ಸಂಜೆ ಶ್ರೀ ನಿತಾಯ್ ಗೌರಾಂಗರಿಗೆ ವೈಭವದ ಉತ್ಸವ ಮತ್ತು ವಿಶೇಷ ಅಭಿಷೇಕ ನಡೆಯಿತು. ಸುಮಾರು 10 ಸಾವಿರ ಭಕ್ತರು ಈ ಉತ್ಸವಗಳಲ್ಲಿ ಪಾಲ್ಗೊಂಡಿದ್ದರು. ಹೂಗಳಿಂದ ಅಲಂಕರಿಸಿದ್ದ ಶ್ರೀ ನಿತಾಯ್ ಗೌರಾಂಗರ ವಿಗ್ರಹಗಳನ್ನು ಶ್ರೀಲ ಪ್ರಭುಪಾದರ ಮೂರ್ತಿಯೊಂದಿಗೆ ಸಂಕೀರ್ತನೆ ಜತೆಗೆ ಮೆರವಣಿಗೆಯಲ್ಲಿ ಬಯಲು ರಂಗಮಂದಿರಕ್ಕೆ ಕರೆತರಲಾಯಿತು. ಹಾಲು, ಜೇನು, ಮೊಸರು, ತುಪ್ಪ, ಪಂಚಗವ್ಯ, ಹಣ್ಣಿನ ರಸ ಮುಂತಾದ ಪರಿಕರಗಳೊಂದಿಗೆ ಶ್ರೀ ನಿತ್ಯಾನಂದ ಮತ್ತು ಶ್ರೀ ಚೈತನ್ಯರ ವಿಗ್ರಹಗಳಿಗೆ ಅಭಿಷೇಕ ಮಾಡಲಾಯಿತು. ಆನಂತರ ವೈವಿಧ್ಯಮಯ ದೀಪಗಳ ಆರತಿಯನ್ನು ಭಕ್ತರು ‘ಗೌರ ಆರತಿ’ ಭಜನೆಯೊಂದಿಗೆ ಬೆಳಗಲಾಯಿತು. ನಂತರ ಪುರುಷ ಸೂಕ್ತ ಪಠಣದೊಂದಿಗೆ 108 ಪವಿತ್ರ ಜಲದ ಕಳಶಗಳಿಂದ ಅಭಿಷೇಕ ಮಾಡಿ ನಿತಾಯ್ ಗೌರಾಂಗರಿಗೆ ವೈವಿಧ್ಯಮಯ ಪುಷ್ಪಾಭಿಷೇಕ ನಡೆಯಿತು.
