ಮಜ್ಜನಬಾವಿ ಪುರಾತನ ಕಾಲದ ಪುಷ್ಕರಣಿಯಾಗಿದ್ದು, ಚೌಕಕಾರದ ಮಾದರಿಯ ಬಾವಿ ಮುಂಭಾಗದಲ್ಲಿ ಶಾಸನವಿದೆ. ಹರಪನಹಳ್ಳಿ ಹಿರೇಕೆರೆ ತುಂಬಿದರೆ ಈ ಬಾವಿಯಲ್ಲಿ ನೀರು ತುಂಬಿರುತ್ತದೆ. ಇದು ದೇವಸ್ಥಾನ ನಿರ್ಮಾಣದ ಸಂದರ್ಭದಲ್ಲಿ ನಿರ್ಮಿಸಲಾಗಿದ್ದು, ಬಾವಿಯ ನೀರನ್ನು ದೇವರ ಕಾರ್ಯಗಳಿಗೆ, ಮದುವೆ, ಸಮಾರಂಭಗಳಿಗೆ ಬಳಸುತ್ತಿದ್ದರು. ಹಿಂದೆ ಈ ಬಾವಿ ಬಿದ್ದಾಗ ಗ್ರಾಮಸ್ಥರನ್ನು ಒಳಗೊಂಡಿರುವ ದೈವಸ್ಥರ ಸಮಿತಿಯಿಂದ ಮತ್ತೆ ನಿರ್ಮಾಣ ಮಾಡಲಾಗಿದೆ. ಹಾಸ್ಟೆಲ್ ವಿದ್ಯಾರ್ಥಿಗಳು ಬಾವಿಯನ್ನು ಸ್ವಚ್ಛಗೊಳಿಸುವ ಮೂಲಕ ಶ್ರಮದಾನ ಕೈಗೊಂಡಿದ್ದರು. ಬಳಿಕ ನೀರಿನಿಂದ ಭರ್ತಿಗೊಂಡು ಸುಂದರವಾಗಿ ಕಂಗೊಳಿಸುತ್ತಿತ್ತು. ಕಳೆದ ವರ್ಷ ಭಾರಿ ಮಳೆಗೆ ಬಾವಿಯ ರಕ್ಷಣಾ ಗೋಡೆ ಕುಸಿದಿದ್ದು, ನರೇಗಾ ಯೋಜನೆಯಡಿ ದುರಸ್ತಿ ಮಾಡಲು ಅಧಿಕಾರಿಗಳು ಮುಂದಾಗಬೇಕು ಎಂದು ಜನರ ಒತ್ತಾಯಿಸಿದ್ದಾರೆ.
