ರೈಲ್ವೆ ಸರಕು ಸಾಗಣೆ ಪ್ರಮಾಣದಲ್ಲಿ ಹೆಚ್ಚಳ

ಬೆಂಗಳೂರು: ನೈಋತ್ಯ ರೈಲ್ವೆ ಸರಕು ಸಾಗಣೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು, ಅಕ್ಟೋಬರ್​ ತಿಂಗಳಲ್ಲೇ 32.2 ಲಕ್ಷ ಟನ್​ ವಿವಿಧ ರೀತಿಯ ಸರಕುಗಳನ್ನು ಸಾಗಿಸಿದೆ. ಲಾಕ್​ಡೌನ್​ ಅವಧಿಯಲ್ಲಿ ನೈಋತ್ಯ ರೈಲ್ವೆ ವೈದ್ಯಕಿಯ ಮತ್ತು ಅಗತ್ಯ ವಸ್ತುಗಳ ಸಾಗಣೆ ಕಾರ್ಯ ಸಮರ್ಪಕವಾಗಿ ಮಾಡಿತ್ತು.

ಲಾಕ್​ಡೌನ್​ ಸಡಿಲಿಕೆ ನಂತರವೂ ಪ್ರಯಾಣಿಕ ಸೇವೆಗಿಂತ ಸರಕು ಸಾಗಣೆ ಸೇವೆಯಲ್ಲಿ ಹೆಚ್ಚಳವಾಗಿದೆ. ಪ್ರಸಕ್ತ ಆಥಿರ್ಕ ವರ್ಷದಲ್ಲಿ ಅಕ್ಟೋಬರ್​ ಅಂತ್ಯದವರೆಗೆ ಒಟ್ಟು 1.95 ಕೋಟಿ ಟನ್​ ಸರಕು ಸಾಗಿಸಲಾಗಿದೆ. ಅದರಲ್ಲಿ ಅಕ್ಟೋಬರ್​ ತಿಂಗಳಲ್ಲಿಯೇ 32.2 ಲಕ್ಷ ಟನ್​ ಸರಕು ಸಾಗಣೆ ಮಾಡಲಾಗಿದ್ದು, ಇದು ಒಂದು ತಿಂಗಳಲ್ಲಿ ಮಾಡಲಾದ ಸರಕು ಸಾಗಣೆಯಲ್ಲಿಯೇ ಅತಿಹೆಚ್ಚಿನ ಪ್ರಮಾಣವಾಗಿದೆ.

ಇದನ್ನೂ ಓದಿ: ಲವ್ ಜಿಹಾದ್​ಗೆ ಸಜೆ: ಮತಾಂತರ ನಿಷೇಧ ಕಾಯ್ದೆ ಜಾರಿಗೆ ರಾಜ್ಯ ಸರ್ಕಾರ ಒಲವು

ಮಾಸಿಕ 30 ಲಕ್ಷ ಟನ್​: ಕಳೆದ ಆಗಸ್ಟ್​ನಿಂದೀಚೆಗಿನ ಮೂರು ತಿಂಗಳಲ್ಲಿ ಮಾಸಿಕ ತಲಾ 30 ಲಕ್ಷ ಟನ್​ ಸರಕುಗಳನ್ನು ಸಾಗಿಸಲಾಗುತ್ತಿದೆ. ಪ್ರಮುಖವಾಗಿ ವಾಹನಗಳು, ಉಕ್ಕು, ಆಹಾರ ಸಾಮಗ್ರಿಗಳು ಸೇರಿವೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷದ ಸೆಪ್ಟೆಂಬರ್​ನಲ್ಲಿ ಶೇ. 4.48 ಹಾಗೂ ಅಕ್ಟೋಬರ್​ನಲ್ಲಿ ಶೇ. 8.61 ಹೆಚ್ಚಿನ ಸರಕು ಸಾಗಣೆ ಮಾಡಲಾಗಿದೆ.

https://www.vijayavani.net/online-betting-btc-high-court-notice/