ಅದ್ದೂರಿ ಜಂಬೂಸವಾರಿಗೆ ತುಮಕೂರು ಸಾಕ್ಷಿ

ತುಮಕೂರು: ತುಮಕೂರು ದಸರಾ ಉತ್ಸವ&2024ರ ಭಾಗವಾಗಿ ವಿಜಯದಶಮಿಯ ಶನಿವಾರದಂದು ಸೀತಕಲ್ಲು ಚಾಮುಂಡೇಶ್ವರಿ ದೇವಿಯ ಅದ್ದೂರಿ ಜಂಬೂಸವಾರಿಗೆ ತುಮಕೂರಿಗರು ಸಾಕ್ಷಿಯಾದರು. ಜಿಲ್ಲಾಡಳಿತದ ವತಿಯಿಂದ ಮೊದಲ ಬಾರಿ ಹಮ್ಮಿಕೊಂಡಿದ್ದ ದಸರಾ ಉತ್ಸವವದಲ್ಲಿ

ನಗರದ ಬಿಜಿಎಸ್​ ವೃತ್ತದಲ್ಲಿ ನಂದಿ ಧ್ವಜಕ್ಕೆ ಪೂಜೆ ಸಲ್ಲಿಸುವ ಮೂಲಕ ಜಿಲ್ಲಾ ಉಸ್ತುವಾರಿ ಸಚಿವರಾದ ಗೃಹಸಚಿವ ಡಾ. ಜಿ.ಪರಮೇಶ್ವರ ದಸರಾ ಮೆರವಣಿಗೆಗೆ ಚಾಲನೆ ನೀಡಿದರು. ನಗರದ 50ಕ್ಕು ಹೆಚ್ಚು ವಿವಿಧ ದೇವತೆಗಳ ಉತ್ಸವವು ಜಂಬೂಸವಾರಿಗೆ ಮೆರುಗು ತಂದವು. ಪೊಲೀಸ್​ ಅಶ್ವಾರೋಹಿ ದಳ ಮೆರವಣಿಗೆಯನ್ನು ಮುನ್ನಡೆಸಿತು.

ಅಂಬಾರಿ ಹೊತ್ತ ಲಕ್ಷಿ$್ಮ: ನಗರದ ಕರಿಬಸವೇಶ್ವರ ಮಠದ ಆನೆ ಲಕ್ಷಿ$್ಮ ಅಂಬಾರಿ ಹೊತ್ತು ಗಜ ಗಾಂಭೀರ್ಯ ನಡೆಗೆ ಕಾಡು ಸಿದ್ದೇಶ್ವರ ಮಠದ ಲಕ್ಷಿ$್ಮ ಆನೆ ಸಾಥ್​ ನೀಡಿತು. ಮೈಸೂರು ದಸಾರ ಆನೆಗಳಂತೆ ಲಕ್ಷಿ$್ಮ ದ್ವಯರನ್ನು ಸಿಂಗರಿಸಲಾಗಿತ್ತು. ಭವ್ಯ ಅಲಂಕೃತಗೊಂಡ ಲಕ್ಷಿ$್ಮ ಅಂಬಾರಿಯಲ್ಲಿ ಸೀತಕಲ್ಲು ಚಾಮುಂಡೇಶ್ವರಿ ದೇವಿಯನ್ನು ಕೂರಿಸಲಾಗಿತ್ತು. ಮಧ್ಯಾಹ್ನ 1ಕ್ಕೆ ಅಂಬಾರಿಯಲ್ಲಿನ ಚಾಮುಂಡೇಶ್ವರಿ ಮೂರ್ತಿಗೆ ಸಚಿವ ಪರಮೇಶ್ವ ಪತ್ನಿ ಕನ್ನಿಕಾ ಪರಮೇಶ್ವರಿ ಜತೆ ಪುಷ್ಪಾರ್ಚನೆ ಸಲ್ಲಿಸಿದರು. ಈ ವೇಳೆ ನಗರ ಶಾಸಕ ಜಿ.ಬಿ.ಜ್ಯೋತಿಗಣೇಶ್​, ಜಿಲ್ಲಾಧಿಕಾರಿ ಶುಭಕಲ್ಯಾಣ್​, ಸಿಇಒ ಜಿ.ಪ್ರಭು, ಕೇಂದ್ರ ವಲಯ ಐಜಿಪಿ ಲಾಬೂರಾಮ್​, ಎಸ್ಪಿ ಕೆ.ವಿ.ಅಶೋಕ್​, ಆಯುಕ್ತೆ ಬಿ.ವಿ.ಅಶ್ವಿಜ ಸಾಥ್​ ನೀಡಿದರು.

ರಸ್ತೆಯಲ್ಲಿ ಕಾದ ಜನ: ಮೆರವಣಿಗೆ ಸಾಗಿದ ರಸ್ತೆಯುದ್ದಕ್ಕು ಜನ ಕಾದು ನಿಂತು ಜಂಬೂಸವಾರಿಯನ್ನು ಕಣ್ತುಂಬಿಕುಂಡರು. ಜಂಬುಸವಾರಿಯುದ್ದಕ್ಕು ಅಧಿಕಾರಿಗಳ ಜತೆ ಪರಮೇಶ್ವರ್​ ನಡೆದೇ ಸಾಗಿದರು. ಅಮಾನಿಕೆರೆ ರಸ್ತೆಯಲ್ಲಿ ಮೆರವಣಿಗೆ ಸಾಗುವಾಗ ಮಳೆ ಹನಿಗಳ ಸ್ವಾಗತಿಸಿದವು.

ಮೆರವಣಿಗೆಯಲ್ಲಿ ಚಿಟ್​ ಮೇಳ, ಕರಡಿ ಮಂಜಲು, ಗಿಳಿ ಕುಣಿತ, ನಂದಿ ಧ್ವಜ ಕುಣಿತ, ಡೊಳ್ಳು ಕುಣಿತ, ಗೊರವರ ಕುಣಿತ, ಸೋಮಣ ಕುಣಿತ, ಗಾರುಡಿಗೊಂಬೆ, ನಾಸಿಕ್​ ಡೋಲ್​ , ಮೂಡಲಪಾಯ ಯಕ್ಷಗಾನ ವೇಷಧಾರಿಗಳು, ವೀರಗಾಸೆ ಸೇರಿದಂತೆ ವಿವಿಧ ಜಾನಪದ ಕಲಾ ಪ್ರಕಾರಗಳು ಮೆರವಣಿಗೆಯನ್ನು ಮೆರುಗುಗೊಳಿಸಿದವು. ಕೋತಿತೋಪು ರಸ್ತೆ ಮಾರ್ಗವಾಗಿ ಸಾಗಿದ ಜಂಬೂಸವಾರಿ ಶಿವಕುಮಾರ ಸ್ವಾಮೀಜಿ ವೃತ್ತದಲ್ಲಿ ಬಲತಿರುವ ಪಡೆದು ಬಿ.ಎಚ್​.ರಸ್ತೆ ಮೂಲಕ ಭದ್ರಂ ವೃತ್ತದಿಂದ ಸಾಗಿ ಸರ್ಕಾರಿ ಪಿಯು ಕಾಲೇಜು ಮೈದಾನದಲ್ಲಿ ಮೆರವಣಿಗೆ ಸಂಜೆ 4ರ ಹೊತ್ತಿಗೆ ಸಂಪನ್ನಗೊಂಡಿತು.

ಬನ್ನಿ ಕಡಿದ ಪರಂ

ಪ್ರಥಮ ಬಾರಿ ಜಿಲ್ಲಾಡಳಿತದ ವತಿಯಿಂದ ಆಯೋಜಿಸಿದ್ದ ದಸರಾ ಉತ್ಸವದಲ್ಲಿ ಜಿಲ್ಲಾ ಉಸ್ತುವಾರಿ ಹೊಣೆಹೊತ್ತಿರುವ ಸಚಿವ ಪರಮೇಶ್ವರಗೆ ಈ ಬಾರಿ ಶಮೀಪೂಜೆ ನೆರವೇರಿಸುವ ಅವಕಾಸ ದೊರೆತಿತ್ತು. ಸಾಂಪ್ರದಾಯಿಕವಾಗಿ ಶಮೀಪೂಜೆ ನೆರವೇರಿಸಿದ ಪರಮೇಶ್ವರ್​ ಬನ್ನಿ ಕಡಿಯುವುದರೊಂದಿಗೆ ನವರಾತ್ರಿ ಉತ್ಸವ ಸಂಪನ್ನಗೊಂಡಿತು.