ನವ ನಗರ ನಿರ್ಮಾಣಕ್ಕೆ ಶ್ರಮ

ನಗರದ ಹುಮನಾಬಾದ ರಿಂಗ್​ ರಸ್ತೆ ವೃತ್ತದಲ್ಲಿ ನಗರಾಭಿವೃದ್ಧಿ ಪ್ರಾಧಿಕಾರ ಅನುದಾನದಲ್ಲಿ ನಗರಾಭಿವೃದ್ಧಿ ಪ್ರಾಧಿಕಾರ ಕಚೇರಿ ಮುಂಭಾಗ ನವೀಕರಣ, ವಿವಿಧ ವಾರ್ಡ್​ಗಳಲ್ಲಿ ಉದ್ಯಾನ, ವೃತ್ತಗಳ ಅಭಿವೃದ್ಧಿ ಹಾಗೂ ಸ್ಮಶಾನ ಅಭಿವೃದ್ಧಿ ಸೇರಿ 11.99 ಕೋಟಿ ವೆಚ್ಚದ 40 ವಿವಿಧ ಅಭಿವೃದ್ಧಿ ಕಾಮಗಾರಿಗೆ ಅಡಿಗಲ್ಲು ನೆರವೇರಿಸಿ ಮಾತನಾಡಿದರು.

ನಗರದ ಅಭಿವೃದ್ಧಿಗೆ ನೀಲಿನೆ ತಯಾರಿಸಿದ್ದು, ನಗರದ 17 ವಾರ್ಡ್​ ಉದ್ಯಾನಗಳನ್ನು 3.16 ಕೋಟಿ ರೂ. ಮತ್ತು 4 ಪ್ರಮುಖ ವೃತ್ತಗಳು 5 ಕೋಟಿ, ರೂ.ನಲ್ಲಿ ಹೊಸ ರೂಪ ಪಡೆಯಲಿವೆ. 3.58 ಕೋಟಿ ರೂ. ವೆಚ್ಚದಲ್ಲಿ 18 ರುದ್ರಭೂಮಿ ಸುಧಾರಣೆ, 25 ಲಕ್ಷ ರೂ.ನಲ್ಲಿ ಕೂಡಾ ಕಚೇರಿ ನವೀಕರಣಕ್ಕೆ ವಿನಿಯೋಗಿಸಲಾಗುತ್ತಿದೆ ಎಂದರು.

ಡಾ.ಮಲ್ಲಿಕಾರ್ಜುನ ರ್ಖಗೆ ಅವರು ಕಲಬುರಗಿಗೆಗೆ 371 ಜೆ, ಇಎಸ್​ಐ ಆಸ್ಪತ್ರೆ ಸೇರಿ ಮಹತ್ತರ ಕೊಡುಗೆ ನೀಡಿದ್ದಾರೆ. ಕಾಂಗ್ರೆಸ್​ ಪಕ್ಷ ಅಭಿವೃದ್ಧಿಗೆ ಶ್ರಮಿಸಿದೆ ಎಂದರು.

ಶಾಸಕ ಅಲ್ಲಮಪ್ರಭು ಪಾಟೀಲ್​ ಮಾತನಾಡಿ, 30 ವರ್ಷದ ಅಗತ್ಯತೆ ಗಮನದಲ್ಲಿ ಇಟ್ಟುಕೊಂಡು ಸಚಿವ ಪ್ರಿಯಾಂಕ್​ ರ್ಖಗೆ ದೂರದೃಷ್ಟಿಯ ಕಾಮಗಾರಿ ಕೈಗೊಳ್ಳುತ್ತಿದ್ದಾರೆ. ರಾಮಮಂದಿರ ಸೇರಿ 4 ಪ್ರಮುಖ ವೃತ್ತಗಳ ಸೌಂದಯೀರ್ಕರಣ, 18 ಸ್ಮಶಾನ ನವೀಕರಣ , ಉದ್ಯಾನ ಅಭಿವೃದ್ಧಿ, ಮಹಿಳಾ ಕ್ರೀಡಾಂಗಣ, ಮೃಗಾಲಯ, ಹಸಿರು ನಾಡು ಮಾಡಲಾಗುತ್ತಿದೆ ಎಂದರು.

ಕೂಡಾ ಅಧ್ಯಕ್ಷ ಮಜರ್​ ಆಲಂಖಾನ್​ ಮಾತನಾಡಿದರು. ಕೂಡಾ ಆಯುಕ್ತ ಶ್ರೀಶೈಲ್​ ಸಿಂಗ್​ ಸ್ವಾಗತಿಸಿದರು. ಎಂಎಲ್​ಸಿ ಜಗದೇವ ಗುತ್ತೇದಾರ, ಜೆಸ್ಕಾಂ ಅಧ್ಯಕ್ಷ ಪ್ರವಿಣ ಪಾಟೀಲ್​ ಹರವಾಳ, ಪ್ರಮುಖರಾದ ಸೈಯ್ಯದ್​ ಮಹೆಬೂದ್​ ಚಿಸ್ತಿ ಸಾಹೇಬ್​, ಚಂದ್ರಿಕಾ ಪರಮೇಶ್ವರ, ಮೇಯರ್​ ವರ್ಷಾ ಜಾನೆ, ಡಿಸಿ ಇಕ್ರಮ್​ ಶರ್​ೀ, ಜಿಪಂ ಸಿಇಓ ಭಂವರ್​ಸಿಂಗ್​ ಮೀನಾ, ಪಾಲಿಕೆ ಆಯುಕ್ತ ಅವಿನಾಶ ಶಿಂಧೆ ಇತರರಿದ್ದರು.

ನಗರದ ಸಮಗ್ರ ಅಭಿವೃದ್ಧಿ, ಹಸುರೀಕರಣ ಮತ್ತು ಮೂಲ ಸೌಕರ್ಯ ಮೇಲ್ದರ್ಜೆಗೇರಿಸಲು 11.99 ಕೋಟಿ ರೂ. ವೆಚ್ಚದಲ್ಲಿ ವಿವಿಧ ಯೋಜನೆಗೆ ಚಾಲನೆ ನೀಡಲಾಗಿದೆ. 11 ಉದ್ಯಾನಗಳ ಟೆಂಡರ್​ ಪ್ರಕ್ರಿಯೆ ಶ್ರೀ ಮುಗಿಯಲಿದೆ. ನಗರದ ಪ್ರಮುಖ ರಸ್ತೆಗಳ ವೃತ್ತಗಳ ಸೌಂದಯೀರ್ಕರಣ ಮತ್ತು ನಗರಾಭಿವೃದ್ಧಿ ಪ್ರಾಧಿಕಾರದ ಹಳೇ ಕಚೇರಿ ಕಟ್ಟಡ ಆಧುನಿಕ ಶೈಲಿಯಲ್ಲಿ ನವೀಕರಿಸುವ ಕೆಲಸಗಳು ಪ್ರಗತಿಯಲ್ಲಿವೆ.

— > ಮಜರ್​ ಆಲಂಖಾನ್​ ಅಧ್ಯಕ್ಷ ಕಲಬುರಗಿ ನಗರಾಭಿವೃದ್ಧಿ ಪ್ರಾಧಿಕಾರ