ಮಗು ಅಪಹರಣ ಪತ್ತೆ ಹಚ್ಚಿದ ಪೊಲೀಸರಿಗೆ ಕಾದಿತ್ತು ಶಾಕ್​ !!

ತುಮಕೂರು: ಮಕ್ಕಳ ಅಕ್ರಮ ಮಾರಾಟ ಹಾಗೂ ಅಪಹರಣ ಜಾಲವನ್ನು ಭೇದಿಸುವಲ್ಲಿ ಜಿಲ್ಲೆಯ ಪೊಲೀಸರು ಯಶಸ್ವಿಯಾಗಿದ್ದಾರೆ. ಒಂದು ವರ್ಷದ ಮಗು ಕದ್ದು ಮಾರಾಟ ಮಾಡಿದ ಪ್ರಕರಣ ಬೆನ್ನುಹತ್ತಿದ ಪೊಲೀಸರು 9 ಮಕ್ಕಳ ಅಕ್ರಮ ಮಾರಾಟ ಪ್ರಕರಣಗಳನ್ನು ಬಯಲಿಗೆಳೆದಿದ್ದಾರೆ. ಈ ಪ್ರಕರಣಗಳಲ್ಲಿ 5 ಮಕ್ಕಳನ್ನು ರಸಿರುವ ಪೊಲೀಸರು 4 ಮಕ್ಕಳನ್ನು ದತ್ತು ಸ್ವೀಕಾರ ಕೇಂದ್ರದಲ್ಲಿರಿಸಿದ್ದಾರೆ.

ಈ ಜಾಲದ ಕಿಂಗ್​ಪಿನ್​ ಖಾಸಗಿ ನರ್ಸಿಂಗ್​ ಕಾಲೇಜ ವ್ಯವಸ್ಥಾಪಕ, ತುಮಕೂರಿನ ಅಶೋಕ್​ನಗರ ನಿವಾಸಿ ಯು.ಡಿ.ಮಹೇಶ್​ (39), ಚಿಕ್ಕನಾಯಕನಹಳ್ಳಿ ತಾಲೂಕಿನ ಗೂಬೆಹಳ್ಳಿ ಪಿಎಚ್​ಸಿ ಾರ್ಮಸಿಸ್ಟ್​ ಮಹಬೂಬ್​ ಷರ್​ೀ (52), ದೊಡ್ಡೇರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಗುತ್ತಿಗೆ ಆಧಾರದಲ್ಲಿ ಸ್ಟ್​ಾ ನರ್ಸ್​ ಆಗಿ ಕಾರ್ಯನಿರ್ವಹಿಸುತ್ತಿರುವ ಎನ್​.ಪೂರ್ಣಿಮಾ (39), ಶಿರಾ ನಗರದ ಸ್ಟ್​ಾ ನರ್ಸ್​ ಸೌಜನ್ಯ (48) ಸೇರಿ 7 ಮಂದಿಯ ತಂಡವನ್ನು ಗುಬ್ಬಿ ಪೊಲೀಸರು ಬಂಧಿಸಿದ್ದಾರೆ.

ಇನ್ನೂ ಗುಬ್ಬಿ ಚನ್ನಬಸವೇಶ್ವರ ದೇವಾಲಯದ ಬಳಿ 11 ತಿಂಗಳ ಮಗು ಅಪಹರಣಕ್ಕೆ ಸಹಕರಿಸಿದ ಗುಬ್ಬಿ ತಾಲೂಕಿನ ಬಿಕ್ಕೆಗುಡ್ಡದ ಜಾತ್ರೆಗಳಲ್ಲಿ ಟ್ಯಾಟೋ ಹಾಕುವ, ಕೆ.ಎನ್​.ರಾಮಕೃಷ್ಣಪ್ಪ (53), ತುಮಕೂರಿನ ಭಾರತಿನಗರದ ಜಾತ್ರೆಗಳಲ್ಲಿ ಟ್ಯಾಟೋ ಹಾಕುವ ಹನುಮಂತರಾಜು (45) ಹಾಗೂ ಮಗುವನ್ನು ಖರೀದಿಸಿದ್ದ ಮಂಡ್ಯ ಜಿಲ್ಲೆ ನಾಗಮಂಗಲ ತಾಲೂಕಿನ ಬೆಳ್ಳೂರಿನ ಆಟೋ ಚಾಲಕ ಮುಬಾರಕ್​ ಪಾಷ (44) ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗಳಿಂದ ಮಾರುತಿ 800 ಕಾರು, 50 ಸಾವಿರ ನಗದು, 4 ಮೊಬೈಲ್​ ೋನ್​ಗಳನ್ನು ವಶಕ್ಕೆ ಪಡೆಯಲಾಗಿದೆ.

ಕಿಡ್ನಾಪ್​ ಜಾಲ ಬೆನ್ನಟ್ಟಿದ ಪೊಲೀಸರು: ಗುಬ್ಬಿ ಚನ್ನಬಸವೇಶ್ವರ ದೇವಾಲಯದ ಮುಂದೆ ಟೆಂಟ್​ನಲ್ಲಿ ಮಲಗಿದ್ದ ಅಲೆಮಾರಿ ಕುಟುಂಬದ 11 ತಿಂಗಳ ಮಗು ಕಳ್ಳತನ ಪ್ರಕರಣ ಬೆನ್ನಟ್ಟಿದ ಪೊಲೀಸರಿಗೆ ಜಿಲ್ಲೆಯಲ್ಲಿ ವ್ಯವಸ್ಥಿತವಾಗಿ ಆರೋಗ್ಯ ಇಲಾಖೆಯ ಸಿಬ್ಬಂದಿ ಶಾಮೀಲಿನಲ್ಲಿ ನಡೆಯುತ್ತಿದ್ದ ಅಕ್ರಮ ಮಕ್ಕಳ ಮಾರಾಟ ಜಾಲದ ಜಾಡು ಪತ್ತೆಯಾಗಿದೆ.

ವಿವಾಹೇತರ ಜೋಡಿ ಟಾರ್ಗೆಟ್​: ಅವಿವಾಹಿತ ಗರ್ಭಧರಿಸಿದ ಮಹಿಳೆಯರು ಹಾಗೂ ಅಕ್ರಮ ಸಂಬಂಧದಿಂದ ಗರ್ಭದರಿಸಿದವರನ್ನು ಟಾರ್ಗೆಟ್​ ಮಾಡುತ್ತಿದ್ದ ಆರೋಪಿ ಮಹೇಶ್​ ಅವರುಗಳಿಂದ ಮಕ್ಕಳನ್ನು ಪಡೆದು ಮಕ್ಕಳಿಲ್ಲದ ದಂಪತಿಗಳಿಗೆ 2 ರಿಂದ 3 ಲಕ್ಷ ರೂ.,ಗಳಿಗೆ ಮಾರಾಟ ಮಾಡುತ್ತಿದ್ದದು ಪತ್ತೆಯಾಗಿದೆ.

ಾರ್ಮಸಿಸ್ಟ್​ ಮೆಹಬೂಬ್​ ಷರ್​ೀ ತನ್ನ ಹೆಂಡತಿ ಹೆಸರಿನಲ್ಲಿ ಖಾಸಗಿ ಆಸ್ಪತ್ರೆಯಲ್ಲಿ ವ್ಯವಸ್ಥಿತವಾಗಿ ಮಕ್ಕಳ ಮಾರಾಟ ಮಾಡುತ್ತಿದ್ದ ತಂಡ ಸುಳ್ಳು ದಾಖಲಾತಿಗಳನ್ನು ಸೃಷ್ಟಿಸಿ ಜನನ ದೃಢೀಕರಣ ಪತ್ರವನ್ನು ನೀಡಿರುವುದು ತನಿಖೆ ವೇಳೆ ಪತ್ತೆಯಾಗಿದೆ ಎಂದು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್​ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಪ್ರಕರಣದ ಮಾಹಿತಿ ನೀಡಿದರು.

ಗುಬ್ಬಿ ಠಾಣೆಯಲ್ಲಿ ಐಪಿಸಿ 363, 370(4) ಹಾಗೂ ಜೆಜೆ ಆಕ್ಟ್​ 80,81ರಡಿ ಪ್ರಕರಣ ದಾಖಲಿಸಲಾಗಿದೆ.

ವಿಶೇಷ ತಂಡ

ಗುಬ್ಬಿ ಪಟ್ಟಣದ 11 ತಿಂಗಳ ಮಗು ಅಪಹರಣ ಪ್ರಕರಣ ಪತ್ತೆಗೆ ನೇಮಿಸಿದ್ದ ಶಿರಾ ಡಿವೈಎಸ್ಪಿ ಬಿ.ಕೆ.ಶೇಖರ್​ ನೇತೃತ್ವದ ಗುಬ್ಬಿ ಸಿಪಿಐ ವಿ.ಗೋಪಿನಾಥ್​, ಪಿಎಸ್​ಐ ಜಿ.ಕೆ.ಸುನಿಲ್​ ಕುಮಾರ್​, ಪೇದೆಗಳಾದ ನವೀನ್​ ಕುಮಾರ್​, ವಿಜಯ್​ ಕುಮಾರ್​, ಮಧುಸೂದನ್​, ಜಿಲ್ಲಾ ಪೊಲೀಸ್​ ಕಚೇರಿಯ ನರಸಿಂಹರಾಜು, ದುಶ್ಯಂತ್​ರನ್ನೊಳಗೊಂಡ ವಿಶೇಷ ತಂಡವು ಈ ಅಕ್ರಮ ಮಕ್ಕಳ ಮಾರಾಟ ಜಾಲವನ್ನು ಪತ್ತೆಹಚ್ಚಿದೆ. ಈ ತಂಡದ ಕಾರ್ಯಕ್ಕೆ ಬಹುಮಾನ ಘೋಷಿಸಿರುವ ಎಸ್ಪಿ ಅಶೋಕ್​ ತಂಡದ ಕಾರ್ಯವನ್ನು ಶ್ಲಾಘಿಸಿದ್ದಾರೆ.