ಜ್ಞಾನ ಪರಂಪರೆಯನ್ನು ಅತ್ಯಂತ ವ್ಯವಸ್ಥಿತವಾಗಿ ಮುಂದಿನ ಪೀಳಿಗೆಗೆ ತಲುಪಿಸಿದ ಶ್ರೇಷ್ಠ ಕೆಲಸವನ್ನು ವೇದವ್ಯಾಸ ಮಹರ್ಷಿಗಳು ಮಾಡಿದ್ದಾರೆ. ತಾಯಿಯಾದವಳು ಮಗುವಿಗೆ ಜೀರ್ಣವಾಗುವಂತೆ ಆಹಾರ ನೀಡುವ ಹಾಗೆ, ಮಹರ್ಷಿಗಳು ಅಂದಿನ ಜ್ಞಾನವನ್ನು ನಾಲ್ಕು ವೇದಗಳು (ಋಗ್ವೇದ, ಯಜುರ್ವೇದ, ಸಾಮವೇದ, ಅಥರ್ವವೇದ) ಹಾಗೂ 18 ಪುರಾಣಗಳಾಗಿ ವಿಂಗಡಿಸಿದರು. ಮುಂದುವರಿದು ವ್ಯಾಸರ ಶ್ಲೋಕವೊಂದನ್ನು ಉಲ್ಲೇಖಿಸಿದ ಶ್ರೀಗಳು, ಪರೋಪಕಾರಾಯ ಪುಣ್ಯಾಯ, ಪಾಪಾಯ ಪರಪೀಡನಂ - ಅಂದರೆ ಅನ್ಯರಿಗೆ ಸಹಾಯ ಮಾಡುವುದೇ ಪುಣ್ಯ, ಇತರರಿಗೆ ಪೀಡನೆ ಅಥವಾ ತೊಂದರೆ ಕೊಡುವುದೇ ಪಾಪ ಎಂಬ ಸರಳ ಸತ್ಯವನ್ನು ಪ್ರತಿಯೊಬ್ಬರೂ ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎಂದರು.
