ಬುಡಕಟ್ಟು ಸಂಸ್ಕೃತಿ ಅಧ್ಯಯನ ಕೇಂದ್ರವು ವಿರಾಜಪೇಟೆ ಕಾವೇರಿ ಕಾಲೇಜಿನ ಸಹಕಾರದೊಂದಿಗೆ ಇತ್ತೀಚೆಗೆ ಕೊಡವ ಸಂಸ್ಕೃತಿ ಕುರಿತು ಆಯೋಜಿಸಿದ್ದ ವಿಚಾರ ಸಂಕಿರಣದಲ್ಲಿ ಕೊಡವ ಆಟ್ ಪಾಟ್ ಕಳಿ ವಿಷಯ ಕುರಿತು ಮಾತನಾಡಿದ ಅವರು, ನಾವು ಬಾಲ್ಯದಲ್ಲಿ ಮಂದ್ ಕೋಲಾಟದಲ್ಲಿ ಭಾಗವಹಿಸಿದ ಪರಿ ಮತ್ತು ಹಿರಿಯರು ಯಾವುದನ್ನು ತಿಳಿಸಿ ಹೇಳುತ್ತಿದ್ದರೋ ಅದನ್ನು ಶಿಸ್ತುಬದ್ಧವಾಗಿ ಕಲಿಯುತ್ತಿದ್ದೆವು. ಅಲ್ಲದೆ, ಮಂದ್ ಕೋಲಾಟವನ್ನು ಪ್ರದರ್ಶಿಸುತ್ತಿದ್ದ ರೀತಿಯನ್ನು ನೋಡಿಯೇ ನಾವು ಕಲಿಯುತ್ತಿದ್ದೆವು. ಹೊರ ದೇಶಗಳ ಆಕರ್ಷಣೆಯಿಂದ ಕೃಷಿ ಪದ್ಧತಿ ತೊರೆದು ವಲಸೆ ಹೋಗುವುದು ಹೆಚ್ಚಾದ್ದರಿಂದ ಅನಿವಾರ್ಯವಾಗಿ ಗ್ರಾಮ ತೊರೆಯಬೇಕಾಯಿತು. ಆದರೆ, ಚಿಕ್ಕವರಿದ್ದಾಗ ಕಲಿತ ವಿದ್ಯೆಯನ್ನು ಇಂದಿಗೂ ಮರೆತಿಲ್ಲ. ಆದರೆ, ಇಂದಿನ ಯುವಕರಿಗೆ ಇವುಗಳ ಪರಿಚಯವೇ ಇಲ್ಲದಂತಾಗಿದೆ ಎಂದು ತಿಳಿಸಿದರು.
