ಜನರ ಮನ ಗೆದ್ದ ಹಲಸು ಮೇಳ : ದುಬಾರಿಯಾದರೂ ಮುಗಿಬಿದ್ದ ಗ್ರಾಹಕರು : ನಿರಂತರ ಆಯೋಜನೆ ಯೋಚನೆ

ವಿಜಯಮಾಣಿ ಸುದ್ದಿಜಾಲ ಉಳ್ಳಾಲ

ಉಳ್ಳಾಲ ತಾಲೂಕಿಲ್ಲಿ ಪ್ರಥಮ ಬಾರಿಗೆ ನಡೆದ ಹಲಸು ಮೇಳ ಅಭೂತಪೂರ್ವ ಯಶಸ್ಸು ಕಂಡಿದೆ. ಮೇಳದಲ್ಲಿ ವಸ್ತುಗಳಿಗೆ ದುಬಾರಿ ಬೆಲೆ ಇದ್ದರೂ ಗ್ರಾಹಕರು ಮುಗಿಬಿದ್ದು ಖರೀದಿಸಿದ್ದಾರೆ. ಪ್ರಥಮ ಪ್ರಯತ್ನ ಯಶಸ್ಸಿನಿಂದ ಬೀಗಿರುವ ಪ್ರಮುಖ ಆಯೋಜಕರಾದ ಕೋಟೆಕಾರ್ ವ್ಯವಸಾಯ ಸೇಮಾ ಸಹಕಾರ ಬ್ಯಾಂಕ್ ಮುಂದಿನ ವರ್ಷಗಳಲ್ಲಿ ನಿರಂತರ ಮೇಳ ಆಯೋಜನೆಗೆ ಯೋಚಿಸಿದೆ.

ಹಲಸಿನ ಮೇಳದ ಪ್ರಯುಕ್ತ ಸಾರ್ವಜನಿಕರನ್ನು ಆಕರ್ಷಿಸಲು ವಿವಿಧ ಸ್ಟಾಲ್‌ಗಳಿಗೆ ಅವಕಾಶ ಕಲ್ಪಿಸಲಾಗಿತ್ತು. ಹೆಚ್ಚಿನ ಸ್ಟಾಲ್‌ಗಳು ತಿಂಡಿ ತಿನಸುಗಳದ್ದೇ ಆಗಿದ್ದವು. ಹಲಸಿನಿಂದ ತಯಾರಿಸಲಾದ ಮಂಚೂರಿ, ಚಿಲ್ಲಿ, ಜಿಲೇಬಿ, ಗರಿಕೆ, ಬಿರಿಯಾನಿ, ಹಲ್ಮಾ ಗ್ರಾಹಕರ ಗಮನ ಸೆಳೆಯುವಲ್ಲಿ ಸಫಲಮಾಯಿತು.

ಮೊದಲ ದಿನವೇ ಜನಜಂಗುಳಿ: ದ.ಕ.ಜಿಲ್ಲೆ ವಿವಿಧ ಭಾಗಗಳಲ್ಲಿ ಕೆಲವು ವರ್ಷಗಳಿಂದ ಹಲಸು ಮೇಳ ನಡೆಸಲಾಗುತ್ತಿದೆ. ಆದರೆ ಉಳ್ಳಾಲ ತಾಲೂಕಿನಲ್ಲಿ ಪ್ರಥಮ ಬಾರಿಗೆ ಹಲಸು ಮೇಳ ಆಯೋಜಿಸಲಾಗಿದ್ದು ಜಿಲ್ಲೆಯ ಕಡೆಯ ಮೇಳವೂ ಆಗಿದೆ. ಈ ಹಿನ್ನೆಲೆ ತಾಲೂಕಿನ ಜನರಿಂದಲೇ ಭಾರಿ ಸ್ಪಂದನೆ ವ್ಯಕ್ತಮಾಗಿದ್ದು ಜತೆಗೆ ಇತರ ತಾಲೂಕುಗಳಿಂದಲೂ ಜನ ಭಾಗವಹಿಸಿದ್ದರು. ಮೊದಲ ದಿನದ ಆರಂಭದಲ್ಲಿ ಜನ ಕಡಿಮೆಯಿದ್ದರೂ ಬಳಿಕ ರಾತ್ರಿ 10ರವರೆಗೂ ಸಭಾಂಗಣ ತುಂಬಿತ್ತು. ಶನಿಮಾರ ವಿವಿಧ ಶಾಲೆಗಳ ಶಿಕ್ಷಕರು, ಮಕ್ಕಳು ಭಾರಿ ಸಂಖ್ಯೆಯಲ್ಲಿ ಭಾಗವಹಿಸಿದರೆ, ಭಾನುಮಾರ ರಜಾದಿನಮಾಗಿದ್ದರಿಂದ ಕುಟುಂಬ ಸಮೇತ ಭೇಟಿ ನೀಡಿ ವಿವಿಧ ಖಾದ್ಯ ಸವಿದು ಮನೆಗೆ ಕೊಂಡೊಯ್ದರು.

https://www.vijayavani.net/ac-office