ವೈದ್ಯನ ಮೇಲೆ ಅಪರಿಚಿತರಿಂದ ಹಲ್ಲೆ

ಸಂಜೆ 5ಗಂಟೆಗೆ ಪತ್ನಿಯ ಭೇಟಿಗೆಂದು ಇಎಸ್​ಐಸಿ ಆಸ್ಪತ್ರೆಗೆ ಭೇಟಿ ನೀಡಲು ಕಾರ್​ನಲ್ಲಿ ಹೊರಟಾಗ ಬಿಲಗುಂದಿ ವೃತ್ತದಲ್ಲಿ ಸಿಗ್ನಲ್​ನಲ್ಲಿ ಕಾರ್​ ನಿಲ್ಲಿಸಿದ್ದು, ಹಿಂದಿನಿಂದ ವ್ಯಕ್ತಿಯೊಬ್ಬ ಕಾರ್​ ಗುದ್ದಿದ್ದಾನೆ. ಪ್ರಶ್ನಿಸಿದಾಗ ವೈದ್ಯನ ಕಾರ್​ ಚಾವಿ ತೆಗೆದುಕೊಂಡು ಜಗಳ ಮಾಡಿದ್ದಾನೆ. ಪೊಲೀಸರು ಸಮಾಧಾನ ಪಡಿಸಿ ಕಳುಹಿಸಿದ್ದಾರೆ. ನಂತರ ಬೈಕ್​ ಮೇಲೆ ಮೂವರ ಜತೆ ಬಂದ ಅಪರಿಚಿತನು ವೈದ್ಯನನ್ನು ಕಾರ್​ನಿಂದ ಹೊರಗೆ ಎಳೆದು, ಹಲ್ಲೆ ಮಾಡಿದ್ದು, ಗಂಭೀರವಾಗಿ ಗಾಯಗೊಂಡಿದ್ದಾನೆ. ಎಂ.ಬಿ.ನಗರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.