ಬೆಂಗಳೂರು ಬೀದರ್​ ರೈಲು ನಿತ್ಯ ಸಂಚಾರ

ಹಿಂದೆ ವಿಶೇಷ ರೈಲು ಸಂಖ್ಯೆ 06539/06540 ಆಗಿ ಸಂಚರಿಸುತ್ತಿದ್ದ ಸೇವೆ ನಿತ್ಯ ಸಂಚರಿಸಲಿದೆ. ಎಸ್​ಎಂವಿಟಿ ಬೆಂಗಳೂರಿನಿಂದ ಹೊರಡುವ ರೈಲು ಸಂಖ್ಯೆ 16559 ಮೇ 15 ರಿಂದ ಜಾರಿಗೆ ಬರಲಿದೆ. ಬೀದರ್​ನಿಂದ ಹೊರಡುವ ರೈಲು 16560 ಮೇ 16 ರಿಂದ ಕಾಯಂ ಸೇವೆಯಾಗಿ ಲಭ್ಯವಿರಲಿದೆ.

ರೈಲು ಸಂಖ್ಯೆ 16559: ಪ್ರತಿ ಶುಕ್ರವಾರ ಮತ್ತು ಭಾನುವಾರ ರಾತ್ರಿ 9.15ಕ್ಕೆ ಬೆಂಗಳೂರಿನ ಎಸ್​ಎಂವಿಟಿ ನಿಲ್ದಾಣದಿಂದ ಹೊರಟು, ಮರುದಿನ ಮಧ್ಯಾಹ್ನ 12.15ಕ್ಕೆ ಬೀದರ್​ ತಲುಪಲಿದೆ. ರೈಲು 16560 ಪ್ರತಿ ಶನಿವಾರ ಮತ್ತು ಸೋಮವಾರ ಮಧ್ಯಾಹ್ನ 2ಕ್ಕೆ ಬೀದರ್​ನಿಂದ ಹೊರಟು, ಮರುದಿನ ಮುಂಜಾನೆ 4ಕ್ಕೆ ಬೆಂಗಳೂರನ್ನು ತಲುಪಲಿದೆ. ರೈಲು ಹುಮನಾಬಾದ್​, ಕಲಬುರಗಿ, ಶಹಾಬಾದ್​, ವಾಡಿ, ಯಾದಗಿರಿ, ರಾಯಚೂರು, ಮಂತ್ರಾಲಯಂ ರೋಡ್​, ಗುಂತಕಲ್​ ಹಾಗೂ ಧರ್ಮವರಂ ಮಾರ್ಗವಾಗಿ ಸಂಚರಿಸಲಿದೆ.

ಸೋಲಾಪುರ ವಿಭಾಗದ ಕಲಬುರಗಿ, ಶಹಾಬಾದ್​ ಮತ್ತು ವಾಡಿ ನಿಲ್ದಾಣಗಳ ಪ್ರಯಾಣಿಕರಿಗೆ ಈ ನಿರ್ಧಾರ ವರದಾನವಾಗಲಿದೆ. ವಾರಾಂತ್ಯದಲ್ಲಿ ಬೆಂಗಳೂರಿಗೆ ತೆರಳುವ ಉದ್ಯೋಗಿಗಳು, ರಾಜಧಾನಿಯ ವಿವಿಧ ಕಾಲೇಜುಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು, ವ್ಯಾಪಾರಿಗಳು ಮತ್ತು ಧಾರ್ಮಿಕ ಯಾತ್ರಾರ್ಥಿಗಳಿಗೆ ಕಾಯಂ ಸೇವೆ ಸಹಕಾರಿಯಾಗಲಿದೆ. 20 ಕೋಚ್​ಗಳನ್ನು ಹೊಂದಿರುವ ರೈಲಿನಲ್ಲಿ ಎಸಿ, ಸ್ಲೀಪರ್​ ಹಾಗೂ ಸಾಮಾನ್ಯ ದರ್ಜೆಯ ಬೋಗಿಗಳಿದ್ದು, ಎಲ್ಲ ವರ್ಗದ ಪ್ರಯಾಣಿಕರಿಗೂ ಅನುಕೂಲ ಕಲ್ಪಿಸಲಾಗಿದೆ.