ಎತ್ತರ ಪ್ರದೇಶದಿಂದ ಭಾರಿ ಪ್ರಮಾಣದಲ್ಲಿ ಮಳೆನೀರು ಬರುತ್ತಿದ್ದು, ಇದನ್ನು ಚರಂಡಿಗೆ ಅಳವಡಿಸುವಲ್ಲಿ ಇಲಾಖೆ ಸಂಪೂರ್ಣ ವಿಫಲವಾಗಿದೆ. ಇದರಿಂದ ಮಳೆನೀರು ಸಂಪೂರ್ಣ ರಸ್ತೆಯಲ್ಲೇ ಹರಿದು ರಸ್ತೆ ಶಿಥಿಲಗೊಳ್ಳಲು ಕಾರಣವಾಗುತ್ತಿದೆ. ಆಯುರ್ವೇದ ಆಸ್ಪತ್ರೆ ಬಳಿಯಿಂದ ಬಜಕೂಡ್ಲು ದೇವಸ್ಥಾನ ರಸ್ತೆಗೆ ತಿರುಗುವ ರಸ್ತೆ ಬಳಿ ರಸ್ತೆ ಹೊಂಡಬಿದ್ದು, ವಾಹನ ಚಾಲಕರ ಪಾಲಿಗೆ ನಿರಂತರ ಸಮಸ್ಯೆ ತಂದೊಡ್ಡುತ್ತಿದೆ. ದ್ವಿಚಕ್ರ ಸವಾರರು ಹಾಗೂ ಆಟೋಚಾಲಕರು ಈ ಪ್ರದೇಶದಲ್ಲಿ ಹೆಚ್ಚಿನ ಸಮಸ್ಯೆ ಎದುರಿಸುತ್ತಿದ್ದಾರೆ. ಲಕ್ಷಾಂತರ ರೂ. ವೆಚ್ಚದಲ್ಲಿ ಕಾಮಗಾರಿ ನಡೆಸಿರುವ ಪ್ರದೇಶದಲ್ಲಿ ಒಂದೆರಡು ವರ್ಷದೊಳಗೇ ರಸ್ತೆ ಮತ್ತೆ ಶಿಥಿಲಗೊಳ್ಳುವಲ್ಲಿ ಗುತ್ತಿಗೆದಾರರ ಕಳಪೆ ಕಾಮಗಾರಿ ಕಾರಣವೆಂದು ಸ್ಥಳೀಯರು ಆರೋಪಿಸಿದ್ದಾರೆ.
