ತೋರಿಕೆಗೆ ಮಾತ್ರ ಎಂಎಸ್ಪಿ: ಒಂದು ಎಕರೆಯಲ್ಲಿ ಸರಾಸರಿ 20 ಕ್ವಿಂಟಾಲ್ ಭತ್ತ ಬೆಳೆದು, 2 ಸಾವಿರ ರೂ.ನಂತೆ ಮಾರಾಟವಾದರೂ ರೈತನಿಗೆ ಸಿಗುವುದು ಕೇವಲ 10 ಸಾವಿರ ರೂ. ಇದೀಗ ಕೇಂದ್ರ ಸರ್ಕಾರ 1,868 ರೂ. ಎಂಎಸ್ಪಿ ನಿಗದಿ ಮಾಡಿದೆ. ಆದರೆ ಈ ಪ್ರಯೋಜನ ಶೇ.20 ರೈತರಿಗೂ ಸಿಗುವುದಿಲ್ಲ. ದಲ್ಲಾಳಿಗಳು ರೈತರಿಂದ 1,300-1,400 ರೂ. ಪ್ರತಿ ಕ್ವಿಂಟಾಲ್ಗೆ ಖರೀದಿ ಮಾಡುತ್ತಿದ್ದಾರೆ. ಅಂದರೆ 2012-13ರಲ್ಲಿ ಕೇಂದ್ರ ಸರ್ಕಾರ ನಿಗದಿ ಮಾಡಿದ್ದ ಎಂಎಸ್ಪಿ ದರದ ಆಸುಪಾಸಿನಲ್ಲಿ ಭತ್ತ ಮಾರಾಟವಾಗುತ್ತಿದೆ. ಈ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿರುವ ಭಾರತೀಯ ರೈತ ಒಕ್ಕೂಟದ ಅಧ್ಯಕ್ಷ ಪ್ರೊ. ಸಿ. ನರಸಿಂಹಪ್ಪ, ರೈತರು ತಮ್ಮ ವೆಚ್ಚವನ್ನು ಸರಿದೂಗಿಸಿಕೊಂಡು ಸಂಸಾರವನ್ನು ನಿರ್ವಹಿಸಲು ಪ್ರತಿ ಕ್ವಿಂಟಾಲ್ಗೆ ಕನಿಷ್ಠ 2,500 ರೂ. ದರ ಸಿಕ್ಕಬೇಕು ಎಂದಿದ್ದಾರೆ.
