ಕನ್ನಡ ಸಾಹಿತ್ಯಕ್ಕೆ ಅವರು ನೀಡಿದ ಕೊಡುಗೆಯನ್ನು ಸ್ಮರಿಸಲು ಕನ್ನಡ ಹಿತರಕ್ಷಕ ಸಂಘ ಅನಕೃ ವೃತ್ತವನ್ನು ರಚಿಸುವಂತೆ ಒತ್ತಾಯಿಸಿತ್ತು. 1971ರಲ್ಲಿ ಪಟ್ಟಣ ಪಂಚಾಯಿತಿ ರಾಜ್ಯದಲ್ಲೇ ಅಪರೂಪವಾದ, ವಿಶಿಷ್ಟ ಶೈಲಿಯಲ್ಲಿ ಬೃಹತ್ ಅನಕೃ ವೃತ್ತವನ್ನು ನಿರ್ಮಿಸಿ ರಾಜ್ಯಮಟ್ಟದಲ್ಲಿ ಗಮನಸೆಳೆದಿತ್ತು.
ಕನ್ನಡ ಹಿತರಕ್ಷಕ ಸಂಘದ ಸಭೆ ಸಮಾರಂಭಗಳಿಗೆ ಆಗಮಿಸಿದ್ದ ಬೀಚಿ, ಕಯ್ಯರ ಕಿಞಣ್ಣರೈ, ಹಾ.ಮಾ.ನಾಯಕ, ಶಿವರಾಮ ಕಾರಂತ, ಡಾ.ಚಂದ್ರಶೇಖರ ಕಂಬಾರ, ಡಾ.ಎಂ.ಎಂ.ಕಲಬುರ್ಗಿ, ಶಂಭು ವಿ.ಬಳಿಗಾರ, ಮಲ್ಲೇಪುರಂ ಜಿ.ವೆಂಕಟೇಶ, ರಾಜಕಾರಣಿ ಎಂ.ಪಿ.ಪ್ರಕಾಶ, ಎಂ.ವೈ.ಘೋರ್ಪಡೆ ಸೇರಿ ಸಾರಸ್ವತ ಲೋಕದ ಗಣ್ಯರು, ರಾಜಕೀಯ ಧುರೀಣರು ಕಂಪ್ಲಿಯಲ್ಲಿನ ಅನಕೃ ವೃತ್ತವನ್ನು ಕಂಡು ಕಣ್ತುಂಬಿಕೊಂಡು ಸಾಹಿತಿಗೆ ನೀಡಿದ ಗೌರವವನ್ನು ಕೊಂಡಾಡಿದ್ದರು.
