ನಾಳೆ ಬಸವೇಶ್ವರ ಜಾತ್ರೋತ್ಸವ

ಕಳೆದ ವರ್ಷ ಬಸವೇಶ್ವರ ದೇವಾಲಯದ ಜೀರ್ಣೋದ್ಧಾರಗೊಂಡ ಸಂದರ್ಭ ಬಾಳೆಹೊನ್ನೂರು ಜಗದ್ಗುರು ನೇತೃತ್ವದಲ್ಲಿ ಮೂರು ದಿನಗಳ ಕಾಲ ಧಾರ್ಮಿಕ ಕಾರ್ಯಕ್ರಮಗಳು ನಡೆದು ದೇಗುಲ ಲೋಕಾರ್ಪಣೆಗೊಂಡಿತ್ತು. ಈಗ ಮೊದಲ ವರ್ಷದ ವಾರ್ಷಿಕೋತ್ಸವವನ್ನು ಗ್ರಾಮಸ್ಥರು ಅದ್ಧೂರಿಯಾಗಿ ಆಚರಿಸಲು ಮುಂದಾಗಿದ್ದಾರೆ.

ಫೆ.16ರಂದು ಆದಿಶಕ್ತಿ ಹನಿಕೆ ಕರಿಯಮ್ಮನವರನ್ನು ಬರಮಾಡಿಕೊಂಡು ಮುಂಜಾನೆ ಯಗಚಿ ಹೊಳೆಯಲ್ಲಿ ಗಂಗೆ ಪೂಜೆಯೊಂದಿಗೆ ಗ್ರಾಮಕ್ಕೆ ಪೂರ್ಣ ಕುಂಭ ಕಳಸದೊಂದಿಗೆ ಅಗಮಿಸಿ, ಗಣಪತಿ ಪೂಜೆಯೊಂದಿಗೆ ಧಾರ್ಮಿಕ ಕಾರ್ಯಗಳು ಆರಂಭವಾಗುತ್ತವೆ. ನವಗ್ರಹ ಪೂಜೆ, ಪಂಚ ಕಳಸ ಪೂಜೆ, ಪ್ರಧಾನ ಕಳಸ ಪೂಜೆ ನಂತರ ದೇವಾಲಯದ ಬಸವೇಶ್ವರಸ್ವಾಮಿ ಮತ್ತು ಸಿದ್ದೇಶ್ವರಸ್ವಾಮಿ, ವೀರಭದ್ರಸ್ವಾಮಿ, ತಿರುಮಲಸ್ವಾಮಿಗೆ ರುದ್ರಾಭಿಷೇಕ ನೆರವೇರಿಸಲಾಗುವುದು. ನಂತರ ದೇವರಿಗೆ ಪುಷ್ಪಾಲಂಕಾರ ಮಾಡಲಾಗುತ್ತದೆ. ಸಂಜೆ ಲೋಕ ಕಲ್ಯಾಣಾರ್ಥವಾಗಿ ಗಣ ಹೋಮ, ರುದ್ರ ಹೋಮ, ಜಯಾದಿ ಹೋಮಗಳು ನೆರವೇರುತ್ತವೆ.

ಫೆ.17ರಂದು ಬೆಳಗ್ಗೆ ಬಸವೇಶ್ವಸಸ್ವಾಮಿ ಕೊಂಡೋತ್ಸವ ಏರ್ಪಡಿಸಿದ್ದು, ವಿಶೇಷ ಪೂಜೆಗಳೊಂದಿಗೆ ಮಹಾ ಮಂಗಳಾರತಿ ನಡೆಯಲಿದೆ. ಎರಡು ದಿನವೂ ಸಹ ಭಕ್ತರಿಗೂ ದಾಸೋಹ ವ್ಯವಸ್ಥೆ ಮಾಡಲಾಗಿದೆ.

ಚಿತ್ರ:15(ಬಿಎಲ್‌ಆರ್)2-