ಆಳಾಗಬಲ್ಲನು ಜೀವನದಲ್ಲಿ ಸಾಧಕನಾಗುವನು

ಯುವಕರಿಗೆ ಜೀವನದಲ್ಲಿ ಸದಾ ಗುರಿ ಇರಬೇಕು. ಜೀವನದಲ್ಲಿ ಯಾವ ವ್ಯಕ್ತಿ ಆಳಾಗಬಲ್ಲನೊ, ಅವನೇ ಮುಂದೊಂದು ದಿನ ಅರಸನಾಗಿ ಸಾಧಕನಾಗುತ್ತಾನೆ. ಕಲಿಕೆಯ ವಿಚಾರದಲ್ಲಿ ಆಳಾಗಿ ಜ್ಞಾನ ಸಂಪಾದನೆ ಮಾಡಿದರೆ ಜೀವಿತದ ಅವಯಲ್ಲಿ ಒಂದು ಉನ್ನತ ಸಾಧನೆ ಮಾಡಿ ಸಾಧಕನಾಗಬಹುದು. ಯಾವುದೇ ವ್ಯಕ್ತಿ ಕಷ್ಟಪಟ್ಟರೆ ಮಾತ್ರ ಬದುಕಿನ ಅರ್ಥ ತಿಳಿಯುವುದೇ ಹೊರತು, ಕಷ್ಟಪಡದವನಿಗಲ್ಲ. ಎಲ್ಲ ವಿದ್ಯಾರ್ಥಿಗಳು ತಮ್ಮ ಜೀವನದಲ್ಲಿ ಶಿಸ್ತು ಮತ್ತು ಸಂಸ್ಕಾರವನ್ನು ಕಲಿಯಬೇಕು. ಆಗ ಮಾತ್ರ ಸಮಾಜಮುಖಿ ಕೆಲಸ ಮಾಡಲು ಸಾಧ್ಯವಾಗುತ್ತದೆ. ಬಡ ರೈತರ ಮಕ್ಕಳು ಆಯಾಕಟ್ಟಿನ ಉದ್ಯೋಗ ಸಿಕ್ಕರೆ ಸಮಾಜ ಸರ್ವೋದಯವಾಗುತ್ತದೆ. ಜನ ಕಲ್ಯಾಣ ಟ್ರಸ್ಟ್ ಮತ್ತು ಪರಿಪೂರ್ಣ ಟ್ರಸ್ಟ್‌ಗಳು ಸೇರಿ ಸಮಾಜಮುಖಿ ಸೇವೆ ಮಾಡುತ್ತಿವೆ. ಜೀವನದಲ್ಲಿ ಶಿಸ್ತು, ಸಮಾಜ ಪ್ರೇಮ ಮತ್ತು ಸಂಯಮವು ಹೆಬ್ಬಾರ್ ಅವರಿಂದ ಕಲಿಯಬೇಕಾದ ವಿಷಯ. ಅವರ ಟ್ರಸ್ಟ್ ವತಿಯಿಂದ ನಡೆಸುತ್ತಿರುವ ಸ್ಪಂದನಾ ಯೋಜನೆ ಕಾರ್ಯ ಅತ್ಯಂತ ವೌಲ್ಯಯುತವಾದುದು ಎಂದು ಹೇಳಿದರು.

ಜನಕಲ್ಯಾಣ ರಿಸರ್ಚ್ ಮತ್ತು ಚಾರಿಟಬಲ್ ಟ್ರಸ್ಟ್, ಪರಿಪೂರ್ಣ ಚಾರಿಟಬಲ್ ಟ್ರಸ್ಟ್ ಪ್ರಧಾನ ಕಾರ್ಯದರ್ಶಿ ಡಾ.ಬಿ.ಸಿ. ರವಿ ಕುಮಾರ್ ಮಾತನಾಡಿ, ಸ್ಪಂದನಾ ಯೋಜನೆ ಕೇವಲ ಆರ್ಥಿಕ ಯೋಜನೆಯಲ್ಲ, ಬಡತನದ ಬೇಗೆಯಲ್ಲಿ ಬೆಂದಿರುವಂತಹ ವಿದ್ಯಾರ್ಥಿಗಳು, ತಂದೆ, ತಾಯಿಯನ್ನು ಕಳೆದುಕೊಂಡು ಏಕಾಂಗಿಯಾಗಿರುವ ವಿದ್ಯಾರ್ಥಿಗಳಿಗೆ ನಾವಿದ್ದೇವೆ ಎಂದು ಆತ್ಮಧೈರ್ಯ ತುಂಬುವ ಯೋಜನೆಯಾಗಿದೆ. ಈ ವರ್ಷ 300 ಅರ್ಜಿ ಬಂದಿದ್ದವು, ಆದರೆ 53 ಜನರನ್ನು ನೇರ ಸಂದರ್ಶನ ಮಾಡಿ ಜನ ಕಲ್ಯಾಣ ಟ್ರಸ್ಟ್ ಮತ್ತು ಪರಿಪೂರ್ಣ ಟ್ರಸ್ಟ್‌ಗಳು ಬಡತನದಿಂದ ಶಿಕ್ಷಣ ವಂಚಿತರಾಗಿರುವ ಮಕ್ಕಳಿಗೆ ಸಹಾಯ ಮಾಡಲಾಗುತ್ತಿದೆ. ಮನುಷ್ಯನಲ್ಲಿ ಮಾನವೀಯತೆ ಎಂಬ ಹಣತೆ ಇದ್ದೇ ಇರುತ್ತದೆ. ಅದು ಒಂದಲ್ಲ ಒಂದು ದಿನ ಆಚೆ ಬಂದೆ ಬರುತ್ತದೆ ಎಂದರು.

ಹೊಸಪೇಟೆ ಸಾಮಾಜಿಕ ಅಭಿವೃದ್ಧಿಗಾಗಿ ಸಾಧ್ಯ ಟ್ರಸ್ಟ್ ಸಂಸ್ಥಾಪಕಿ ಕೆ.ಟಿ.ಆರತಿ ಮಾತನಾಡಿ, ಬಡತನವನ್ನು ಹೋಗಲಾಡಿಸುವುದು ಕೇವಲ ನಮ್ಮ ಶ್ರಮ ಮತ್ತು ಕೌಶಲದಿಂದ. ಮೊಬೈಲ್ ಬಳಕೆ ಕಡಿಮೆ ಮಾಡಿ ವಿದ್ಯಾರ್ಥಿನಿಯರು ಆರೋಗ್ಯದ ಬಗ್ಗೆ ಗಮನ ಕೊಡಬೇಕು, ಕಲಿಕೆಯ ಕಡೆ ಗಮನಕೊಡಿ ಹಲವಾರು ಭಾಷೆಗಳನ್ನು ಕಲಿತು ಸಮಾಜದಲ್ಲಿ ಮಾದರಿಯುತ ವ್ಯಕ್ತಿಗಳಾಗಿ ಮುಂದೆ ಬರಬೇಕು. ಮನೆಯಲ್ಲಿ ತಂದೆ, ತಾಯಿಗೆ ಎಷ್ಟು ಸಹಾಯ ಮಾಡುತ್ತೀರಾ ಅಷ್ಟು ಸಮಾಜಕ್ಕೆ ಸಹಾಯ ಮಾಡುತ್ತೀರಿ. ಗುರು, ಹಿರಿಯರಿಗೆ ಕೊಡುವುದರ ಜತೆಗೆ ಅವರ ಮಾರ್ಗದರ್ಶನದಲ್ಲಿ ನಡೆಯಬೇಕು ಎಂದು ಮಾತನಾಡಿದರು.

ಗಂಧದಕೋಠಿ ಮಹಿಳಾ ಕಾಲೇಜಿನ ಪ್ರಾಂಶುಪಾಲ ಡಿ.ಕೆ.ಮಂಜಯ್ಯ ಮಾತನಾಡಿ, ಈ ಕಾರ್ಯಕ್ರಮ ಯುವ ಮನಸ್ಸು ಮತ್ತು ಸಮುದಾಯಕ್ಕೆ ಪ್ರೇರಣೆ. ಈ ಕಾರ್ಯಕ್ರಮದಲ್ಲಿ ದೊರೆತ ಈ ಹಣವನ್ನು ನಿಮ್ಮ ಶಿಕ್ಷಣಕ್ಕಾಗಿ ಬಳಸಿಕೊಳ್ಳಿ. ನಿಮ್ಮ ವಿದ್ಯೆಯಿಂದ ಸಮಾಜಕ್ಕೆ ಏನಾದರೂ ಕೊಡಬೇಕು. ಬಡತನದ ಹಸಿವಿದ್ದವರು ಮಾತ್ರ ಬೆಳೆಯಬೇಕು ಅನ್ನುವ ಹಠ ಹುಟ್ಟಲು ಸಾಧ್ಯ. ಈಗಿನ ವಿದ್ಯಾರ್ಥಿಗಳು ಗಣ್ಯರ ಸ್ಥಾನಕ್ಕೆ ಬೆಳೆಯಬೇಕು ಎಂದರೆ ಶ್ರಮ ಪಡಬೇಕು ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಪರಿಪೂರ್ಣ ಚಾರಿಟಬಲ್ ಟ್ರಸ್ಟ್‌ನ ಪ್ರೊ.ಎಚ್.ವಿ.ಲಕ್ಷ್ಮೀನಾರಾಯಣ, ಡಾ.ಗುರುರಾಜ್ ಹೆಬ್ಬಾರ್ ಅವರು ಸಮಾಜಕ್ಕೆ ಮಾದರಿಯಾಗಿದ್ದರು. ಈ ಸಂಸ್ಥೆ ವಿದ್ಯಾರ್ಥಿಗಳಿಗೆ ಸಹಾಯ ಮಾಡಲು ಮತ್ತು ಅವರನ್ನು ಉತ್ತೇಜಿಸಲು ಸಹಾಯ ಮಾಡುತ್ತಿದೆ. ಡಾ.ಗುರುರಾಜ್ ಹೆಬ್ಬಾರ್ ಅವರ ಆತ್ಮೀಯವರಲ್ಲಿಯೇ ಇಂತಹ ಕಾರ್ಯಕ್ರಮಗಳನ್ನು ಮಾಡುತ್ತಿದ್ದೇವೆ ಎಂದು ಹೇಳಿದರು.

ವೈದ್ಯ ಡಾ. ಅಬ್ದುಲ್ ಬಷೀರ್, ಅಧ್ಯಾಪಕ ನಂದನ್, ಸಮಾಜ ಸೇವಕ ಶ್ರೀಧರ್, ಡಾ. ಕಾವ್ಯಶ್ರೀ ಇತರರು ಇದ್ದರು.