ಶ್ರೀಕ್ಷೇತ್ರ ಕನಕಗಿರಿ ದಿಗಂಬರ ಜೈನಮಠದ ಶ್ರೀ ಭುವನಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಸ್ವಾಮೀಜಿ ಮಾತನಾಡಿ, ಸಹಸ್ರ ಜೀನ ಕೂಟದಲ್ಲಿರುವ 1008 ತೀರ್ಥಂಕರರ ದರ್ಶನವು ಕೋಟಿ ಪುಣ್ಯ ಫಲದಷ್ಟೇ ಪ್ರಾಮುಖ್ಯತೆ ಪಡೆದಿದೆ. ಗರ್ಭಗುಡಿಯಲ್ಲಿರುವ ತೀರ್ಥಂಕರರ ಅವಾಸಸ್ಥಾನಕ್ಕೆ ಪ್ರದಕ್ಷಿಣೆ ಹಾಕುವುದರ ಜತೆಯಲ್ಲಿ ಅಲ್ಲಿರುವ 1008 ತೀರ್ಥಂಕರರ ದರ್ಶನ ಪಡೆದರೆ ಬದುಕು ಸಾರ್ಥಕವಾಗಲಿದೆ. ದಶಕಗಳ ಹಿಂದೆ 800 ಜೈನ ಕುಟುಂಬಗಳಿದ್ದ ಸಮುದಾಯ ಪ್ರಸ್ತುತ 80ರ ಆಸುಪಾಸಿನಲ್ಲಿದೆ. ಗತಕಾಲದಲ್ಲಿ ನಡೆದ ವೈಪರಿತ್ಯದಿಂದ ನಮ್ಮ ಪುಣ್ಯ ಕ್ಷೇತ್ರಗಳು ದಾಳಿಗೆ ಒಳಗಾದವು. ದಾನ ನೀಡುವುದರಿಂದ ಸ್ವರ್ಗ, ಪಾಲನೆ ಮಾಡುವುದರಿಂದ ಮುಕ್ತಿ ದೊರೆಯಲಿದ್ದು, ಕಾಲ ಗರ್ಭದಲ್ಲಿ ಸಾವಿರಾರು ಜಿನದೇವಾಲಗಳು ಅಡಗಿದ್ದು ಬೆಳಕಿಗೆ ತರಬೇಕಾದರೆ ಎಲ್ಲರೂ ಸ್ವಯಂ ಪ್ರೇರಿತವಾಗಿ ಸಂರಕ್ಷಣೆಗೆ ಮುಂದಾಗಬೇಕಿದೆ ಎಂದರು.
