ಕಲಬುರಗಿ

ಕ್ರೀಡಾ ಚಟುವಟಿಕೆಗಳಿಗೂ ಮಹತ್ವ ನೀಡಿ

ಗುಲ್ಬರ್ಗ ವಿವಿ ಅತಿಥಿ ಉಪನ್ಯಾಸಕರ ಸಂ ದೈಹಿಕ ಶಿಕ್ಷಣ ವಿಭಾಗದ ಹೊರಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸಂವಿಧಾನ ಪ್ರೀಮಿಯರ್​ ಲೀಗ್​&2026 ಮಹಿಳಾ ತಂಡಗಳ ಕ್ರಿಕೆಟ್​ ಪಂದ್ಯಾವಳಿ ಉದ್ಘಾಟನಾ ಸಮಾರಂಭದಲ್ಲಿ ಮೇಯರ್​ ವರ್ಷಾ ಜಾನೆ, ಉಪಮೇಯರ್​ ತೃಪ್ತಿ ಲಾಖೆ, ಗ್ರಂಥಪಾಲಕ ಡಾ.ಸುರೇಶ ಜಂಗೆ, ವಿತ್ತಾಧಿಕಾರಿ ಜಯಾಂಬಿಕ, ಅತಿಥಿ ಉಪನ್ಯಾಸಕರ ಸಂದ ಅಧ್ಯಕ್ಷಷ ಡಾ.ಅರುಣಕುಮಾರ ಕುರನೆ ಇತರರಿದ್ದರು.
ಗುಲ್ಬರ್ಗ ವಿವಿ ಅತಿಥಿ ಉಪನ್ಯಾಸಕರ ಸಂ ದೈಹಿಕ ಶಿಕ್ಷಣ ವಿಭಾಗದ ಹೊರಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸಂವಿಧಾನ ಪ್ರೀಮಿಯರ್​ ಲೀಗ್​&2026 ಮಹಿಳಾ ತಂಡಗಳ ಕ್ರಿಕೆಟ್​ ಪಂದ್ಯಾವಳಿ ಉದ್ಘಾಟನಾ ಸಮಾರಂಭದಲ್ಲಿ ಮೇಯರ್​ ವರ್ಷಾ ಜಾನೆ, ಉಪಮೇಯರ್​ ತೃಪ್ತಿ ಲಾಖೆ, ಗ್ರಂಥಪಾಲಕ ಡಾ.ಸುರೇಶ ಜಂಗೆ, ವಿತ್ತಾಧಿಕಾರಿ ಜಯಾಂಬಿಕ, ಅತಿಥಿ ಉಪನ್ಯಾಸಕರ ಸಂದ ಅಧ್ಯಕ್ಷಷ ಡಾ.ಅರುಣಕುಮಾರ ಕುರನೆ ಇತರರಿದ್ದರು.
Published on: 

ಪ್ರಮುಖ ಮುಖ್ಯಾಂಶಗಳು

  • ಮೇಯರ್​ ವರ್ಷಾ ಜಾನೆ ಕಿವಿಮಾತು
  • ಸಂವಿಧಾನ ಪ್ರೀಮಿಯರ್​ ಲೀಗ್​&ಮಹಿಳಾ ಕ್ರಿಕೆಟ್​ ಪಂದ್ಯಾವಳಿ
ಕಲಬುರಗಿ:ವಿದ್ಯಾರ್ಥಿನಿಯರು ಓದುವುದರ ಜತೆಗೆ ಕ್ರೀಡಾ ಚಟುವಟಿಕೆಗೂ ಪ್ರಾಮುಖ್ಯತೆ ನೀಡಬೇಕು. ಕ್ರೀಡಾ ಚಟುವಟಿಕೆ ಮತ್ತು ಸ್ಪರ್ಧೆಗಳಲ್ಲಿ ಭಾಗವಹಿಸುವ ಪ್ರಯತ್ನವೇ ಗೆಲುವು ಎಂದು ಭಾವಿಸಿ ಎಂದು ಕಲಬುರಗಿ ಮಹಾನಗರ ಪಾಲಿಕೆ ಮೇಯರ್​ ವರ್ಷಾ ರಾಜೀವ ಜಾನೆ ಹೇಳಿದರು.
ಗುಲ್ಬರ್ಗ ವಿಶ್ವವಿದ್ಯಾಲಯದ ಅತಿಥಿ ಉಪನ್ಯಾಸಕರ ಸಂ ಸಂವಿಧಾನ ದಿನಾಚರಣೆ ಅಂಗವಾಗಿ ದೈಹಿಕ ಶಿಕ್ಷಣ ವಿಭಾಗದ ಹೊರಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸಂವಿಧಾನ ಪ್ರೀಮಿಯರ್​ ಲೀಗ್​&2026 ಮಹಿಳಾ ತಂಡಗಳ ಕ್ರಿಕೆಟ್​ ಪಂದ್ಯಾವಳಿಗೆ ಬ್ಯಾಟಿಂಗ್​ ಮಾಡುವ ಮೂಲಕ ಚಾಲನೆ ನೀಡಿ ಮಾತನಾಡಿದರು.
ಮಹಿಳಾ ವಿಭಾಗದ ಇಂಡಿಯನ್​ ಕ್ರಿಕೆಟ್​, ಐಪಿಎಲ್​ ಮ್ಯಾಚ್​ಗಳಲ್ಲಿ ಮಹಿಳೆಯರು ಸಾಧನೆ ಮಾಡುತ್ತಿದ್ದಾರೆ. ಪುರುಷರಿಗಿಂತ ಮಹಿಳೆಯರ ಕ್ರಿಕೆಟ್​ ಪಂದ್ಯಗಳು ರೋಚಕವಾಗಿ ನಡೆಯುತ್ತಿವೆ. ವಿದ್ಯಾರ್ಥಿನಿಯರಿಗಾಗಿ ಕ್ರಿಕೆಟ್​ ಪಂದ್ಯ ಆಯೋಜಿಸಿರುವ ಅತಿಥಿ ಉಪನ್ಯಾಸಕರ ಸಂದ ಕಾರ್ಯ ಅಭಿನಂದನೀಯ. ಮಹಿಳೆಯರಿಗೆ ಇದೊಂದು ಸುವರ್ಣಾವಕಾಶ. ತಂಡಗಳು ಉತ್ತಮ ಪ್ರದರ್ಶನ ನೀಡಿ ಶ್ರೇಯಸ್ಸು ದೊರೆಯಲಿ ಶುಭ ಹಾರೈಸಿದರು.
ಪಾಲಿಕೆ ಉಪ ಮೇಯರ್​ ತೃಪ್ತಿ ಶ್ರೀನಿವಾಸ ಲಾಖೆ ಮಾತನಾಡಿ, ಕ್ರಿಕೆಟ್​ ಪಂದ್ಯಗಳಲ್ಲಿ ಭಾಗವಹಿಸಿರುವ ಮಹಿಳಾ ವಿದ್ಯಾರ್ಥಿಗಳಲ್ಲಿ ಉತ್ಸಾಹ ಮತ್ತು ಖುಷಿ ಮುಖದಲ್ಲಿ ಎದ್ದು ಕಾಣುತ್ತಿದೆ. ಮಾನಸಿಕ ಹುಮ್ಮಸ್ಸು, ಶಕ್ತಿ ಮತ್ತು ಸಾಮರ್ಥ್ಯದಿಂದ ಪ್ರದರ್ಶನ ನೀಡಿದರೆ ನಿಮಗೆ ಗೆಲುವು ಖಚಿತ. ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರು ಪಾಲ್ಗೊಂಡಿರುವುದು ನಮಗೆ ಖುಷಿ ತಂದಿದೆ ಎಂದರು.

ದೈಹಿಕ ಸದೃಢತೆ ಅಗತ್ಯ

ಗುಲ್ಬರ್ಗ ವಿಶ್ವವಿದ್ಯಾಲಯದ ವಿತ್ತಾಧಿಕಾರಿ ಜಯಾಂಬಿಕ ಮಾತನಾಡಿ, ಜೀವನದ ಉನ್ನತಿಗೆ ಆರೋಗ್ಯವೇ ಸಂಪತ್ತು. ಮಾನಸಿಕ ಆರೋಗ್ಯ ಮತ್ತು ದೈಹಿಕ ಸದೃಢತೆ ಬೆಳೆಸಿಕೊಂಡರೆ ಕ್ರೀಡಾ ೇತ್ರಗಳಲ್ಲಿ ಯಶಸ್ಸು ಕಾಣಬಹುದು. ಕ್ರಿಕೆಟ್​ ಪಂದ್ಯದಲ್ಲಿ ಸೋಲು ಗೆಲುವು ಮುಖ್ಯವಲ್ಲ. ಉತ್ತಮ ಪ್ರದರ್ಶನವೇ ಗೆಲುವು ಎಂಬ ಭಾವನೆ ಬೆಳೆಸಿಕೊಳ್ಳಿ ಎಂದರು.
ಆರ್​.ಜೆ.ವಾಣಿಶ್ರೀ ಮಾತನಾಡಿ, ಮಹಿಳೆಯರು ಸಂವಿಧಾನದಲ್ಲಿರುವ ಮೂಲಭೂತ ಹಕ್ಕುಗಳು, ನಿರ್ದೇಶಕ ತತ್ವಗಳು, ಮಹಿಳಾ ಅವಕಾಶಗಳನ್ನು ತಿಳಿದುಕೊಳ್ಳಬೇಕು. ಡಾ.ಬಿ.ಆರ್​.ಅಂಬೇಡ್ಕರ್​ ಸಂವಿಧಾನ ರಚಿಸಿದ್ದಾರೆ. ಮಹಿಳೆಯರು ಸದಾ ಅವರನ್ನು ಪೂಜಿಸಬೇಕು. ಮಹಿಳೆಯರಿಗೆ ಗೌರವ, ಮನ್ನಣೆ, ಹಕ್ಕುಗಳು ಮತ್ತು ಸೌಲಭ್ಯ ದೊರಕಿರುವುದು ಸಂವಿಧಾನದಿಂದ ಮಾತ್ರ ಎಂದರು.

ಸಮ್ಮೇಳನ ಆಯೋಜನೆಗೆ ಯೋಜನೆ

ಅಧ್ಯಕ್ಷತೆ ವಹಿಸಿದ್ದ ಅತಿಥಿ ಉಪನ್ಯಾಸಕರ ಸಂದ ಅಧ್ಯಕ್ಷ ಡಾ.ಅರುಣಕುಮಾರ ಕುರನೆ ಮಾತನಾಡಿ, ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳಿಗೆ ಒಂದು ವೇದಿಕೆ ನಿರ್ಮಿಸುವ ಮೂಲಕ ಅವರ ಪ್ರತಿಭೆಗೆ ಮುಕ್ತ ಅವಕಾಶ ಮಾಡುವ ಉದ್ದೇಶದಿಂದ ಕ್ರಿಕೆಟ್​ ಪಂದ್ಯಾವಳಿ ಆಯೋಜಿಸಲಾಗಿದೆ. ಪರಸ್ಪರ ಪರಿಚಯ, ಸ್ನೇಹ ಬಾಂಧವ್ಯ, ಮುಕ್ತ ಅಭಿವ್ಯಕ್ತಿಗೆ ಈ ಪಂದ್ಯಾವಳಿ ಸಾಯಾಗಿದೆ. ಕ್ರೀಡೆ ಸೇರಿ ರಾಷ್ಟ್ರೀಯ ವಿಚಾರ ಸಂಕಿರಣ, ಸಮ್ಮೇಳನ ಮತ್ತು ಉಪನ್ಯಾಸಗಳ ಆಯೋಜನೆ ಉದ್ದೇಶವಿದೆ ಎಂದರು.
ರೇಷ್ಮಿ ಏಜುಕೇಷನಲ್​ ಅಂಡ್​ ಚಾರಿಟೇಬಲ್​ ಟ್ರಸ್ಟ್​ನ ಡಾ.ಗೀತಾ ಹಾಗೂ ಸೇಡಂ ಪ್ರಥಮ ದರ್ಜೆ ಕಾಲೇಜಿನ ದೈಹಿಕ ಶಿಕ್ಷಣದ ನಿರ್ದೇಶಕ ಡಾ.ಜಗನ್ನಾಥ ಪಟ್ಟಣಕರ್​ ಮಾತನಾಡಿದರು. ಸಂದ ಪ್ರಧಾನ ಕಾರ್ಯದರ್ಶಿ ಡಾ.ಅಶೋಕ ದೊಡ್ಮನಿ ಇದ್ದರು.
ಅಣವೀರಗೌಡ ನಿರೂಪಿಸಿದರು.
"

ಕಲ್ಯಾಣ ಕರ್ನಾಟಕ ಭಾಗದ ವಿದ್ಯಾರ್ಥಿಗಳಲ್ಲಿ ಪ್ರತಿಭೆಯಿದೆ. ಶಿಕ್ಷಣದ ಜತೆಗೆ ಕ್ರೀಡೆಗಳ ಬಗ್ಗೆ ಆಸಕ್ತಿ ಬೆಳೆಸಿಕೊಳ್ಳಬೇಕು. ಇಂಡಿಯಾ ವರ್ಲ್ಡ ಕಪ್​ನಲ್ಲಿ ಕಲಬುರಗಿ ವಿದ್ಯಾರ್ಥಿನಿ ಶ್ರೇಯಾಂಕ ಪಾಟೀಲ್​ ಮಾಡಿರುವ ಸಾಧನೆ ಈ ಭಾಗದ ಉತ್ಸಾಹಿ ವಿದ್ಯಾರ್ಥಿನಿಯರಿಗೆ ಪ್ರೇರಣೆ. ಅವರ ರೋಚಕ ಆಟ ಮತ್ತು ಸಾಧನೆಗೆ ಮೆಚ್ಚುಗೆಯಾಗಿದೆ. ನಿಮ್ಮ ಸ್ವಸಾಮರ್ಥ್ಯ, ಕ್ರೀಡಾಸಕ್ತಿ ಮತ್ತು ಪ್ರತಿಭೆಗೆ ಉತ್ತಮ ಅವಕಾಶಗಳಿವೆ. ನಮ್ಮ ಭಾಗದ ಮಕ್ಕಳು ಕ್ರಿಕೆಟ್​ ಕ್ಲಬ್​ ಸೇರ್ಪಡೆಯಾಗಿ ಕ್ರೀಡೆಯಲ್ಲಿ ಸಾಧನೆ ಮಾಡುವಂತಾಗಲಿದೆ.

ಡಾ.ಸುರೇಶ್​ ಜಂಗೆ,

ಸಂಯೋಜಕ, ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗ.

give importance to
sports activities too
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net