ನಟೋರಿಯಸ್​ ಇರಾನಿ ರಾಬರಿ ಗ್ಯಾಂಗ್​ ಲಾಕ್​

ಪೊಲೀಸರ ಬಟ್ಟೆ ಧರಿಸಿ, ಗಮನ ಬೇರೆಡೆ ಸೆಳೆದು ಹಣ, ಒಡವೆ ವಂಚಿಸುತ್ತಿದ್ದ ಇರಾನಿ ಗ್ಯಾಂಗ್​ನ ಮಹಾರಾಷ್ಟ್ರದ ಬೀಡ್​ ಜಿಲ್ಲೆಯ ಪರ್ಲಿ ಶಿವಾಜಿ ನಗರದ ಜಹೀರ್​ ಅಬ್ಬಾಸ್​ ಅಲಿ ಶೇಖುಬ್​ ಅಲಿ, ಇತನ ಸಹೋದರ ಅಲಿ ರಜಾಕ್​ ಶೇಖುಬ್​ ಅಲಿ, ಥಾಣೆ ಜಿಲ್ಲೆಯ ಅಂಬೆವಿಲಿಯ ಲಾಲ್​ ಸಮೀರ್​ ಶೇಖ್​, ಮಧ್ಯ ಪ್ರದೇಶದ ಭೋಪಾಲನ ಖಾಸೀಂ ಜೋಜೋ ಜಾಫ್ರಿ, ಪರ್ಲಿಯ ಅಲಿಮಿರ್ಜಾ ದರಬೇಶ್​, ಥಾಣೆ ಜಿಲ್ಲೆಯ ಕಲ್ಯಾಣದ ಜಾರ್​ ಅಲಿ ಸೈಯದ್​, ಅಂಬೆವಲಿಯ ಜಾರ್​ ಅಜಮ್​ ಸೈಯದ್​ನನ್ನು ಬಂ-ಧಿಸಲಾಗಿದೆ ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ನಗರದ ಹೊರವಲಯದ ತಾವರಗೇರಾ ಕ್ರಾಸ್​ ಬಳಿ ಇರುವ ಖಚಿತ ಮಾಹಿತಿ ಮೇರೆಗೆ ಸಬ್​ ಅರ್ಬನ್​ ಇನ್ಸ್​ಪೆಕ್ಟರ್​ ನಟರಾಜ ನೇತೃತ್ವದಲ್ಲಿ ಸಿಬ್ಬಂದಿ ಟಓರಿಯಸ್​ ಗ್ಯಾಂಗ್​ನ್ನು ಬಂಧಿಸಿ, 90 ಗ್ರಾಂ. ಚಿನ್ನ, ಎರಡು ಬೈಕ್​, ಒಂದು ಕಾರ್​ ಸೇರಿ ಒಟ್ಟು 27.30 ಲಕ್ಷ ರೂ. ವಸ್ತು ಹಾಗೂ ಮಾರಕಾಸ್ತ್ರ, ದೆಹಲಿ ಪೊಲೀಸರ ನಕಲಿ ಐಡಿ ಜಪ್ತಿ ಮಾಡಲಾಗಿದೆ ಎಂದು ತಿಳಿಸಿದರು.

ಗ್ಯಾಂಗ್​ನ ಹಲವು ಸದಸ್ಯರ ಮೇಲೆ ಮಹಾರಾಷ್ಟ್ರ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ, ತೆಲಂಗಾಣ, ಕರ್ನಾಟಕದಲ್ಲಿ ಪ್ರಕರಣದ ದಾಖಲಾಗಿದ್ದು, ಅವುಗಳ ತನಿಖೆ ನಡೆಯುತ್ತಿದೆ ಎಂದರು.

ಕಾರ್ಯಾಚರಣೆಯಲ್ಲಿ ಎಸ್​ಐ ನಟರಾಜ ಲಾಡೆ ನೇತೃತ್ವದಲ್ಲಿ ಪಿಎಸ್​ಐ ಶಶಿಕಲಾ, ಸಿಬ್ಬಂದಿ ಪುಂಡಲೀಕ, ಎಎಸ್​ಐ ನಾಗರಾಜ, ಎಂಎ ಬೇಗ, ಮಂಜುನಾಥ, ಫಿರೋಜ, ಮಲ್ಲಿಕಾರ್ಜುನ, ಸುಲ್ತಾನ, ಅಶೋಕ, ಅನೀಲ, ಶಶಿಕಾಂತ, ಮಹೇಶ, ಶಶಿಕಾಂತ ಮೋಸಿನ್​ ಪಟೇಲ್​ ಭಾಗಿಯಾಗಿ ಆರೋಪಿಗಳನ್ನು ಬಂಧಿಸಿದ್ದಕ್ಕೆ ಶ್ಲಾಘಿಸಿದರು.

ಡಿಸಿಪಿ ಪ್ರವಿಣ ನಾಯ್ಕ್​, ಎಸಿಪಿ ಬಸವೇಶ್ವರ ಹೀರಾ ಇತರರಿದ್ದರು.