ಸರ್ಕಾರಿ ಶಾಲೆಗಳ ಉಳಿವಿಗೆ ಹೋರಾಟ ಮಾಡಬೇಕಾಗಿದೆ

ಬಿಡುಗಡೆಗೊಳಿಸಿ ಮಾತನಾಡಿದರು.

ಯಾವುದೇ ದೇಶ ಅಭಿವೃದ್ಧಿಯಾಗಬೇಕಾದರೆ ಶಿಕ್ಷಣವೇ ಮೊದಲ ಅಸ್ತ್ರ. ಅದರಲ್ಲೂ ಹೆಣ್ಣು ಮಕ್ಕಳಿಗೆ ಸಮರ್ಪಕ ಶಿಕ್ಷಣ ನೀಡುವುದು ಸಮಾಜದ ಪ್ರಗತಿಗೆ ಪೂರಕ. ಹೆಣ್ಣು ಮಕ್ಕಳನ್ನು ಮನೆ ಕೆಲಸಕ್ಕೆ ಸೀಮಿತಗೊಳಿಸದೆ, ಈಗಲೇ ಶಾಲೆಗೆ ಕಳುಹಿಸಬೇಕು. ಮದುವೆಯಾದ ಬಳಿಕ ಓದಲು ಅವಕಾಶ ಸಿಗುವುದಿಲ್ಲ ಎಂಬ ವಾಸ್ತವವನ್ನು ಅರಿತು, ಶಿಕ್ಷಣವನ್ನು ಮುಂದುವರಿಸಬೇಕು ಎಂದು ಕಿವಿಮಾತು ಹೇಳಿದರು.

ಓದುವುದಕ್ಕೆ ಯಾವುದೇ ವಯಸ್ಸಿನ ಮಿತಿ ಇಲ್ಲ. ಓದು ಒಂದು ತಪಸ್ಸಿನಂತೆ. ಅದಕ್ಕೆ ಏಕಾಗ್ರತೆ, ಗುರಿ ಹಾಗೂ ಛಲ ಅಗತ್ಯ. ಬಲವಂತದಿಂದ ಯಾರನ್ನೂ ಓದಿಸಲು ಸಾಧ್ಯವಿಲ್ಲ. ಓದಿನಿಂದಲೇ ನಿಜವಾದ ಖುಷಿ ಸಿಗುತ್ತದೆ ಎಂದು ಅಭಿಪ್ರಾಯಪಟ್ಟರು.

20 ಕಡೆ ಓದಿ, 16 ಕಡೆ ಕೆಲಸ ಮಾಡಿರುವ ಅನುಭವವನ್ನು ಹಂಚಿಕೊಂಡ ಅವರು, ಕರಾವಳಿಯಿಂದ ರಾಜ್ಯದ ವಿವಿಧ ಭಾಗಗಳಲ್ಲಿ ಸೇವೆ ಸಲ್ಲಿಸಿದ್ದೇನೆ. ಎಲ್ಲ ವಿದ್ಯಾರ್ಥಿಗಳಿಗೆ ಬೇಕಾಗಿರುವುದು ಒಳ್ಳೆಯ ಪಾಠ ಮಾತ್ರ. ಕೆಲ ಪ್ರದೇಶಗಳಲ್ಲಿ ಶಿಕ್ಷಕರಿಂದ ಭಯೋತ್ಪಾದನೆಯಂತಹ ವರ್ತನೆ ನಡೆಯುತ್ತಿರುವುದು ಕಂಡುಬಂದಿದ್ದು, ಇದು ಕೆಲ ಶಿಕ್ಷಕರಿಗೂ ಕೆಲ ವಿದ್ಯಾರ್ಥಿಗಳಿಗೂ ಅನ್ವಯಿಸಬಹುದು. ಈ ಬಗ್ಗೆ ಗಂಭೀರ ಗಮನ ಅಗತ್ಯ. ನಾವು ಬೇರೆಯವರ ಅವಕಾಶ ಕಿತ್ತುಕೊಳ್ಳಬಾರದು. ನೈತಿಕತೆ ಪಾಠ ಹೇಳುವುದರಲ್ಲಿ ಮಾತ್ರವಲ್ಲ, ಜೀವನದಲ್ಲಿ ಅನುಸರಿಸುವುದರಲ್ಲಿ ಇರಬೇಕು ಎಂದರು.

ಹಳ್ಳಿಗಳಲ್ಲಿನ ಸರ್ಕಾರಿ ಶಾಲೆಗಳು ಕಣ್ಣೆದುರೇ ಮುಚ್ಚುತ್ತಿವೆ. ಮ್ಯಾಗ್ನೆಟ್ ಶಾಲೆಗಳು ಎಂಬ ಹೆಸರಿನಲ್ಲಿ

ಸಣ್ಣ ಶಾಲೆಗಳನ್ನು ಬಂದ್ ಮಾಡಲಾಗುತ್ತಿದೆ. ನಮ್ಮ ಶಿಕ್ಷಣವನ್ನು ನಾವು ಸ್ವತಃ ಪಡೆಯಬೇಕು. ತಂದೆ-ತಾಯಿಗಳು ಮಾಡುವ ಕಷ್ಟದ ಅರಿವು ಇದ್ದರೆ ಮಕ್ಕಳು ಖಂಡಿತವಾಗಿ ಓದುತ್ತಾರೆ ಎಂದು ಹೇಳಿದರು.

ಕಾರ್ಯಕ್ರಮವನ್ನು ಜಿಲ್ಲಾಧಿಕಾರಿ ಲತಾಕುಮಾರಿ ಉದ್ಘಾಟಿಸಿದರು. ಜಾಗತಿಕ ಶಿಕ್ಷಣ ಪರಿಕಲ್ಪನೆ, ಭಾಷಾ ಚಿಂತನೆ ಹಾಗೂ ಸಂವಿಧಾನಾತ್ಮಕ ಮೌಲ್ಯಗಳನ್ನು ಆಧಾರವಾಗಿಸಿಕೊಂಡು ರಚಿಸಲಾದ ಡಾ. ಆರ್. ಓಬಳೇಶ ಘಟ್ಟಿಯ ನಾಲ್ಕು ಬೃಹತ್ ಕೃತಿಗಳನ್ನು ಮೈಸೂರು ಪ್ರಾದೇಶಿಕ ಶಿಕ್ಷಣ ಸಂಸ್ಥೆಯ ವಿಶ್ರಾಂತ ಪ್ರಾಧ್ಯಾಪಕ ಡಾ. ಎನ್.ಎನ್. ಪ್ರಹ್ಲಾದ್, ಹಾಸನದ ಸಹಾಯಕ ಆಯುಕ್ತ ಎಂ.ಬಿ. ಚನ್ನಕೇಶವ ಹಾಸನ ವಿಶ್ವವಿದ್ಯಾಲಯದ ಕುಲಪತಿ ಡಾ. ಟಿ.ಸಿ. ತಾರಾನಾಥ್ ಬಿಡುಗಡೆಗೊಳಿಸಿದರು.

ಕೇಂದ್ರ ಕನ್ನಡ ಸಾಹಿತ್ಯ ವೇದಿಕೆ ಅಧ್ಯಕ್ಷ ಕೊಟ್ರೇಶ್ ಎಸ್. ಉಪ್ಪಾರ್, ಪ್ರಾಂಶುಪಾಲ ಸಿ.ಆಂಟೋನಿ, ಲೇಖಕಿ ವಾಣಿಘಟ್ಟಿ, ವಕೀಲ ಜಿ.ಕೆ. ಸುದೀಪ್, ವಿಶ್ರಾಂತ ಪ್ರಾಧ್ಯಾಪಕ ಎಸ್.ಪಿ. ಪದ್ಮಪ್ರಸಾದ್, ದೇವರಾಜು, ನಂಜುಂಡಪ್ಪ, ವಿಶ್ರಾಂತ ಪ್ರಾಧ್ಯಾಪಕ ಹಂಪನಹಳ್ಳಿ ಕಾಳೇಗೌಡ, ಹಿರಿಯ ಪ್ರಶಿಕ್ಷಣಾರ್ಥಿಗಳ ಒಕ್ಕೂಟದ ಸಂಚಾಲಕ ತೊರಹಳ್ಳಿ ನಿಂಗರಾಜ್ ಇತರರು ಇದ್ದರು.