ಕಾಯಕಯೋಗಿ ಡಾ.ಶಿವಕುಮಾರ ಸ್ವಾಮೀಜಿಗಳ ಪುತ್ಥಳಿಯೊಂದಿಗೆ ಭಾರತ ಮಾತೆ, ಶ್ರೀರಾಮ, ಆಂಜನೇಯ, ಶಿವ, ವರಹಾ ಸ್ವಾಮಿ, ಆಪರೇಷನ್ ಸಿಂಧೂರದಲ್ಲಿ ಬಳಕೆಯಾದ ಬ್ರಹ್ಮೋಸ್ಕ್ಷಿಪಣಿಯ ಸ್ತಬ್ಧ ಚಿತ್ರಗಳು, ಬಾಲಗಂಗಾಧರತಿಲಕ್, ಶಿವಾಜಿ ಮೊದಲಾದವರ ಭಾವಚಿತ್ರಗಳು ಗಣಪತಿ ವಿಸರ್ಜನಾ ಮಹೋತ್ಸವದ ಪ್ರಮುಖ ಆಕರ್ಷಣೀಯವಾಗಿದ್ದವು. ವಿವಿಧ ಕಲಾತಂಡಗಳು, ಮಂಗಳ ವಾದ್ಯಗಳು, ನಂದಿಧ್ವಜ, ವೀರಗಾಸೆ, ಡಂಕವಾದ್ಯ, ತಮಟೆ ವಾದ್ಯ, ನಾಸಿಕ್ ಡೋಲು ಮತ್ತಿತರ ಜಾನಪದ ಕಲಾ ತಂಡಗಳ ಮೆರವಣಿಗೆಯ ವೈಭವ ಹೆಚ್ಚಿಸಿದವು. ಶ್ರೀ ಜಗದ್ಗುರು ರೇಣುಕಾಚಾರ್ಯ ವೃತ್ತ (ಭದ್ರಮ್ಮ ವೃತ್ತ), ಬಿ.ಹೆಚ್.ರಸ್ತೆ, ಬಿಜಿಎಸ್ ವೃತ್ತ (ಟೌನ್ ಹಾಲ್ ವೃತ್ತ), ಲಕ್ಕಪ್ಪ ವೃತ್ತದ ಮೂಲಕ ಜೆ.ಸಿ.ರಸ್ತೆ, ಮಂಡಿಪೇಟೆ ಮುಖ್ಯರಸ್ತೆ, ಸ್ವತಂತ್ರಚೌಕ, ಅಶೋಕ ರಸ್ತೆ ಮುಖಾಂತರ ಗಾಯತ್ರಿ ಚಿತ್ರಮಂದಿರ, ಎಂ.ಜಿ.ರಸ್ತೆ, ರಾಮಪ್ಪ ವೃತ್ತ, ಕೋಟೆಆಂಜನೇಯಸ್ವಾಮಿ ಸಾಗಿದ ಮೆರವಣಿಗೆ ಕೆಎನ್ಎಸ್ ಕಲ್ಯಾಣಿ ಬಳಿ ಸಂಪನ್ನಗೊಂಡಿತು.
