ಇತ್ತೀಚೆಗೆ ಲಿಂಗಾಯತ ಪ್ರಗತಿಶೀಲ ಸಂಘದ 2657ನೇ ಶಿವಾನುಭವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಬ್ರಹ್ಮಾಂಡ ದೊಡ್ಡದಿದೆ. ವಿಜ್ಞಾನಿಗಳಲ್ಲಿ ಅನೇಕ ವಿಷಯಗಳನ್ನು ತಿಳಿಯಬೇಕೆಂಬ ಕುತೂಹಲಗಳಿರುತ್ತವೆ. ಮಂಗಳಯಾನ ಮುಟ್ಟಿದ ಏಕೈಕ ರಾಷ್ಟ್ರ ಭಾರತ. ಚಂದ್ರನ ದಕ್ಷಿಣ ಭಾಗದಲ್ಲಿ ನೀರಿನ ಅಂಶವನ್ನು ಗುರುತಿಸಿ ಆ ಭಾಗಕ್ಕೆ ತಲುಪಿದ ಮೊಟ್ಟಮೊದಲ ದೇಶ ಭಾರತ. ಚಂದ್ರಯಾನ ಪ್ರಯೋಗ ಮಾಡುವಾಗ ಸಫಲತೆ, ವಿಫಲತೆಗಳು ಇದ್ದೆ ಇರುತ್ತವೆ. ಆ ದೋಷಗಳನ್ನು ಚಂದ್ರಯಾನ-3ರಲ್ಲಿ ಸರಿಪಡಿಸಿಕೊಂಡು ಯಶಸ್ವಿಯಾಗಿದ್ದೇವೆ. ಈ ಯಶೋಗಾಥೆಯ ಹಿಂದೆ ವಿಜ್ಞಾನಿಗಳ ಶ್ರಮ ಮತ್ತು ಕಷ್ಟದ ಪರಿಸ್ಥಿತಿಗಳು ಇವೆ ಎಂದು ಸುರೇಂದ್ರ ಬಿಂದಗಿ ಹೇಳಿದರು. ಚಿಕ್ಕಂದಿನಿಂದಲೂ ತೋಂಟದಾರ್ಯ ಮಠದ ಅನ್ನದಾಸೋಹ, ಜ್ಞಾನದಾಸೋಹ, ಪುಸ್ತಕದಾಸೋಹ, ಧಾರ್ವಿುಕ, ಸಾಂಸ್ಕೃತಿಕ ಕಾರ್ಯಗಳನ್ನು ನೋಡುತ್ತ ಬೆಳೆದಿದ್ದೇನೆ ಎಂದು ಹೇಳಿದರು.
