ಗ್ಯಾಸ್ ಸಿಲಿಂಡರ್ ಪಡೆಯಲು ಕೆಲವರು ಮಧ್ಯರಾತ್ರಿಯಿಂದಲೇ ಏಜೆನ್ಸಿ ಕಚೇರಿ ಮುಂದೆ ಸಾರ್ವಜನಿಕರು ಜಮಾಯಿಸಿದರೆ, ಮತ್ತೆ ಕೆಲವರು ಬೆಳ್ಳಂ ಬೆಳಗ್ಗೆ ಆಗಮಿಸಿ ಕಾಯುತ್ತ ಕುಳಿತಿದ್ದರು. ಮತ್ತೆ ಕೆಲವರು ಐದು ದಿನಗಳಿಂದ ಟೋಕನ್ ಕೊಡ್ತೇವೆ ಅಂತ ಹೇಳ್ತಿದ್ದಾರೆ. ಬೆಳಗ್ಗೆ 5 ಗಂಟೆಗೆ ಎದ್ದು ಬಂದಿದ್ದೀವಿ, ಆದರೂ ನಮಗೆ ಟೋಕನ್ ಸಿಗ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು. ವ್ಯವಸ್ಥಾಪಕರನ್ನು ದೂರವಾಣಿ ಮೂಲಕ ಸಂಪರ್ಕಿಸಲು ಪ್ರಯತ್ನಿಸಿದರೂ ಅವರಿಂದ ಯಾವುದೇ ಪ್ರತಿಕ್ರಿಯೆ ಸಿಗುತ್ತಿಲ್ಲವೆಂದು ದೂರದ ಊರುಗಳಿಂದ ಬಂದಿದ್ದ ಮಹಿಳೆಯರು ಆರೋಪಿಸಿದ್ದಲ್ಲದೆ, ನಾವು ಕೂಲಿ ಮಾಡಿ ಜೀವನ ಮಾಡೋರು ಪ್ರತಿದಿನ ಇಲ್ಲಿಗೆ ಬಂದು ಕಾಯೋಕೆ ಆಗಲ್ಲ. ನಮಗೂ ಮಕ್ಕಳು, ಕುಟುಂಬ ಎಲ್ಲವೂ ಇದೆ. ಅಲ್ಲದೆ ಮೊದಲಿಗೆ ನಮಗೆ ಟೋಕನ್ ಕೊಟ್ಟಿದ್ದರು. ಆದರೆ 60ರ ವರೆಗೆ ಸಿಲಿಂಡರ್ ಕೊಟ್ಟವರು ಏಕಾಏಕಿ 101 ನಂಬರ್ನಿಂದ ಕೊಡುತಿದ್ದಾರೆ. ಹಾಗಾದರೆ ನಮ್ಮ ನಂಬರಿನ ಸಿಲಿಂಡರ್ಗಳು ಎಲ್ಲಿಗೆ ಹೋದವು ಎಂದು ಸಿಬ್ಬಂದಿ ವಿರುದ್ಧ ಅನುಮಾನ ವ್ಯಕ್ತಪಡಿಸಿದರು. ಮತ್ತೆ ಕೆಲವರು ನಾವು ಗ್ಯಾಸ್ ಬುಕ್ ಮಾಡಿ 15 ದಿನವಾದ್ದರಿಂದ ಓಟಿಪಿ ಬಂದಿದೆ. ಆದ್ರೂ ಸಿಲಿಂಡರ್ ಸಿಗ್ತಿಲ್ಲ ಎಂದರೆ, ಇನ್ನು ಕೆಲವರು ನಾವು ಬುಕ್ ಮಾಡಿ ನಾಲ್ಕೈದು ದಿನವಾಗಿದೆ, ನಮಗೆ ಯಾವುದೇ ಮಾಹಿತಿ ಬಂದಿಲ್ಲ. ಮನೆಯಲ್ಲಿ ಅಡುಗೆ ಮಾಡಲು ಬೇರೆ ಯಾವುದೇ ಸೌಲಭ್ಯವಿಲ್ಲ ಎಂದು ಅಳಲು ತೋಡಿಕೊಂಡರು.
