ಪ್ರಕರಣವೇನು?: ಶಂಕರ್ ಎಂಬುವರಿಂದ ವೀಣಾಶ್ರೀ ಮತ್ತವರ ಪತಿ ಹಾಗೂ ಅತ್ತೆ ಸಾಲ ಪಡೆದಿದ್ದರು. ಸಾಲ ಮರುಪಾವತಿಗೆ ಭದ್ರತಾ ಖಾತ್ರಿಯಾಗಿ ವೀಣಾಶ್ರೀ ಅವರ ಪತಿಯ ಸಹಿ ಇರುವ ಚೆಕ್ ನೀಡಲಾಗಿತ್ತು. ಆದರೆ, ಆ ಚೆಕ್ ಅಮಾನ್ಯಗೊಂಡಿತ್ತು. ಇದರಿಂದ, ಶಂಕರ್ 2017ರಲ್ಲಿ 22ನೇ ಎಸಿಎಂಎಂ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ್ದರು. ಪ್ರಕರಣದಲ್ಲಿ ವೀಣಾಶ್ರೀ 2ನೇ ಆರೋಪಿಯಾಗಿದ್ದರು. ಎಸಿಎಂಎಂ ಕೋರ್ಟ್ ಪ್ರಕರಣದ ಕಾಗ್ನಿಜೆನ್ಸ್ ತೆಗೆದುಕೊಂಡು 2017ರ ಡಿ.8ರಂದು ಆದೇಶಿಸಿತ್ತು. ಇದನ್ನು ಪ್ರಶ್ನಿಸಿ ಹೈಕೋರ್ಟ್ಗೆ ಕ್ರಿಮಿನಲ್ ಅರ್ಜಿ ಸಲ್ಲಿಸಿದ್ದ ವೀಣಾಶ್ರೀ, ಬೌನ್ಸ್ ಆಗಿರುವ ಚೆಕ್ಗೆ ನಾನು ಸಹಿ ಹಾಕಿಲ್ಲ. ಪತಿಯಷ್ಟೇ ಸಹಿ ಹಾಕಿದ್ದಾರೆ. ಆದ್ದರಿಂದ, ನೆಗೋಷಿಯಬಲ್ ಇನ್ಸ್ಟ್ರುಮೆಂಟ್ ಕಾಯ್ದೆಯ ಸೆಕ್ಷನ್ 138ರ ಅಡಿಯಲ್ಲಿ ತಮ್ಮನ್ನು ಅಭಿಯೋಜನೆಗೆ ಗುರಿಪಡಿಸಲು ಸಾಧ್ಯವಿಲ್ಲ. ಆದ್ದರಿಂದ, ತಮ್ಮ ವಿರುದ್ಧದ ಪ್ರಕರಣ ರದ್ದು ಪಡಿಸಬೇಕೆಂದು ಕೋರಿದ್ದರು.
