ಅಪ್ಪುಗೌಡರ ವಿರುದ್ಧ ನಿಂದಕರ ವಿರುದ್ಧ ಕ್ರಮ ಕೈಗೊಳ್ಳಿ

ನಗರದ ಪೊಲೀಸ್​ ಆಯುಕ್ತರ ಕಚೇರಿ ಎದುರು ಸೋಮವಾರ ನೂರಾರು ಜನರು ಪ್ರತಿಭಟನೆ ನಡೆಸಿ, ಜಿಲ್ಲೆಯಲ್ಲಿ ಪ್ರತಿಷ್ಠಿತ ರೇವೂರ ಕುಟುಂಬಕ್ಕೆ ನಿರಂತರವಾಗಿ ನಿಂದಿಸಲಾಗುತ್ತಿದೆ. ನಾಲ್ಕು ದಶಕದಿಂದ ರೇವೂರ ಕುಟುಂಬ ಸಾಮಾಜಿಕ, ಔದ್ಯೋಗಿಕ, ಧಾರ್ಮಿಕ , ರಾಜಕೀಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿದೆ. ಆದ್ದರಿಂದಲೇ ರೇವೂರ ಕುಟುಂಬ ಮೂರು ದಶಕದಿಂದ ರಾಜಕೀಯದಲ್ಲಿ ಜನ ಬೆಂಬಲಿಸುತ್ತಿದ್ದಾರೆ. ಅವರ ನಿಂದನೆಯನ್ನು ಪ್ರತಿಭಟನಾಕಾರರು ಖಂಡಿಸಿದರು.

ದತ್ತಾತ್ರೇಯ ಪಾಟೀಲ್​ ತಪ್ಪು ಮಾತಾಡಿದರೆ ಕಾನೂನು ಹೋರಾಟ ಮಾಡಲಿ. ಅದನ್ನು ಬಿಟ್ಟು, ನಿಂದನೆ, ಬೆದರಿಕೆಯನ್ನು ವೀರಶೈವ ಲಿಂಗಾಯತ ಸಮಾಜ ಸಹಿಸುವುದಿಲ್ಲ. ಅದಕ್ಕೆ ತಕ್ಕ ಉತ್ತರವನ್ನು ನೀಡಲಾಗುವುದು. ಕೂಡಲೇ ಅಪ್ಪುಗೌಡರ ವಿರುದ್ಧದ ಕೇಸ್​ ವಾಪಸ್​ ಪಡೆಯಬೇಕು, ನಿಂದಿಸಿ, ಬೆದರಿಕೆ ಹಾಕಿದವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಮನವಿ ಮಾಡಿದರು.

ವಾಗ್ವಾದ, ಅವಮಾನದ ಆರೋಪ: ಪೊಲೀಸ್​ ಆಯುಕ್ತರು ಕಚೇರಿ ಎದುರು ಸ್ಥಳಕ್ಕೆ ಬಂದು ಮನವಿ ಸ್ವೀಕರಿಸಬೇಕು ಎಂದು ಪ್ರತಿಭಟನೆ ನಡೆಸಿದ್ದು, ಪ್ರತಿಭಟನಾಕಾರ ಎದುರಿನಿಂದಲೇ ಕಚೇರಿ ಪ್ರವೇಶಿಸಿದ್ದು, ಸೌಜನ್ಯಕ್ಕೂ ಸಮಸ್ಯೆ ಆಲಿಸದೇ ಹೋಗಿದ್ದಕ್ಕೆ ಕಿಡಿ ಕಾರಿದರು. ಸ್ಥಳಕ್ಕೆ ಆಗಮಿಸುವವರೆಗೆ ಎದ್ದೇಳುವುದಿಲ್ಲ ಎಂದು ಪಟ್ಟು ಹಿಡಿದರು. ಈ ವೇಳೆ ಪೊಲೀಸರ ಮಧ್ಯೆ ವಾಗ್ವಾದ ನಡೆಯಿತು. ನಂತರ ಡಿಸಿಪಿ ಶಾಲೂ ಆಗಮಿಸಿ, ಮನವಿ ಸ್ವೀಕರಿಸಿದರು. ನಗರ ಪೊಲೀಸ್​ ಆಯುಕ್ತರು ವೀರಶೈವ ಲಿಂಗಾಯತ ಸಮಾಜಕ್ಕೆ ಅವಮಾನಿಸಿದ್ದಾರೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.

ಪ್ರಮುಖರಾದ ಮಲ್ಲಿಕಾರ್ಜುನ ಖೇಮಜಿ, ಸುಭಾಷ ಬಿಜಾಪುರೆ, ಕಲ್ಯಾಣರಾವ ಪಾಟೀಲ್​ ಮಳಖೇಡ, ಅರುಣಕುಮಾರ ಪಾಟೀಲ್​, ನಾಗಲಿಂಗಯ್ಯ ಹಿರೇಮಠ, ಅಪ್ಪು ಕಣಕಿ, ಮಹಾದೇವ ಬೆಳಮಗಿ, ಅಪ್ಪಾಸಾಬ್​ ಪಾಟೀಲ್​, ಬಸವರಾಜ ಬಿರಾಳ, ಶರಣಗೌಡ ಬಿರಾದಾರ, ವಿಶ್ವನಾಥ ಸಾಲಿಮಠ, ಶಿವಲಿಂಗೇಶ್ವರ ಪಾಟೀಲ್​, ಕೊಮ್ಮಣ್ಣಗೌಡ ಪಾಟೀಲ್​, ವೀರಣ್ಣ ಹೊನ್ನಳ್ಳಿ, ರಾಜು ದೇವದುರ್ಗ, ಗೌರಿ ಚಿಚಕೋಟಿ, ಮಾಲಾ ಕಣ್ಣಿ, ಪರಮೇಶ್ವರ ಯಳಮೇಲಿ, ಸಿದ್ರಾಮಯ್ಯ ಪುರಾಣಿಕಮಠ, ವೀರಣ್ಣ ಔರಾದಿ, ಪ್ರಕಾಶ ಪಾಟೀಲ್​ ಹೀರಾಪುರ, ರಾಜೇಂದ್ರ ಕರೆಕಲ್​, ಗಿರೀಶ ಕೋಟನೂರ, ಶಂಭು ಬಳಬಟ್ಟಿ ಇತರರಿದ್ದರು.