ಸಂಸ್ಕೃತಿ, ಪರಂಪರೆ ಬಿಂಬಿಸುವ ಜಾನಪದ

ತಾಲೂಕಿನ ಪಾಳ್ಯ ಹೋಬಳಿ ಕಾರ್ಜುವಳ್ಳಿ ಗ್ರಾಮದಲ್ಲಿರುವ ಶ್ರೀಮದ್ ರಂಭಾಪುರಿ ವೀರ ಸಿಂಹಾಸನ ಶಾಖಾ ಶ್ರೀಸಂಸ್ಥಾನ ಹಿರೇಮಠದಲ್ಲಿ ಬೆಂಗಳೂರು ಕರ್ನಾಟಕ ಜಾನಪದ ಪರಿಷತ್, ಹಾಸನ ಜಿಲ್ಲಾ ಜಾನಪದ ಪರಿಷತ್, ಆಲೂರು ತಾಲೂಕು ಘಟಕ ಹಾಗೂ ಲಯನ್ ಸೇವಾ ಸಂಸ್ಥೆ ಸಹಯೋಗದಲ್ಲಿ ಶಿಕ್ಷಕರ ದಿನಾಚರಣೆ, ಆದರ್ಶ ಶಿಕ್ಷಕರಿಗೆ ಗೌರವ ಸಮರ್ಪಣೆ ಹಾಗೂ ‘ಹಳ್ಳಿಯ ಸೊಗಡು ಗುರುಗಳ ಬೆಡಗು’ ಸಮಾರಂಭದ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು.

ಭಜನೆ ವಯಸ್ಸಾದವರಿಗಷ್ಟೇ ಅಲ್ಲ, ಅದು ನಮ್ಮ ಬದುಕಿನ ತಾತ್ವಿಕ ಚಿತ್ರಣದ ಸಾರ, ಅದನ್ನು ಭಜನೆಯ ಪದದಲ್ಲಿ ಕಾಣಬಹುದು. ಜಾನಪದ ಸಂಗೀತಕ್ಕೆ ವಯಸ್ಸಿಲ್ಲ. ಯಾರು ಬೇಕಾದರೂ ಇಷ್ಟವಾದ ಸಂಗೀತ ಆಲಿಸಬಹುದಾಗಿದೆ ಎಂದರು.

ನಮ್ಮ ಸನಾತನ ಜಾನಪದ ಕಲೆ ಮತ್ತು ಸಂಸ್ಕೃತಿಗಳು ಗ್ರಾಮೀಣ ಪರಂಪರೆ ಸೂಗಡನ್ನು ಪ್ರತಿಬಿಂಬಿಸುತ್ತವೆ. ಸಾಹಿತ್ಯ ಮತ್ತು ಕಲೆಗಳ ಮೂಲ ಬೇರುಗಳು ಜಾನಪದದಲ್ಲಿವೆ. ಆದ್ದರಿಂದ ಯುವಕರು ಆಧುನಿಕ ಅಬ್ಬರಗಳಿಗೆ ಮಾರುಹೋಗದೆ ಜಾನಪದ ಸಂಸ್ಕೃತಿ ಉಳಿಸಿ, ಬೆಳೆಸಲು ಶ್ರಮಿಸಬೇಕು. ಎಲೆಮರೆ ಕಾಯಿಯಂತೆ ಕೆಲಸ ಮಾಡುತ್ತಿರುವ ಆದರ್ಶ ಶಿಕ್ಷಕರನ್ನು 71ನೇ ಜ್ಞಾನ ವೈಭವಂ ಕಾರ್ಯಕ್ರಮದಲ್ಲಿ ಗುರುತಿಸುತ್ತಿರುವುದು ಸಂತಸ ಎಂದರು.

ಹಾಸನ ಜಿಲ್ಲಾ ಜಾನಪದ ಪರಿಷತ್ ಅಧ್ಯಕ್ಷ ಹಂಪನಹಳ್ಳಿ ತಿಮ್ಮೇಗೌಡ ಮಾತನಾಡಿ, ಒಬ್ಬ ವೈದ್ಯ ಕೆಟ್ಟರೆ ಒಬ್ಬ ರೋಗಿ ಮರಣ ಹೊಂದುತ್ತಾನೆ. ಒಬ್ಬ ಇಂಜಿನಿಯರ್ ಕೆಟ್ಟರೆ ಒಂದು ಕಟ್ಟಡ ಬೀಳಬಹುದು. ಆದರೆ ಒಬ್ಬ ಶಿಕ್ಷಕ ಕೆಟ್ಟರೆ ಇಡಿ ಸಮಾಜ ಕೆಡುತ್ತದೆ ಎಂಬ ಪರಿಕಲ್ಪನೆ ಶಿಕ್ಷಕರಲ್ಲಿರಬೇಕು.

ನಿವೃತ್ತ ಪ್ರಾಂಶುಪಾಲ ಪ್ರಭುಶಂಕರ ಹಿರೇಬೆಳಗುಲಿ, ಸಾಹಿತಿ ಸಿ.ಚ.ಯತೀಶ್ವರ್, ಜನಪದ ಪರಿಷತ್ ತಾಲೂಕು ಅಧ್ಯಕ್ಷ ಶಿಕ್ಷಕ ಹಾಗೂ ಸಾಹಿತಿ ಪರಮೇಶ್ ಮಡಬಲು ಮಾತನಾಡಿದರು.

ಶ್ರೀಮಠದ ಆಡಳಿತ ಅಧಿಕಾರಿ ಎಸ್.ಎಸ್.ಶಿವಮೂರ್ತಿ, ವೀರಶೈವ ಸಂಘದ ಅಧ್ಯಕ್ಷ ಬಿ.ರೇಣುಕಪ್ರಸಾದ್, ಉಪಾಧ್ಯಕ್ಷ ಡಿ.ಎಸ್.ಜಯಣ್ಣ, ಸಹ ಕಾರ್ಯದರ್ಶಿ ಜಯರಾಜು, ಖಜಾಂಚಿ ವೈ.ಬಿ.ಟೀಕರಾಜು, ವಕೀಲ ಮಹೇಶ್, ತಾಲೂಕು ಪಂಚಾಯಿತಿ ಮಾಜಿ ಸದಸ್ಯ ನಟರಾಜ್ ನಾಕಲಗೂಡು, ಕಾಫಿ ಬೆಳೆಗಾರರ ಸಂಘದ ಮಾಜಿ ಅಧ್ಯಕ್ಷ ಮಹೇಶ್ ಚಿಕ್ಕೋಟೆ, ಕರವೇ ತಾಲೂಕು ಆರ್.ಎಸ್.ನಟರಾಜ್, ಜಿಲ್ಲಾ ಕಾರ್ಯದರ್ಶಿ ಎಸ್.ಎಂ.ರಘು ಪಾಳ್ಯ, ಲಯನ್ ಸೇವಾ ಸಂಸ್ಥೆ ಅಧ್ಯಕ್ಷ ಟಿ.ಆರ್.ಆನಂದ್, ಮಠದ ವಾರ್ತಾ ಸಂಯೋಜಕ ಸತೀಶ್ ಚಿಕ್ಕಕಣಗಾಲು, ವನದುರ್ಗ ಪರಮೇಶ್ವರಿ, ಎಚ್.ಜೆ.ಹರೀಶ್, ದೇವರಾಜ ಶಾಸ್ತ್ರಿ, ಯಶ್ವಂತ್ ಮತ್ತಿತರರು ಹಾಜರಿದ್ದರು.

ಕಾರ್ಯಕ್ರಮದಲ್ಲಿ 20 ಆದರ್ಶ ಶಿಕ್ಷಕರನ್ನು ಸನ್ಮಾನಿಸಲಾಯಿತು. ಹೊಳೆನರಸೀಪುರ ಮಮತಾ ಮತ್ತು ತಂಡದವರು ಜನಪದ ಗೀತೆ ಹಾಡಿದರು. ಟಿ.ತಿಮ್ಮನಹಳ್ಳಿ ಗ್ರಾಮದ ಮೊಗಮ್ಮ ಮತ್ತು ತಂಡದವರು ಸೋಬಾನ ಗೀತೆ ಹಾಡಿದರು.