ಅಡುಗೆ ವಿಚಾರದಲ್ಲಿ ಜಗಳ ಪತ್ನಿ ಕೊಂದ ಪತಿ

ಮಾಗಡಿ : ಅಡುಗೆ ಮಾಡುವ ವಿಚಾರಕ್ಕೆ ಪತಿ ಹಾಗೂ ಪತ್ನಿಯ ನಡುವೆ ನಡೆದ ಜಗಳ ಪತ್ನಿ ಹತ್ಯೆಯಲ್ಲಿ ಅಂತ್ಯ ಕಂಡಿದೆ.

ತಾಲೂಕಿನ ಮತ್ತಿಕೆರೆ ಗ್ರಾಮದ ತಿಮ್ಮಮ್ಮ [65] ಕೋಲೆಯಾದ ಮಹಿಳೆಯಾಗಿದ್ದು , ರಂಗಯ್ಯ ಕೊಲೆ ಮಾಡಿದ ಗಂಡ.

ಗುರುವಾರ ಬೆಳಗ್ಗೆ ಅಡುಗೆ ಮಾಡುವ ವಿಚಾರದಲ್ಲಿ ಪತ್ನಿ ತಿಮ್ಮಮ್ಮ ಹಾಗೂ ಪತಿ ರಂಗಯ್ಯ ನಡುವೆ ಗಲಾಟೆ ನಡೆದಿದೆ . ಈ ವೇಳೆ ಪತಿ ರಂಗಯ್ಯ ತನ್ನ ಪತ್ನಿ ತಿಮ್ಮಮ್ಮ ಅವರಿಗೆ ತುರೆಮಣೆಯಿಂದ ಹೊಡೆದಿದ್ದಾನೆ. ಈ ವೇಳೆ ತೀವ್ರ ರಕ್ತ ಸ್ರಾವವಾಗಿ ಸ್ಥಳದಲ್ಲೆ ಮೃತಪಟ್ಟಿದ್ದಾರೆ.
ಪತ್ನಿಯನ್ನು ಭೀಕರವಾಗಿ ಹತ್ಯೆ ನಡೆಸಿ ತಿರುಪತಿಗೆ ಎಸ್ಕೇಪ್ ಆಗಲು ಮುಂದಾದ ಆರೋಪಿ ರಂಗಯ್ಯನನ್ನು ರಾಮನಗರದಲ್ಲಿ ವಶಕ್ಕೆ ಪಡೆದಿದ್ದಾರೆ. ಸ್ಥಳಕ್ಕೆ ಮಾಗಡಿ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.