ವಸತಿ ರಹಿತ ಕರಿಯಮ್ಮಗೆ ವಾತ್ಸಲ್ಯ ಮನೆ ಹಸ್ತಾಂತರ

ತಾಲೂಕಿನ ಕಣಕಟ್ಟೆ ಹೋಬಳಿ ಕೆ.ಶಂಕರನಹಳ್ಳಿ ಗ್ರಾಮ ಪಂಚಾಯಿತಿಯ ಬೆಂಡಿಗೊಂಡಿಹಳ್ಳಿ ಗ್ರಾಮದ ಬಡ ಕುಟುಂಬದ ಕರಿಯಮ್ಮ ಎಂಬ ವೃದ್ಧೆಗೆ ವಾತ್ಸಲ್ಯ ಯೋಜನೆಯಲ್ಲಿ ಮನೆ ನಿರ್ಮಿಸಿ ಅವರಿಗೆ ಹಸ್ತಾಂತರ ಮಾಡಿ ಮಾತನಾಡಿದರು.

ಹಾಸನ ಜಿಲ್ಲೆಯ ನಿರ್ದೇಶಕ ಮಹಾಬಲ ಕುಲಾಲು ಮಾತನಾಡಿ, ಧರ್ಮಸ್ಥಳ ಗ್ರಾಮೀಣ ಅಭಿವೃದ್ಧಿ ಯೋಜನೆಯು ಅದರಲ್ಲೂ ಸೂರು ಇಲ್ಲದವರಿಗೆ ಆಸರೆಯಾದ ಧರ್ಮಸ್ಥಳ ಗ್ರಾಮಿಣ ವಾತ್ಸಲ್ಯ ಜ್ಞಾನವಿಕಾಸ ಕಾರ್ಯಕ್ರಮದ ಅಡಿಯಲ್ಲಿ ಇಲ್ಲಿಯವರೆಗೆ 850 ಒಂಟಿ ಜೀವನ ನಡೆಸುವ ನಿರ್ಗತಿಕರಿಗೆ ಮನೆ ನೀಡಲಾಗಿದೆ. ಇದು ಮಾತೃಶ್ರೀ ಹೇಮಾವತಿ ಅಮ್ಮ ಅವರ ಆಸೆಯಾಗಿತ್ತು. ಈ ಯೋಜನೆಯ ಫಲಾನುಭವಿ ಕರಿಯಮ್ಮ ಅವರಿಗೆ ಮನೆ ಹಸ್ತಾಂತರ ಮಾಡಿದ್ದು ಸಂತಸ ತಂದಿದೆ ಎಂದರು.

ಬಾಣವಾರ ಯೋಜನಾಧಿಕಾರಿ ಸೋಮನಾಥ್, ವಲಯ ಮೇಲ್ವಿಚಾರಕಿ ಪಿ.ಕಲಾಶ್ರೀ, ಸೇವಾ ಪ್ರತಿನಿಧಿ ನಾಗೇಶ್ ಹಾಗೂ ವಲಯ ಅಧ್ಯಕ್ಷರು, ಪಂಚಾಯಿತಿ ಅಧ್ಯಕ್ಷರು ಹಾಜರಿದ್ದರು.