ಕಾರವಾರ: ಕದ್ರಾದ ಮಹಾಮಾಯಾ ದೇವಿಯ ಜಾತ್ರಾ (Jatra) ಮಹೋತ್ಸವವು ಬುಧವಾರ ಭಕ್ತಿ, ವಿಜೃಂಭಣೆಯಿಂದ ಜರುಗಿತು. ಮಂಗಳವಾರ ಶಿಂಗೇವಾಡಿಯ ಮಹಾಮಾಯಾ ದೇವಸ್ಥಾನದಲ್ಲಿ ಹವನ ಹಾಗೂ ವಿಶೇಷ ಪೂಜೆಗಳು ಜರುಗಿದವು. ನಂತರ ಬುಧವಾರ ಬೆಳಗ್ಗೆ ಪಲ್ಲಕ್ಕಿಯಲ್ಲಿ ದೇವರನ್ನು ಕದ್ರಾ ಮಾರುಕಟ್ಟೆಯ ಸಮೀಪದ ಜಾತ್ರೆ ಕಟ್ಟೆಗೆ ತಂದು ಪ್ರತಿಷ್ಠಾಪಿಸಲಾಯಿತು. ಗೋವಿಂದ ಮಿರಾಶಿ ಕುಟುಂಬದವರು ಪೂಜೆ ಸಲ್ಲಿಸಿದ ಬಳಿಕ ಭಕ್ತರ ದರ್ಶನಕ್ಕೆ ಅವಕಾಶ ಮಾಡಿಕೊಡಲಾಯಿತು. ಭಕ್ತರು, ದೇವಿಗೆ ಉಡಿ, ತುಂಬಿ, ತುಲಾಭಾರ, ಹಣ್ಣುಕಾಯಿ, ಬಲಿ ಮುಂತಾದ ಸೇವೆಗಳನ್ನು ಅರ್ಪಿಸಿದರು. ಸಾವಿರಾರು ಭಕ್ತರು ಸರದಿಯಲ್ಲಿ ನಿಂತು ದರ್ಶನ ಪಡೆದರು. ರಾತ್ರಿ ಬಲಿ ಸೇವೆ ನಡೆಯಿತು.
