ಮಕ್ಕಳಿಗೆ ಸಂಸ್ಕಾರ ಕಲಿಸುವ ಜವಾಬ್ದಾರಿ ಪಾಲಕರದು

ತಂದೆ-ತಾಯಿ ಕಲಿತ ಸಂಸ್ಕೃತಿ, ಆಚಾರ-ವಿಚಾರಗಳನ್ನು ಕನಿಷ್ಠ ಮಟ್ಟಿಗಾದರೂ ಮಕ್ಕಳಿಗೆ ತಿಳಿಸುವ ಕೆಲಸವನ್ನು ಪಾಲಕರು ಮಾಡಬೇಕು. ಮುಂದಿನ ಭವಿಷ್ಯ ಉತ್ತಮವಾಗಬೇಕಾದರೆ, ಸಮಾಜದಲ್ಲಿ ಒಳ್ಳೆಯ ವಾತಾವರಣ ನಿರ್ಮಾಣವಾಗಬೇಕಾದರೆ ಮಕ್ಕಳಲ್ಲೇ ಸಂಸ್ಕಾರ ಬೀಜ ಬಿತ್ತುವುದು ಅಗತ್ಯ ಎಂದರು.

ಇಂದಿನ ಕಾಲದಲ್ಲಿ ಹೆಚ್ಚುತ್ತಿರುವ ಸೌಲಭ್ಯಗಳು ಮಕ್ಕಳಲ್ಲಿ ಸೋಮಾರಿತನವನ್ನು ಹೆಚ್ಚಿಸುತ್ತಿವೆ. ಮಕ್ಕಳಿಗೆ ಅಗತ್ಯಕ್ಕಿಂತ ಹೆಚ್ಚು ಸೌಕರ್ಯ ನೀಡಿದಾಗ ಅವರಲ್ಲಿ ಜವಾಬ್ದಾರಿ ಕಡಿಮೆಯಾಗುತ್ತದೆ. ಆದ್ದರಿಂದ, ಸಣ್ಣ ಕೆಲಸಗಳನ್ನಾದರೂ ಕಲಿಸುವುದು ಮುಖ್ಯ. ವೈದ್ಯರು, ಇಂಜಿನಿಯರ್, ಐಎಎಸ್ ಆಗಬೇಕು ಎಂಬ ಆಶಯದಲ್ಲಿ ಮಕ್ಕಳಿಗೆ ಕೇವಲ ಓದಿನ ಮೇಲೆಯೇ ಒತ್ತಡ ಹಾಕುವುದು ಸರಿಯಲ್ಲ. ಮನೆ ಕೆಲಸಗಳೂ ಸೇರಿದಂತೆ ಜೀವನದ ವೌಲ್ಯ ಕಲಿಸುವುದು ಅಗತ್ಯ. ಆಡುವ ಸಮಯದಲ್ಲಿ ಮಕ್ಕಳು ಆಡಬೇಕು, ಓದುವ ಸಮಯದಲ್ಲಿ ಓದಲು ಅವಕಾಶ ಕೊಡಬೇಕು. ಈ ಸಮತೋಲನ ಇದ್ದಾಗ ಮಾತ್ರ ಮಕ್ಕಳ ಸಮಗ್ರ ವ್ಯಕ್ತಿತ್ವ ಅಭಿವೃದ್ಧಿಯಾಗುತ್ತದೆ ಎಂದು ತಿಳಿಸಿದರು.

ಭರತನಾಟ್ಯ ಶಿಕ್ಷಕಿಯಾಗಿ ತರಬೇತಿ ಕೊಡುತ್ತಿರುವ ಅಂಬಾಳೆ ರಾಜೇಶ್ವರಿ, ಕುಸುಮಾ ಭೂಪಾಲ್ ಮತ್ತು ಸುಮಿತ್ರಾ ಜಯರಾಂ ಅವರನ್ನು ಸನ್ಮಾನಿಸಲಾಯಿತು. ಬಿಜೆಪಿ ಮಹಿಳಾ ಮೋರ್ಚಾದ ಅಧ್ಯಕ್ಷೆ ನೇತ್ರಾವತಿ ಮಂಜುನಾಥ್, ಬಿಜೆಪಿ ಜಿಲ್ಲಾಧ್ಯಕ್ಷ ಸಿದ್ದೇಶ್ ನಾಗೇಂದ್ರ, ಪ್ರಧಾನ ಕಾರ್ಯದರ್ಶಿ ಅಮಿತ್ ಶೆಟ್ಟಿ, ಇಂದಿರಾ ನಾಗರಾಜು, ಅಂಬಿಕಾ, ಚಿಕ್ಕಮಗಳೂರು ಕನ್ನಡ ಸೇನೆ ಜಿಲ್ಲಾಧ್ಯಕ್ಷೆ ಚೈತ್ರಗೌಡ, ವಿಜಯಲಕ್ಷ್ಮೀ ಅಂಜನಪ್ಪ, ಶೇಶಮ್ಮ, ನಾಗರತ್ನಾ, ರಮೇಶ್, ರಶ್ಮಿ, ಅನೀತಾ ವೇದಾವತಿ ಇತರರಿದ್ದರು.