ಆನ್​ಲೈನ್​ ಚಟಕ್ಕೆ ಯುವಕ ಬಲಿ

ಮಾನಸ ಲೇಔಟ್​ ನಿವಾಸಿ ಕೃಷ್ಣ ಪಾಟೀಲ್​(25) ಮನೆಯಲ್ಲೇ ಸೀರೆಯಿಂದ ನೇಣು ಬಿಗಿದುಕೊಂಡವ. ವಿಜಯಪುರ ಜಿಲ್ಲೆಯಲ್ಲಿ ಕಮರ್ಷಿಯಲ್​ ಟ್ಯಾಕ್ಸ್​ ಅಧಿಕಾರಿ ಭಾರತಿ ಅಪ್ಪಾರಾವ ಮಾಲಿಪಾಟೀಲ್​ ಪುತ್ರ ಕೃಷ್ಣ ಇಂಜಿನಿಯರಿಂಗ್​ ಮುಗಿಸಿದ್ದು, ಗೆಟ್​ ಪರೀೆಗೆ ತಯಾರಿ ನಡೆಸುತ್ತಿದ್ದ. ನೌಕರಿಗಾಗಿಯೂ ವಿವಿಧ ಪರೀೆ, ಪ್ರಯತ್ನ ನಡೆಸಿದ್ದ.

ಸಿಂಗಲ್​ ಪೇರೆಂಟ್​ ಆಗಿರುವ ಹಿನ್ನೆಲೆಯಲ್ಲಿ ಮಾನಸಿಕವಾಗಿ ಕುಗ್ಗಿದ್ದ ಎನ್ನಲಾಗುತ್ತಿದೆ. ನಿವಾಸಕ್ಕೆ ಪ್ರತಿ ವಾರ ತಾಯಿ ಬಂದು ಹೋಗುತ್ತಿದ್ದರು. ಜೂ.18ರಂದು ದೂರವಾಣಿಯಲ್ಲಿ ಸರಿಯಾಗಿ ಮಾತನಾಡದೆ ಕಾಲ್​ ಕಟ್​ ಮಾಡಿದ್ದ. ಎರಡು ದಿನ ಬಿಟ್ಟು ಮನೆಗೆ ಬಂದಾಗ ಬಾಗಿಲು ಮುಚ್ಚಿತ್ತು. ಒಡೆದು ನೋಡಿದಾಗ ಆತ್ಮಹತ್ಯೆ ಮಾಡಿಕೊಂಡಿದ್ದು ತಿಳಿದಿದೆ. ಕೊನೆ ಬಾರಿಗೆ ೋನ್​ನಲ್ಲಿ ಮಾತನಾಡಿದ್ದ ವೇಳೆಯೇ ಸಾವಿಗೆ ಶರಣಾಗಿರಬಹುದು ಎಂದು ಪೊಲೀಸರು ಅನುಮಾನ ವ್ಯಕ್ತಪಡಿಸಿದ್ದಾರೆ. ವಿಶ್ವವಿದ್ಯಾಲಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.