ವರ್ಗಾವರ್ಗಿಯೇ ಕಾರ್ಯನಿರ್ವಹಣೆಗೆ ತೊಡಕು: ಅಲೋಕಕುಮಾರ ಹೇಳಿಕೆ

ನಗರ ಹೊರವಲಯದ ಕೇಂದ್ರ ಕಾರಾಗೃಹಕ್ಕೆ ಶುಕ್ರವಾರ ಭೇಟಿ ನೀಡಿ ಪರಿಶೀಲಿಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯದ ಎಲ್ಲ ಜೈಲುಗಳಲ್ಲಿ ಅಗತ್ಯ ಸುಧಾರಣೆ ಜತೆ ಭದ್ರತೆ, ಶಿಸ್ತು ಮತ್ತು ಕೈದಿಗಳ ಪುನರ್ವಸತಿ ಕಾರ್ಯಗಳಿಗೆ ಆದ್ಯತೆ ನೀಡುವಂತೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದು, ಕಾರಾಗೃಹಗಳಲ್ಲಿ ಕಂಡುಬರುವ ನ್ಯೂನತೆ ಸರಿಪಡಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ತಿಳಿಸಿದರು.

ರಾಜ್ಯಾದ್ಯಂತ ಕಾರಾಗೃಹಗಳ ಭದ್ರತಾ ವ್ಯವಸ್ಥೆ ಮತ್ತಷ್ಟು ಬಲಪಡಿಸಲಾಗುತ್ತಿದೆ. ಕಲಬುರಗಿಯಲ್ಲಿ ಜು.14ರಂದು ಮೂವರು ಕೈದಿಗಳ ಪರಾರಿ ನಡೆಯಬಾರದಿತ್ತು. ಆದರೂ ನಡೆದಿದ್ದು, ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಎಂಟು ಸಿಬ್ಬಂದಿಯನ್ನು ಅಮಾನತು ಮಾಡಲಾಗಿದೆ. ಕಲಬುರಗಿ ಮಾತ್ರವಲ್ಲ ಬಳ್ಳಾರಿ, ಗೋಕಾಕ್​, ಬೆಳಗಾವಿ ಇತರೆಡೆ ಕೈದಿಗಳ ಪರಾರಿ ಪ್ರಕರಣ ನಡೆದಿವೆ. ಇಂತಹ ಟನೆ ಮರುಕಳಿಸದಂತೆ ವ್ಯವಸೆ ಬಲಪಡಿಸುವ ಅಗತ್ಯವಿದೆ ಎಂದರು.

ಜನವರಿಯಲ್ಲಿ ಬೆಳಕಿಗೆ ಬಂದ ಗಾಂಜಾ ಕೇಸ್​ ನಂತರ ಯಾವುದೇ ಪ್ರಕರಣ ವರದಿಯಾಗಿಲ್ಲ. ಕ್ರಮ ಕೈಗೊಂಡಿದ್ದು, ಸಂಬಂಧಿತ ಸಿಬ್ಬಂದಿಯನ್ನು ಮರು ನೇಮಕ ಮಾಡಿಲ್ಲ. ಜನವರಿ ನಂತರ ಗಂಭೀರ ಲೋಪಗಳು ಕಂಡುಬಂದಿಲ್ಲ. ಕಾರಾಗೃಹ ಸಿಬ್ಬಂದಿ ಹೆಚ್ಚಿನ ಎಚ್ಚರಿಕೆ ವಹಿಸಬೇಕಾಗಿದ್ದು, ಸೇವೆಯಲ್ಲಿರುವಾಗ ರ್ನಿಲಕ್ಷ$್ಯಕ್ಕೆ ಅವಕಾಶ ಇರಬಾರದು ಎಂದು ಹೇಳಿದರು.