ಒಳ ಚರಂಡಿ ಸಂಸ್ಕರಣಾ ಘಟಕದ ದುರಸ್ತಿಗೆ ಕ್ರಮ

ಪ್ರಸ್ತುತ ಪಾಲಿಕೆಯಿಂದ ಅಳವಡಿಸಿರುವ ಚರಂಡಿ ನೀರು ಸಂಸ್ಕರಣಾ ಟಕಗಳಲ್ಲಿ 60 ಎಂಎಲ್​ಡಿ ನೀರಿನ ಸಾಮರ್ಥ್ಯವಿದ್ದು, 80 ಎಂಎಲ್​ಡಿ ನೀರು ಬರುತ್ತಿದ್ದು, ಅದನ್ನು ಸಂಸ್ಕರಿಸಲಾಗುತ್ತಿದೆ. ಯಂತ್ರದೋಷ ಬಂದ ತಕ್ಷಣ ಕ್ರಮ ಕೈಗೊಳ್ಳಲಾಗಿದೆ. ನಗರಕ್ಕೆ ಕಲುಷಿತ ನೀರು ಪೂರೈಸಿಲ್ಲ ಎಂದು ಶನಿವಾರ ಸುದ್ದಿಗೋಷ್ಠಿಯಲ್ಲಿ ಸ್ಪಷ್ಟಪಡಿಸಿದರು.

ನಗರಕ್ಕೆ ಪೂರೈಕೆ ಮಾಡುವ ನೀರನ್ನು ಸಂಸ್ಕರಣೆ ಮಾಡಿಯೇ ಬಿಡಲಾಗುತ್ತಿದೆ. ಶುದ್ಧ ನೀರು ಪೂರೈಕೆಗೆ ಆದ್ಯತೆ ನೀಡಲಾಗುತ್ತಿದೆ. ಹೆಚ್ಚುವರಿ ಸರ್ಕಾರದಿಂದ ಅನುದಾನವನ್ನು ಪಡೆದಿದ್ದು, ನಿರಂತರ ಕಾಮಗಾರಿಗಳನ್ನು ನಡೆಸಿ, ನೀರು ಪೂರೈಸಲಾಗುತ್ತಿದೆ ಎಂದು ತಿಳಿಸಿದರು.

ಪಾಲಿಕೆ ಆಯುಕ್ತ ಅವಿನಾಶ ಶಿಂಧೆ ಮಾತನಾಡಿ, ಸರಡಗಿ ಜಾಕ್ವೆಲ್​ ಬಳಿ ಕಲುಷಿತ ನೀರು ನದಿ ಸೇರಿಕೆ ಹಿನ್ನೆಲೆಯಲ್ಲಿಯೇ ತಕ್ಷಣ ನಗರಕ್ಕೆ ನೀರು ಪೂರೈಕೆ ಸ್ಥಗಿತಗೊಳಿಸಿ, ಸಂಸ್ಕರಣೆ ಯಂತ್ರಗಳನ್ನು ದುರಸ್ತಿ ಮಾಡಿದ್ದು, ಎದುರಾಗಿದ್ದ ವಿದ್ಯುತ್​ ಸಂಪರ್ಕ ಸಮಸ್ಯೆಯನ್ನು ಬಗೆಹರಿಸುತ್ತಿದ್ದು, ೆ.2ರಿಂದ ಶುದ್ಧ ನೀರು ನಗರಕ್ಕೆ ಪುನ@ ಸರಬರಾಜು ಆರಂಭವಾಗಲಿದೆ. ಅನ್ಯ ಟಕಗಳಿಂದಲೂ ನೀರು ಒದಗಿಸಲಾಗುತ್ತಿದೆ ಎಂದರು.

ಸರಡಗಿ ಬ್ಯಾರೇಜ್​ ಬಳಿ ಭೀಮಾ ನದಿಯಲ್ಲಿ ನಗರಕ್ಕೆ ನೀರು ಸರಬರಾಜು ಮಾಡುವ ಸ್ಥಳದ ಬಳಿಯೇ ನಗರದ ಒಳಚರಂಡಿ ಸಂಸ್ಕರಣೆಯ ನೀರು ಸೇರುತ್ತಿದ್ದು, ಪುನ@ ಸಂಸ್ಕರಿಸಿಯೇ ನಗರಕ್ಕೆ ಪೊರೈಸಲಾಗುತ್ತಿದೆ. ಪ್ರಸ್ತುತ ಉತ್ತಮ ಮಳೆ ಮತ್ತು ಭೀಮಾ ನದಿಯಲ್ಲಿ ಉತ್ತಮ ನೀರಿನ ಹರಿವು ಇದ್ದು, ಸೇತುವೆ ಕೆಳಭಾಗಕ್ಕೆ ನಗರದ ಸಂಸ್ಕರಿತ ನೀರು ಬಿಡುವ 8 ಕೋಟಿ ರೂ. ಮೊತ್ತದ ಯೋಜನೆಯನ್ನು ಹಾಕಿಕೊಳ್ಳಲಾಗಿದೆ. ಕಾಮಗಾರಿ ಪೂರ್ಣಗೊಂಡರೆ ಕಲುಷಿತ ನೀರು ಕುಡಿಯುವ ನೀರಿನ ಸ್ಥಳದಲ್ಲಿ ಹೋಗುವುದೇ ಇಲ್ಲ ಎಂದು ತಿಳಿಸಿದರು.

ನಗರದಲ್ಲಿ ನೀರಿನ ಗಂಭೀರ ಸಮಸ್ಯೆ ಇಲ್ಲ. ವಿಸ್ತರಿತ ನಗರ ಪ್ರದೇಶಗಳಲ್ಲಿ ಹೊಸ ಪೈಪ್​ಲೈನ್​ ಅಳವಡಿಸಲಾಗುತ್ತಿದೆ. ಎಲ್​ ಆ್ಯಂಡ್​ ಟಿ ಸಹ ಪೈಪ್​ಲೈನ್​ ಮಾಡುತ್ತಿದೆ. ನೀರಿನ ಸಮಸ್ಯೆ ಕಂಡು ಬಂದಾಗ ಪರ್ಯಾಯ ವ್ಯವಸ್ಥೆ ಮಾಡಲಾಗುತ್ತಿದೆ. ರಸಾಯನಿಕ ಪ್ರಮಾಣವನ್ನು ತಿಳಿಯಲಾಗುತ್ತಿದೆ. ನಗರ ನೀರು ಸರಬರಾಜು ಮಂಡಳಿ, ಎಲ್​ಆ್ಯಂಡ್​ ಟಿ, ಮಹಾನಗರ ಪಾಲಿಕೆ ಸಂಯೋಜನೆಯಲ್ಲಿ ವ್ಯವಸ್ಥೆ ಮಾಡಲಾಗುತ್ತಿದೆ. ನೀರು ದೊರೆಯದ ಸ್ಥಳಗಳಲ್ಲಿ 2.5 ಕೋಟಿ ರೂ. ವೆಚ್ಚದಲ್ಲಿ ಕೊಳವೆ ಬಾವಿ ಕೊರೆಸಲಾಗುವುದು ಎಂದು ತಿಳಿಸಿದರು.

ನಗರದ ಹೊರವಲಯದ ನಾಗನಳ್ಳಿ ವೃತ್ತದ ಸಮೀಪದ ಚರಂಡಿಯಲ್ಲಿ ಕೈಗಾರಿಕೆಗಳ ಕೆಮಿಕಲ್​ ತಂದು ಸುರಿಯುತ್ತಿದ್ದು, ಸಂಸ್ಕರಣ ಟಕದಲ್ಲಿ ಹೆಚ್ಚಿನ ನೊರೆ ಕಾಣುತ್ತಿದೆ, ನೀರು ಹೆಚ್ಚು ಕಲುಷಿತವಾಗಿದೆ. ಅನಧಿಕೃತವಾಗಿ ಕೆಮಿಕಲ್​ ತಂದು ಸುರಿಯುತ್ತಿರುವ ಕುರಿತು ಪೊಲೀಸರಿಗೆ ದೂರು ನೀಡಿದ್ದು, ಕೆಮಿಕಲ್​ ಸುರಿಯುವುದು ಸ್ಥಗಿತಗೊಳಿಸಲಾಗಿದೆ. ಮಾಲಿನ್ಯ ನಿಯಂತ್ರಣ ಮಂಡಳಿ, ಪೊಲೀಸ್​ ಇಲಾಖೆಗೆ ದೂರು ನೀಡಲಾಗಿದೆ ಎಂದು ವರ್ಷಾ ಜಾನೆ ತಿಳಿಸಿದರು.