29ರಂದು ಬೆಳಗ್ಗೆ ಪ್ರಾರ್ಥನೆ, ಗಣಪತಿ ಪೂಜೆ, ಪುಣ್ಯಾಹ ದೇವನಾಂದಿ, ಕಾತುಕ ಬಂಧನ, ಋತ್ವಿಕ ವರ್ಣನೆ, ಗಣೇಶ ಶಾಂತಿ, ಅಗ್ನಿಗ್ರಹಣ ಇತ್ಯಾದಿ, ಸಂಜೆ ಭೂತ ಶುದ್ಧಿ ಹವನ, ವಾಸ್ತು ರಾಕೋಘ್ನ ವಿಧಾನ, ಕಲಾ ಸಂಕೋಚ. ಅದಿವಾಸ ಪೂಜೆ, ಬಲಿ ಪ್ರಧಾನ ಇತ್ಯಾದಿ ಕಾರ್ಯಕ್ರಮಗಳು ನಡೆಯಲಿವೆ. 30ರಂದು ಬೆಳಗ್ಗೆ 11.05ರ ಮಿಥುನ ಲಗ್ನದ ಮುಹೂರ್ತದಲ್ಲಿ ಶ್ರೀ ಧ್ವಜೇಶ್ವರ, ಶ್ರೀ ಮಹಾಗಣಪತಿ ಮತ್ತು ಶ್ರೀ ದುರ್ಗಾಪರಮೇಶ್ವರಿಯ ಪುನರ್ ಪ್ರತಿಷ್ಠಾಪನೆ ಹಾಗೂ ಶಿಲಾಮಯ ರಾಜಗೋಪುರ, ಹೆಬ್ಬಾಗಿಲು, ಉತ್ತರ ಪೌಳಿಯ ಲೋಕಾರ್ಪಣೆ, ಶತರುದ್ರಾಭಿಷೇಕ ಹಾಗೂ ಹವನ ನಡೆಯಲಿದ್ದು, ಸಂಜೆ ಮಂಡಲದರ್ಶನ, ಬ್ರಹ್ಮಕಲಶ ಸ್ಥಾಪನೆ, ರಂಗಪೂಜೆ, ದಂಡಬಲಿ, ಪ್ರಾಕಾರೋತ್ಸವ, ರಾಜೋಪಚಾರ ಸೇವೆ ಜರುಗಲಿದೆ.
