಯಾನದ ಹಿನ್ನೆಲೆಯಲ್ಲಿ ತಯಾರಿಸಲಾದ ಭಿತ್ತಿ ಪತ್ರಗಳ ಮತ್ತು ವಿಡಿಯೋಗಳ ಅನಾವರಣ ಮಾಡಿದರು. ಮೈಸೂರಿನ ರಂಗಾಯಣ ಹಮ್ಮಿಕೊಂಡಿರುವ ಡಾ.ಎಸ್​.ಎಲ್​.ಭೈರಪ್ಪ ಅವರ ಕಾದಂಬರಿ ಆಧಾರಿತ 'ಪರ್ವ' ನಾಟಕಕ್ಕೆ ಚಾಲನೆ ನೀಡಿದರು. ಮೈಸೂರು ರಂಗಾಯಣದ ನಿರ್ದೇಶಕ ಅಡ್ಡಂಡ ಕಾರ್ಯಪ್ಪ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ನಿರ್ದೇಶಕ ಎಸ್​.ರಂಗಪ್ಪ ಇತರರು ಇದ್ದರು.

https://www.vijayavani.net/a-corona-blackfungus-father-childrens-wife-deathnote/

https://www.vijayavani.net/a-kodagu-ponnampete-youn-man-darshan-love-case/

https://www.vijayavani.net/a-fish-crocodile-dandeli/