ಕಂಪ್ಲಿ ಅನಧಿಕೃತ ಪೈಪ್‌ಗಳ ತೆರವು

ಕಂಪ್ಲಿ: ತಾಲೂಕಿನ ಎಂ.1 ವಿತರಣಾ ನಾಲೆಗೆ ಅಕ್ರಮವಾಗಿ ಅಳವಡಿಸಿದ್ದ ಪೈಪ್‌ಗಳನ್ನು ನಂ.1 ಉಪ ನೀರಾವರಿ ಇಲಾಖೆ ಅಧಿಕಾರಿಗಳು ತೆರವುಗೊಳಿಸಿದರು.
ಈ ಕುರಿತು ಶಂಕರ್‌ಸಿಂಗ್ ಕ್ಯಾಂಪಿನ ರೈತರು ಆ.26ರಂದು ಶಾಸಕರ ಗಮನಕ್ಕೆ ತಂದಿದ್ದರು. ಹೀಗಾಗಿ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿದ್ದಾರೆ.

ನೀರಾವರಿ ಇಲಾಖೆ ಎಇಇ ಎ.ಶ್ರೀನಿವಾಸ್ ಮಾತನಾಡಿ, ಎಂ.1 ವಿತರಣಾ ನಾಲೆ ಮೇಲ್ಭಾಗದ ದೇವಸಮುದ್ರ, ಕಂಪ್ಲಿ ಕೊಟ್ಟಾಲ್ ಹಾಗೂ ಶಂಕರ್‌ಸಿಂಗ್ ಕ್ಯಾಂಪಿನ ಹತ್ತಿರ ಅನಧಿಕೃತವಾಗಿ ಅಳವಡಿಸಿದ್ದ 18 ಪೈಪ್‌ಗಳನ್ನು ತೆರವುಗೊಳಿಸಲಾಗಿದೆ.

ಇದನ್ನೂ ಓದಿ: ಹೇಮೆ ನಾಲೆಗೆ ಅಳವಡಿಸಿದ್ದ ಪೈಪ್‌ಗಳ ತೆರವು ; ಅಜ್ಜೇನಹಳ್ಳಿ ಕೆರೆಗೆ ನೀರು ಹರಿಸಲು ಗ್ರಾಮಸ್ಥರ ಪಟ್ಟು

ನಾಲೆೆಗೆ 45 ಕ್ಯೂಸೆಕ್ ನೀರು ಹರಿಸಲಾಗುತ್ತಿದೆ. ಕೊನೇ ಅಂಚಿನ ಭೂಮಿಗೆ ತಲುಪಿಸಲಾಗುತ್ತಿದೆ ಎಂದು ತಿಳಿಸಿದರು.