ಮಾಲ್ ನಿಮಾರ್ಣದ ಕಾಮಗಾರಿ ತಡೆಹಿಡಿಯುವ ಹೋರಾಟದ ಹಿಂದೆ ಜ್ಯೋತಿಗಣೇಶ್, ಬಿಜೆಪಿಯ ಹೋರಾಟದ ಶ್ರಮವಿದೆ. ಜತೆಗೆ ಕಾನೂನಾತ್ಮಕವಾಗಿ ಈ ಕಾಮಗಾರಿಗೆ ತಡೆ ನೀಡಲು ಶಾಸಕರು ವೈಯಕ್ತಿಕವಾಗಿ ಖರ್ಚು ಮಾಡಿ, ಕಾಮಗಾರಿ ಸ್ಥಗಿತಗೊಳ್ಳುವಂತೆ ಮಾಡಿರುತ್ತಾರೆ. ಈ ಎಲ್ಲ ಮಾಹಿತಿಗಳು ತಿಳಿದಿದ್ದರು ಕೂಡ ಶಾಸಕರ ಹೆಸರಿಗೆ ಮಸಿ ಬಳಿಯುವ ಉದ್ದೇಶದಿಂದ ಕೆಲವು ನಕಲಿ ಹಿಂದುವಾದಿಗಳು ಸುಖಾ-ಸುಮ್ಮನೆ ಆರೋಪ ಮಾಡಿರುತ್ತಾರೆ. ಈ ವಿಚಾರವಾಗಿ ಮಾಹಿತಿಯೇ ಇಲ್ಲದ ಪ್ರಮೋದ್ ಮುತಾಲಿಕರನ್ನು, ತುಮಕೂರಿನ ನಾಗರಿಕರೇ ಅಲ್ಲದವರನ್ನು ಜತೆಯಲ್ಲಿಟ್ಟುಕೊಂಡು ಈ ರೀತಿ ಆರೋಪ ಮಾಡಿರುವುದು ನಿಜಕ್ಕೂ ಖಂಡನಾರ್ಹ ಎಂದು ಬಿಜೆಪಿ ಮಾಜಿ ನಗರಾಧ್ಯಕ್ಷ ಟಿ.ಎಚ್.ಹನುಮಂತರಾಜು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
