ಈ ವಿಡಿಯೋ ಬಾಗಲಕೋಟೆಯ ಮುಧೋಳ ನಗರದ ರನ್ನ ಲೈಬ್ರರಿ ವ್ಯಾಕ್ಸಿನ್ ಕೇಂದ್ರದಲ್ಲಿ ಚಿತ್ರೀಕರಿಸಲಾಗಿದೆ. ಇಲ್ಲಿ ಚುಚ್ಚುಮದ್ದು ನೀಡುತ್ತಿರುವ ವ್ಯಕ್ತಿಯ ಹೆಸರು ವಿರೂಪಾಕ್ಷ ನೀರಲಕೇರಿ. ಆತ ರಾಷ್ಟ್ರೀಯ ಬಾಲ ಸ್ವಾಸ್ಥ್ಯ ಕಾರ್ಯಕ್ರಮ ಯೋಜನೆಯಲ್ಲಿ ಸ್ಟಾಪ್ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದಾನೆ. ವ್ಯಾಕ್ಸಿನ್ ಕೇಂದ್ರದಲ್ಲಿ ಕುರ್ಚಿ ಮೇಲೆ ಕುಳಿತು ಲಸಿಕೆ ನೀಡಲಾರಂಭಿಸಿದರೆ ಮತ್ತೆ ಏಳುವುದಿಲ್ಲವಂತೆ. ಕುಳಿತಲ್ಲೇ ಕುಳಿತು ಬಂದವರಿಗೆಲ್ಲ ಇಂಜೆಕ್ಷನ್ ಚುಚ್ಚಿ ಕಳಿಸುತ್ತಾನೆ. ಆದರೆ ಆತ ಸಿರಿಂಜ್ಗೆ ಲಸಿಕೆ ಹಾಕಿಕೊಂಡು ಚುಚ್ಚುತ್ತಿದ್ದಾನೆಯೇ ಎನ್ನುವ ಅನುಮಾನ ಅಲ್ಲಿನವರಿಗೆ ಕಾಡಲಾರಂಭಿಸಿದ್ದಾರೆ. ಹಾಗಾಗಿ ಆತ ಇಂಜೆಕ್ಷನ್ ನೀಡುವ ಪರಿಯನ್ನು ವಿಡಿಯೋ ಮಾಡಿ ಹರಿಬಿಟ್ಟಿದ್ದಾರೆ.
