ತಾಲೂಕು ಪಂಚಾಯಿತಿ ಕಚೇರಿಯಲ್ಲಿ ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, 20 ವಾಣಿಜ್ಯ ಮಳಿಗೆಗಳ ಪೈಕಿ 16 ವಾಣಿಜ್ಯ ಮಳಿಗೆಗಳನ್ನು ಕೆಲ ದಿನಗಳ ಹಿಂದಷ್ಟೇ ಬಹಿರಂಗ ಹರಾಜಿಗೆ ಇಡಲಾಗಿತ್ತು. ಸರ್ಕಾರದ ನಿಯಮಾನುಸಾರ 3 ಮಳಿಗೆಗಳನ್ನು ಪರಿಶಿಷ್ಟ ಜಾತಿಗೆ, 1 ಮಳಿಗೆಯನ್ನು ಪರಿಶಿಷ್ಟ ಪಂಗಡ ಹಾಗೂ 1 ಮಳಿಗೆಯನ್ನು ಅಂಗವಿಕಲರಿಗೆ ಇತರ ಮಳಿಗೆಗಳನ್ನು ಸಾಮಾನ್ಯ ವರ್ಗಕ್ಕೆ ಮೀಸಲಿರಿಸಲಾಗಿತ್ತು. ಹರಾಜು ಸಂದರ್ಭ ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿತ್ತು. ಮಳಿಗೆಯ ಗಾತ್ರ ಮತ್ತು ಸ್ಥಳಕ್ಕೆ ಅನುಗುಣವಾಗಿ ಕನಿಷ್ಠ 11 ಸಾವಿರ ರೂ.ನಿಂದ ಗರಿಷ್ಠ 55,600 ರೂ.ವರೆಗೆ ಪ್ರತಿ ಮಳಿಗೆಗೆ ಮಾಸಿಕ ಬಾಡಿಗೆ ನಿಗದಿಯಾಗಿದೆ. ಈ ವಾಣಿಜ್ಯ ಮಳಿಗೆಗಳ ಹರಾಜು ಪ್ರಕ್ರಿಯೆಯಿಂದಾಗಿ ತಾಲೂಕು ಪಂಚಾಯಿತಿಗೆ ಮಾಸಿಕವಾಗಿ 4,40,000 ಹಾಗೂ ವಾರ್ಷಿಕ 62,30,4000 ರೂ. ಬಾಡಿಗೆ ರೂಪದಲ್ಲಿ ಆದಾಯ ಬರಲಿದೆ. ಇದರೊಂದಿಗೆ ತಕ್ಷಣಕ್ಕೆ 54 ಲಕ್ಷ ರೂ. ಮೊತ್ತದ ಠೇವಣಿ ಪಂಚಾಯಿತಿ ಖಾತೆಗೆ ಜಮೆಯಾಗಲಿದೆ. ಉಳಿದ 4 ಮಳಿಗೆಗಳನ್ನು ಶೀಘ್ರ ಮರು ಹರಾಜು ಮಾಡುವ ಮೂಲಕ ತಾಲೂಕು ಪಂಚಾಯಿತಿಯ ಒಟ್ಟು ಆದಾಯವನ್ನು 1 ಕೋಟಿ ರೂ.ಗೆ ಏರಿಸುವ ಗುರಿ ಹೊಂದಲಾಗಿದೆ ಎಂದರು.
