ಹೈಟೆಕ್ ಆಸ್ಪತ್ರೆಯಲ್ಲಿ ಸೇವೆಗೆ ಸಿಬ್ಬಂದಿ ತೊಡಕು ವ್ಯತ್ಯಯ

ಹೊಸದಾಗಿ ನಿರ್ಮಾಣಗೊಂಡಿರುವ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆ ಜಿಲ್ಲೆಯ ಆರೋಗ್ಯ ಸೇವೆಗೆ ಹೊಸ ಆಯಾಮ ನೀಡಿದೆ. ಗರ್ಭಿಣಿಯರು, ನವಜಾತ ಶಿಶುಗಳು ಹಾಗೂ ಮಕ್ಕಳಿಗೆ ವಿಶೇಷ ಚಿಕಿತ್ಸಾ ಸೌಲಭ್ಯ ಒದಗಿಸುವ ಉದ್ದೇಶದಿಂದ ಆಸ್ಪತ್ರೆ ನಿರ್ಮಿಸಲಾಗಿದೆ. ಆದರೆ, ಹೈಟೆಕ್ ಸೌಲಭ್ಯವಿದ್ದರೂ ವೈದ್ಯಕೀಯ ಸಿಬ್ಬಂದಿ ಕೊರತೆಯಿಂದ ಯಾವುದನ್ನೂ ಸಮರ್ಪಕವಾಗಿ ಬಳಲು ಸಾಧ್ಯವಿಲ್ಲದಂತಾಗಿದೆ.

ಇತ್ತೀಚೆಗಷ್ಟೇ ಶಾಸಕ ಎಚ್.ಪಿ.ಸ್ವರೂಪ್ ಹಾಗೂ ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶುಭಂಶುಕ್ಲಾ ಅವರು ಆಸ್ಪತ್ರೆಗಳಿಗೆ ಭೇಟಿ ನೀಡಿ ಸೌಲಭ್ಯಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಸಿಬ್ಬಂದಿ ಕೊರತೆ ಸಮಸ್ಯೆಯನ್ನು ಸರ್ಕಾರದ ಗಮನಕ್ಕೆ ತರುವುದಾಗಿ ಭರವಸೆ ನೀಡಿದ್ದಾರೆ. ಹಿಮ್ಸ್‌ಹಾಗೂ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಗಳಿಗೆ ಪ್ರಸ್ತಾವಿತ 322 ಹುದ್ದೆಗಳಿಗೆ ಸರ್ಕಾರ ಶೀಘ್ರ ಮಂಜೂರಾತಿ ನೀಡಿದರೆ, ರೋಗಿಗಳಿಗೆ ಗುಣಮಟ್ಟದ ಚಿಕಿತ್ಸೆಒದಗಿಸುವ ಜತೆಗೆ ವೈದ್ಯಕೀಯ ಶಿಕ್ಷಣದ ಗುಣಮಟ್ಟವನ್ನೂ ಮತ್ತಷ್ಟು ಬಲಪಡಿಸಲು ಸಾಧ್ಯವಾಗಲಿದೆ.

ಹಿಮ್ಸ್ ಆಡಳಿತವು ಸರ್ಕಾರಕ್ಕೆ ಒಟ್ಟು 322 ಹೆಚ್ಚುವರಿ ಹುದ್ದೆ ನೇಮಕಕ್ಕೆ ಪ್ರಸ್ತಾವನೆ ಸಲ್ಲಿಸಿದೆ. ಬೋಧನಾ ಆಸ್ಪತ್ರೆಗಾಗಿ ವೈದ್ಯಕೀಯ ಅಧೀಕ್ಷಕರು, ಸಹ ಪ್ರಾಧ್ಯಾಪಕರು, ಸಹಾಯಕ ಪ್ರಾಧ್ಯಾಪಕರು, ಹಿರಿಯ ಸ್ಥಾನೀಯ ವೈದ್ಯರು ಹಾಗೂ ಸಿಎಂಒ ಸೇರಿ 96 ಹುದ್ದೆಗಳ ಅಗತ್ಯವಿದೆ. ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಗಾಗಿ 150 ಶುಶ್ರೂಷಾಧಿಕಾರಿಗಳು ಸೇರಿ ಓಟಿ, ಲ್ಯಾಬ್, ರೇಡಿಯಾಲಜಿ, ಎಕೋ, ಇಸಿಜಿ, ಬಯೋಮೆಡಿಕಲ್, ಡೇಟಾ ಎಂಟ್ರಿ, ಎಲೆಕ್ಟ್ರಿಕಲ್ ಮತ್ತು ನಿರ್ವಹಣಾ ಸಿಬ್ಬಂದಿ ಸೇರಿ 226 ಹುದ್ದೆಗಳ ಬೇಡಿಕೆ ಸಲ್ಲಿಸಲಾಗಿದೆ.

(ಹಿಮ್ಸ್-ಪ್ರಸ್ತಾವನೆ)

ವೈದ್ಯಕೀಯ ಅಧೀಕ್ಷಕರು -1

ಸಹ ಪ್ರಾಧ್ಯಾಪಕರ-18

ಸಹಾಯಕ ಪ್ರಾಧ್ಯಾಪಕರು-30

ಹಿರಿಯ ಸ್ಥಾನೀಯ ವೈದ್ಯರು-45

ಸಿಎಂಒ-2

ಒಟ್ಟು: 96

ಶುಶೂಷಾಧಿಕಾರಿಗಳು-150

ಓ.ಟಿ. ತಂತ್ರಜ್ಞರು-15

ಲ್ಯಾಬ್ ತಂತ್ರಜ್ಞರು-18

ಡಾಟಾ ಎಂಟ್ರಿ ಆಪರೇಟರ್‌ಗಳು-15

ರೇಡಿಯಾಲಜಿ ತಂತ್ರಜ್ಞರು-4

ಎಕೋ ತಂತ್ರಜ್ಞರು-2

ಇಸಿಜಿ ತಂತ್ರಜ್ಞರು-2

ಎಲೆಕ್ಟ್ರಿಷಿಯನ್‌ಗಳು-5

ಪ್ಲಂಬರ್‌ಗಳು-5

ಬಯೋಮೆಡಿಕಲ್ ತಂತ್ರಜ್ಞರು-2

ಎಸಿ ತಂತ್ರಜ್ಞರು-5

ಕಾರ್ಪೆಂಟರ್‌ಗಳು-3

ಒಟ್ಟು: 226