ಶೀಘ್ರದಲ್ಲೇ ಕೋರ್ಟ್ ಸಂಕೀರ್ಣ ಕಾಮಗಾರಿ ಪೂರ್ಣ

ಪಟ್ಟಣದಲ್ಲಿ ನಿರ್ಮಾಣವಾಗುತ್ತಿರುವ ಬಹುಮಹಡಿ ಕೋರ್ಟ್ ಕಾಮಗಾರಿಯನ್ನು ಅಧಿಕಾರಿಗಳೊಂದಿಗೆ ಭೇಟಿ ನೀಡಿ ಪರಿಶೀಲಿಸಿದ ಬಳಿಕ ಮಾತನಾಡಿದರು. 

 ಶೇ.90ರಷ್ಟು ಸಿವಿಲ್ ಕಾಮಗಾರಿ ಪೂರ್ಣಗೊಂಡಿದ್ದು, ಕೊನೇ ಹಂತದ ಎಲೆಕ್ಟ್ರಿಕ್ ಕಾಮಗಾರಿಯಷ್ಟೆ ಬಾಕಿಯಿದೆ. ವಿದ್ಯುತ್ ಗುತ್ತಿಗೆ ಪಡೆದಿರುವ ಗುತ್ತಿಗೆದಾರರ ಸೆಸ್ಕ್‌ಗೆ 1.06 ಲಕ್ಷ ರೂ.ಪಾವತಿಸಬೇಕಿದೆ. ಅದು ಕೂಡ ಬುಧವಾರದೊಳಗೆ ಮುಗಿಯಲಿದ್ದು, ಶೀಘ್ರದಲ್ಲೇ ಕಾಮಗಾರಿ ಪ್ರಾರಂಭವಾಗಲಿದೆ ಎಂದು ತಿಳಿಸಿದರು. 

ಗುತ್ತಿಗೆಯಲ್ಲಿ ಸೇರದ ಲಿಫ್ಟ್ ಅಳವಡಿಕೆ, ಕ್ಯಾಬೀನ್, ಫರ್ನಿಚರ್, ಮತ್ತು ಕಾರಿಡಾರ್‌ನಲ್ಲಿ ಇಂಟರ್ ಲಾಕ್, ಲಾನ್ ಕಾಮಗಾರಿಯನ್ನು ತಮ್ಮ ಮನವಿ ಮೇರೆಗೆ ಗುತ್ತಿಗೆದಾರರು ಮಾಡಿದ್ದು, ಹೆಚ್ಚುವರಿ ಕಾಮಗಾರಿಗೆ ಸರ್ಕಾರದಿಂದ ಅನುದಾನ ಕೊಡಿಸುವ ಕೆಲಸ ಮಾಡಲಾಗುವುದು. ಈಗಾಗಲೇ ಎಲ್ಲ 7 ಕೋರ್ಟ್ ಹಾಲ್‌ಗಳಿಗೂ ಅವಶ್ಯವಿರುವ ಪೀಠೋಪಕರಣಗಳೆಲ್ಲ ಸಿದ್ಧಗೊಂಡಿವೆ. ಜೋಡಣೆ ಕಾರ್ಯವಾಗಬೇಕಷ್ಟೆ, ತ್ವರಿತವಾಗಿ ಕಾಮಗಾರಿ ಮುಗಿಸಿ 45 ದಿನಗಳಲ್ಲಿ ಸಾರ್ವಜನಿಕರ ಅನುಕೂಲಕ್ಕಾಗಿ ಅವಕಾಶ ಮಾಡಿಕೊಡಲಾಗುವುದು ಎಂದರು.

 ಟಿಎಪಿಸಿಎಂಎಸ್ ಅಧ್ಯಕ್ಷ ಎಚ್.ಆರ್.ವೆಂಕಟೇಶ್‌ಮೂರ್ತಿ, ತಾಲೂಕು ವಕೀಲರ ಸಂಘದ ಅಧ್ಯಕ್ಷ ಡಿ.ಕೆ.ಹರೀಶ್, ಕಾರ್ಯದರ್ಶಿ ಹೇಮಂತ್, ಉಪಾಧ್ಯಕ್ಷ ದಿನೇಶ್, ಖಜಾಂಚಿ ಚೇತನ್‌ಕುಮಾರ್, ಮಹಿಳಾ ಜಂಟಿ ಕಾರ್ಯದರ್ಶಿ ಸುಷ್ಮಾ, ಟಿಎಪಿಸಿಎಂಎಸ್ ನಿರ್ದೇಶಕ ಬೋರೇಗೌಡ, ಧರ್ಮಪ್ಪ, ಎಂ.ಆರ್.ಚಂದ್ರು, ನಟರಾಜ್, ಕುಂಬೇನಹಳ್ಳಿ ಗಿರೀಶ್ ಸೇರಿ ಲೋಕೋಪಯೋಗಿ ಇಲಾಖೆ ಇಂಜಿನಿಯರ್ ರುಕ್ಮೀಣಿ, ಸಹಾಯಕ ಇಂಜಿನಿಯರ್ ಮಂಜಣ್ಣಗೌಡ, ಇಂಜಿನಿಯರ್ ಹರೀಶ್ ಇತರರು ಇದ್ದರು.