6 ವರ್ಷದ ಹಿಂದೆ ವೆಂಕಟಲಕ್ಷ್ಮೀ ಮತ್ತು ಟೈಲರ್ ಸುರೇಶ್ ಮದುವೆ ಆಗಿದ್ದರು. ಈ ದಂಪತಿಗೆ 4 ವರ್ಷದ ಮಗನಿದ್ದು, ಹೊಂಗಸಂದ್ರದಲ್ಲಿ ನೆಲೆಸಿದ್ದರು. ಮನೆ ಸಮೀಪದಲ್ಲೇ ಸುರೇಶ್ ಟೈಲರಿಂಗ್ ಅಂಗಡಿ ಇಟ್ಟುಕೊಂಡು ಜೀವನ ನಡೆಸುತ್ತಿದ್ದ. ದಂಪತಿ ನಡುವೆ ಕೌಟುಂಬಿಕ ವಿಚಾರವಾಗಿ ಆಗಾಗ್ಗೆ ಜಗಳ ನಡೆಯುತ್ತಿತ್ತು. ಭಾನುವಾರ(ಜೂ.7) ರಾತ್ರಿ ಸಹ ದಂಪತಿ ನಡುವೆ ಜಗಳವಾಗಿದೆ. ಬಿರಿಯಾನಿ ಊಟ ಮಾಡಿ ಸುರೇಶ್, ಮಗನೊಂದಿಗೆ ರೂಮಲ್ಲಿ ಮಲಗಿದ್ದ. ನಡುಮನೆಯಲ್ಲಿ ವೆಂಕಟಲಕ್ಷ್ಮಿ ನಿದ್ದೆಗೆ ಜಾರಿದ್ದಳು. ತಡರಾತ್ರಿ 3 ಗಂಟೆಯಲ್ಲಿ ಸುರೇಶ್ ಚಾಕುವಿನಿಂದ ಪತ್ನಿಯ ಕುತ್ತಿಗೆ ಕೊಯ್ದು ಕೊಲೆ ಮಾಡಿದ್ದಾನೆ. ಆ ನಂತರ ಬೆಳಗ್ಗೆ 6 ಗಂಟೆಯಲ್ಲಿ ಹೆಂಡತಿಯನ್ನು ಯಾರೋ ಕೊಲೆ ಮಾಡಿದ್ದಾರೆ ಎಂದು ಕೂಗಿಕೊಂಡು ಸಹಾಯಕ್ಕೆ ಕರೆದಿದ್ದ.
