ಅರ್ಹ ಮತದಾರರು ಪಟ್ಟಿಯಿಂದ ಹೊರಗುಳಿಯದಿರಲಿ

ಮನೆ ಮನೆ ಭೇಟಿ ಜೂನ್ 30 ರಿಂದ ಜು.29ರವರೆಗೆ ನಡೆಯಲಿದ್ದು, ಮತ ಗಟ್ಟೆ ಬಿಎಲ್‌ಒಗಳು ಎಲ್ಲರ ಮನೆಗೆ ಭೇಟಿ, 2002 ಮತ್ತು 2025ರ ಮತದಾರರ ಪಟ್ಟಿ ಮ್ಯಾಪಿಂಗ್ ಮಾಡುವರು. ಮೊದಲು ಎನುಮರೇಷನ್ ಅರ್ಜಿ ಕೊಡಲಿದ್ದಾರೆ. ಅದನ್ನು ಸರಿಯಾಗಿ ಭರ್ತಿ ಮಾಡಬೇಕು. ಇನ್ಮುಂದೆ ಹಳೇ ವೋಟರ್ ಇಲ್ಲವಾಗಲಿದ್ದು, ಹೊಸದು ಬರಲಿದೆ ಎಂದರು.

2002ರ ಪಟ್ಟಿಯಲ್ಲಿ ಇಲ್ಲದವರು ಹತ್ತಿರದ ಸಂಬಂಧಿಕರ ಜಾಮೀನು ಅಥವಾ ಅವರ ಎಪಿಕ್ ಕಾರ್ಡ್ ಕೊಡುವುದು ಕಡ್ಡಾಯ. ಕಡೆಯಲ್ಲಿ ನಾನು ಈ ದೇಶದ ನಾಗರಿಕ, ಸತ್ಯವಾದ ಮಾಹಿತಿ ನೀಡಿದ್ದೇನೆ ಎಂದು ಸಹಿ ಮಾಡಬೇಕು, ಸುಳ್ಳು ಮಾಹಿತಿ ನೀಡಿದರೆ 1 ವರ್ಷ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ ಎಂದು ಎಚ್ಚರಿಸಿದರು.

ಮತಗಟ್ಟೆ ಬಿಎಲ್‌ಒ ಯಾರು ಎಂದು ಮೊದಲು ತಿಳಿಯಬೇಕು. ಒಟ್ಟು ಮೂರು ಬಾರಿ ಭೇಟಿ ನೀಡುವರು, ಮೊದಲಿಗೆ ಎನುಮರೇಷನ್ ಅರ್ಜಿ ಕೊಟ್ಟು ಹೋಗುತ್ತಾರೆ. ಆ ವೇಳೆ ಮತದಾರರಿಗೆ ಎಲ್ಲ ರೀತಿಯಲ್ಲೂ ಅನುಕೂಲ ಆಗುವ ರೀತಿಯಲ್ಲಿ ನೀವು ತಲಾ ಐದು ಜನರ ತಂಡ ಕಟ್ಟಿಕೊಂಡು, ಬಿಎಲ್‌ಒ ಬಂದಾಗ ಅವರ ಜತೆಗಿದ್ದು ಕ್ರಿಯಾಶೀಲವಾಗಿ ಕೆಲಸ ಮಾಡಿ ಎಂದು ತಿಳಿ ಹೇಳಿದರು.

ಎಸ್‌ಐಆರ್ ಪ್ರಕ್ರಿಯೆಗೆ ಹೆಚ್ಚು-ಹೆಚ್ಚು ಯುವಕರನ್ನು ಬಳಸಿಕೊಳ್ಳಿ, ಅನುಮಾನ ಬಂದ ಕಡೆ ಎಲ್ಲ ರೀತಿಯಲ್ಲೂ ಪರಿಶೀಲನೆ ಮಾಡಿ, ಕೂಡಲೇ ತಪ್ಪು ಸರಿಪಡಿಸುವ ಕೆಲಸ ಮಾಡಿ, ಶಂಕೆ ಇದ್ದವರಿಗೆ ಆಯೋಗವೇ ನೋಟಿಸ್ ಕೊಡುವ ಕೆಲಸ ಮಾಡಲಿದೆ ಎಂದರು.

ರಾಜ್ಯ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಪ್ರೀತಂ ಜೆ.ಗೌಡ, ಎಸ್‌ಐಆರ್ ಪ್ರಕ್ರಿಯೆಗಾಗಿ ನಿಯೋಜನೆಗೊಂಡ ನಮ್ಮ ಪಕ್ಷದ ಎಲ್ಲರೂ ಒಂದು ತಂಡವಾಗಿ ಮತದಾರರ ಮನೆ ಬಳಿಗೆ ಹೋಗಬೇಕು. ಅವರ ಸಮಸ್ಯೆ ಏನೆಂದು ಆಲಿಸಬೇಕು. ಸತ್ಯಾಸತ್ಯತೆ ಪರಿಶೀಲಿಸಿ ಎಂದು ಹೇಳಿದರು.

ಕೆಲವರದ್ದು ಹಾಸನ ಮತ್ತು ಬೆಂಗಳೂರು ಎರಡೂ ಕಡೆಯಲ್ಲಿ ಮತ ಇರುತ್ತದೆ. ನಮಗೆ ಅನುಕೂಲವಾಗುವ ರೀತಿಯಲ್ಲಿ ಹಾಸನದಲ್ಲೇ ಮತ ಉಳಿಸಿಕೊಳ್ಳಲು ಸಂಬಂಧಪಟ್ಟವರ ಮನವೊಲಿಸುವ ಕೆಲಸ ಮಾಡಬೇಕು ಎಂದು ಕಿವಿಮಾತು ಹೇಳಿದರು.

ಬಿಜೆಪಿ ಜಿಲ್ಲಾಧ್ಯಕ್ಷ ಸಿದ್ದೇಶ್ ನಾಗೇಂದ್ರ ಮಾತನಾಡಿ, ನಾಳೆಯಿಂದ ಯುದ್ಧ ಆರಂಭ ಆಗಲಿದೆ, ಮಂಡಲ ಅಧ್ಯಕ್ಷರು ನಿಮ್ಮ ಬೂತ್‌ನ ಬಿಎಲ್‌ಒ, ಅಧಿಕಾರಿಗಳು ಎಷ್ಟು ಜಾಗೃತರಾಗಿ ಕೆಲಸ ಮಾಡಿದ್ದಾರೆ ಎಂಬುದು ಮುಖ್ಯ. ಆ ಬಗ್ಗೆ ನೀವು ಗಮನ ಹರಿಸಬೇಕು. ನೀವೇ ಸಂಪರ್ಕ ಮಾಡಿ ನಮ್ಮ ಪರವಾದ ಮತದಾರರ ಸಂಖ್ಯೆ ಹೆಚ್ಚಿಸಿ. ಅಂತಿಮ ಮತದಾರರ ಪಟ್ಟಿ ಪ್ರಕಟ ಆಗೋವರೆಗೂ ನಿಗಾ ವಹಿಸಿ. ದಿನಕ್ಕೆ 2 ಗಂಟೆ ಕೆಲಸ ಮಾಡಿ, ಚುನಾವಣೆಯ ಮೊದಲ ಅಡಿಪಾಯವೇ ಇದು ಎಂದು ಹೇಳಿದರು.

ಸಭೆಯಲ್ಲಿ ಮೈಸೂರು ವಿಭಾಗದ ಎಸ್‌ಐಆರ್ ಉಸ್ತುವಾರಿ ಅಶ್ವಿನಿ ಶಂಕರ್, ಮುಖಂಡರಾದ ನವಿಲೆ ಅಣ್ಣಪ್ಪ, ಜಿಲ್ಲಾ ವಕ್ತಾರ ಆರ್.ಮೋಹನ್, ನಗರಾಧ್ಯಕ್ಷ ಯೋಗೀಶ್ ಗೌಡ, ಲಲಾಟಮೂರ್ತಿ, ಬೂದೇಶ್, ರಾಜೇಶ್, ಲಕ್ಷ್ಮೀಶ್ ಇದ್ದರು.