ಸಿ.ಪಿ.ಯೋಗೇಶ್ವರ್ ಹಾಗೂ ಎಚ್.ಸಿ. ಜಯಮುತ್ತು ತಲಾ ಒಂದು ಸಾವಿರ ಗಣೇಶ ಮೂರ್ತಿ ವಿತರಿಸಲು ಸಜ್ಜಾಗಿದ್ದು, ತಾಲೂಕಿನ ಪ್ರತಿಹಳ್ಳಿ ಹಾಗೂ ನಗರದ ಪ್ರದೇಶದ ಹಲವಾರು ಕಡೆ ಮೂರ್ತಿ ವಿತರಿಸಲು ಯೋಜನೆ ರೂಪಿಸಿದ್ದಾರೆ. ಪ್ರತಿಗ್ರಾಮಗಳಲ್ಲೂ ಈ ಇಬ್ಬರು ನಾಯಕರು ನೀಡುವ ಮೂರ್ತಿಗಳು ಪ್ರತಿಷ್ಠಾಪನೆಯಾಗಲಿದ್ದು, ಈ ಹಿನ್ನೆಲೆಯಲ್ಲಿ ಗಣೇಶನಿಗೂ ಪಕ್ಷದ ಲೇಬಲ್ ಅಂಟಿಕೊಳ್ಳುವುದು ಗ್ಯಾರಂಟಿ ಎನ್ನಬಹುದು. ಇದು ಜೆಡಿಎಸ್ ಗಣೇಶ, ಇದು ಬಿಜೆಪಿ ಗಣೇಶ ಎನ್ನುವ ಮಾತು ಸಾಮಾನ್ಯವಾಗಲಿದೆ. ಇದರ ಮಧ್ಯೆ ಕಾಂಗ್ರೆಸ್ ಕೂಡ ಗಣೇಶೋತ್ಸವಕ್ಕೆ ಸಹಕಾರ ನೀಡಲು ಯೋಜನೆ ರೂಪಿಸುತ್ತಿದ್ದು, ಒಟ್ಟಾರೆ, ಉಪಚುನಾವಣೆ ಹಿನ್ನೆಲೆಯಲ್ಲಿ ಈ ಬಾರಿಯ ಗಣೇಶೋತ್ಸವಕ್ಕೆ ಮತ್ತಷ್ಟು ಕಳೆಬರಲಿದೆ.
