ನರೇಂದ್ರ ಮೋದಿ ದೇಶಕ್ಕೆ ರಕ್ಷಾ ಕವಚ: ಸಿ ಟಿ ರವಿ ಬಣ್ಣನೆ

ನಗರದ ಕೆಕೆಸಿಸಿಐ ಸಭಾಂಗಣದಲ್ಲಿ ಬುಧವಾರ ಹಮ್ಮಿಕೊಂಡ ಮೋದಿ ಸರ್ಕಾರದ 12 ವರ್ಷ ವಿಕಸಿತ ಭಾರತ ಸಂಕಲ್ಪ ಸಮಾವೇಶದಲ್ಲಿ ಮಾತನಾಡಿ, ಮೋದಿ ಸರ್ಕಾರದ ಸಾಧನೆ ಅರ್ಥವಾಗಬೇಕಾದರೆ ಹಿಂದಿನ ಯುಪಿಎ ಆಡಳಿತವನ್ನು ಅವಲೋಕಿಸಬೇಕು ಎಂದರು.

ಅಂದು 2ಜಿ, ಕೋಲ್​ಜಿ ಹಾಗೂ ಕಾಮನ್​ವೆಲ್ತ್​ನಂತಹ ಬೃಹತ್​ ಹಗರಣಗಳೇ ನೆನಪಾಗುತ್ತಿದ್ದವು. 12 ವರ್ಷದಲ್ಲಿ ಮೋದಿ ಸರ್ಕಾರ ಒಂದೇ ಒಂದು ಹಗರಣವಿಲ್ಲದೇ ಬಡವರಿಗೆ ಯೋಜನೆ ನೀಡುತ್ತಿದೆ. ಮಾತೆತ್ತಿದರೆ ಅದಾನಿ, ಅಂಬಾನಿ ಎಂದು ಟೀಕಿಸುವ ಕಾಂಗ್ರೆಸ್ಸಿಗರು, ಬೆಂಗಳೂರಿನ ಟನಲ್​ ರೋಡ್​ ಕಾಮಗಾರಿಗೆ ಅದಾನಿ ಸಮೂಹದ ಜತೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದರು.

ಮಾಜಿ ಸಂಸದ ಡಾ.ಉಮೇಶ ಜಾಧವ್​ ಮಾತನಾಡಿ, ಕಲಬುರಗಿ ಜಿಲ್ಲೆಯ ಅಭಿವೃದ್ಧಿಗೆ ಕೇಂದ್ರ ಸರ್ಕಾರ ಸದಾ ಸ್ಪಂದಿಸಿದೆ. ಜಿಲ್ಲೆಯಲ್ಲಿ 1021 ಕೋಟಿ ರೂ. ವೆಚ್ಚದ 71 ಕಿ.ಮೀ ಉದ್ದದ ಭಾರತಮಾಲಾ ರಸ್ತೆ ನಿರ್ಮಿಸಲಾಗುತ್ತಿದೆ. ಮೆಗಾ ಟೆಕ್ಸ್​ಟೈಲ್​ ಪಾರ್ಕ್​ ಜಿಲ್ಲೆಗೆ ಮಂಜೂರಾಗಿದೆ. ವಂದೇ ಭಾರತ್​ ಸೌಲಭ್ಯ ದೊರಕಿದೆ. ಜಲ್​ ಜೀವನ ಮಿಷನ್​ ಯೋಜನೆ ಅಡಿ ನೂರಾರು ಹಳ್ಳಿ, ತಾಂಡಾಗಳಿಗೆ ನೀರು ಪೂರೈಕೆ ಆಗುತ್ತಿದೆ ಎಂದರು.

ಮುಖಂಡ ಅವ್ವಣ್ಣ ಮ್ಯಾಕೇರಿ ಪ್ರಾಸ್ತಾವಿಕವಾಗಿ ಮಾತನಾಡಿ, ದೀರ್ಘಕಾಲದ ಪ್ರಧಾನಿಯಾಗಿ ದೇಶ ಮುನ್ನಡೆಸಿರುವ ಮೋದಿ, ಅಂಬೇಡ್ಕರ್​ ಆಶಯದಂತೆ ಕಟ್ಟಕಡೆಯ ವ್ಯಕ್ತಿಗೂ ಸಾಮಾಜಿಕ ನ್ಯಾಯ ಒದಗಿಸಿದ್ದಾರೆ. ರಾಜ್ಯದಲ್ಲಿ 40 ಸಾವಿರ ಸಸಿಗಳನ್ನು ನೆಡಲಾಗಿದೆ ಎಂದರು.

ಜಿಲ್ಲಾಧ್ಯಕ್ಷರಾದ ಚಂದು ಪಾಟೀಲ್​, ಅಶೋಕ್​ ಬಗಲಿ, ಮಾಜಿ ಸಚಿವ ಬಾಬುರಾವ ಚವ್ಹಾಣ, ಮಾಜಿ ಶಾಸಕ ದತ್ತಾತ್ರೇಯ ಪಾಟೀಲ್​ ರೇವೂರ್​, ಮಾಜಿ ಎಂಎಲ್​ಸಿ ಅಮರನಾಥ ಪಾಟೀಲ್​, ಮುಖಂಡರಾದ ಶರಣಪ್ಪ ತಳವಾರ, ನಿತೀನ್​ ಗುತ್ತೇದಾರ, ಸಿದ್ದಾಜಿ ಪಾಟೀಲ್​, ಚನ್ನಮ್ಮ ಪಾಟೀಲ್​, ಶೋಭಾ ಬಾಣಿ, ಸುಧಾ ಹಾಲಕಾಯಿ, ಲಿಂಗರಾಜ ಬಿರಾದಾರ, ಹರ್ಷಾನಂದ ಗುತ್ತೇದಾರ, ಗಿರಿರಾಜ ಯಳಮೇಲಿ, ಗಿರೀಶ ಭಜಂತ್ರಿ ಇತರರಿದ್ದರು. ಶಿವಯೋಗಿ ನಾಗನಹಳ್ಳಿ ವಂದಿಸಿದರು. ಮಹಾದೇವ ಬೆಳಮಗಿ ನಿರೂಪಣೆ ಮಾಡಿದರು.