ಗಣೇಶ ಮೂರ್ತಿ ಖರೀದಿ ಭರಾಟೆ

 ರಾಮನಗರ: ಗಣೇಶ ಹಬ್ಬ ಹತ್ತಿರವಾದಂತೆ ಮಾರುಕಟ್ಟೆಗೆ ಬಣ್ಣ ಬಣ್ಣದ ವಿವಿಧ ಭಂಗಿಯ ಗಣಪತಿ ಮೂರ್ತಿಗಳು ಮಾರುಕಟ್ಟೆ ಪ್ರವೇಶಿಸಿದ್ದು, ಮೂರ್ತಿಗಳ ಮಾರಾಟ ಜೋರಾಗಿದೆ.

ಆ.27ರಂದು ಗಣೇಶ ಚತುರ್ಥಿ ಹಿನ್ನೆಲೆಯಲ್ಲಿ ಮಾರಾಟಗಾರರು ಪೇಟೆ ಬೀದಿಗಳಲ್ಲಿ ಗಣೇಶ ಮೂರ್ತಿ ಜೋಡಣೆ ಮಾಡಿದ್ದಾರೆ. ಈ ಬಾರಿ ಗ್ರಾಮೀಣ ಪ್ರದೇಶದ ಕೆರೆ ಕಟ್ಟೆಗಳಲ್ಲಿ ನೀರು ತುಂಬಿದ್ದು, ಹಬ್ಬದ ಸಡಗರ ಹೆಚ್ಚಿಸಿದೆ. ಗಣೇಶ ಪ್ರತಿಷ್ಠಾಪನೆಗೆ ಚಪ್ಪರ, ಅಲಂಕಾರ, ಮೆರವಣಿಗೆಗೆ ಬೇಕಾದ ಜಾನಪದ ಕಲಾ ತಂಡಗಳ ಮುಂಗಡ ಕಾಯ್ದಿರಿಸುವಿಕೆ, ವಿದ್ಯುತ್​ ದೀಪಾಲಂಕಾರಕ್ಕಾಗಿ ಭರದ ಸಿದ್ಧತೆ ನಡೆಯುತ್ತಿದೆ. ಹಾಗೆಯೇ ಯುವಕರು ಗಣಪತಿ ಮೂರ್ತಿ ಖರೀದಿಸಲು ಮುಂದಾಗಿದ್ದು, ಬಣ್ಣ ಬಣ್ಣದ ವಿಶೇಷತೆಯುಳ್ಳ ಗಣಪತಿಮೂರ್ತಿ ಕೊಳ್ಳಲು ಮಾರುಕಟ್ಟೆಗೆ ಮುಖ ಮಾಡಿದ್ದಾರೆ.

ವಿವಿಧ ಭಂಗಿಯ ಮೂರ್ತಿಗಳು ಮಾರುಕಟ್ಟೆಯಲ್ಲಿ ಹೆಚ್ಚಾಗಿ ಶಿವ ಪಾರ್ವತಿ ಜತೆಗಿರುವ ವಿವಿಧ ಆಕಾರದ ಗಣಪತಿ ಮೂರ್ತಿಗಳು ಮಾರಾಟಕ್ಕಿವೆ. ಜತೆಗೆ ನಂದಿ ಮೇಲೆ ಕುಳಿತಿರುವ ಗಣಪ, ಶಿವನರೂಪದ ಗಣಪ, ನವಿಲು ಗಣಪ, ಹಾವಿನ ಹೆಡೆಯೊಳಗೆ ಕುಳಿತ ಗಣಪ, ದರ್ಬಾರ್​ ಗಣಪ, ಕಮಲ ಗಣಪ ಸೇರಿ ಹಲವು ರೀತಿಯ ಗಣಪತಿ ಮೂರ್ತಿಗಳು ಮಾರುಕಟ್ಟೆಯಲ್ಲಿ ಕಂಡುಬರುತ್ತಿವೆ.

ಲಾಭದ ನಿರೀೆಯಲ್ಲಿ ವ್ಯಾಪಾರಸ್ಥರು ನಾವು ಹಾಕಿದ ಬಂಡವಾಳವೂ ನಮ್ಮ ಕೈ ಸೇರುವುದಿಲ್ಲ. ರಾಜಕಾರಣಿಗಳು ಉಚಿತ ಮೂರ್ತಿ ವಿತರಣೆ ಮಾಡುವ ಕಾರಣ ಗಣಪತಿ ಮೂರ್ತಿಗಳು ರ್ಖಚಾಗದೆ, ನಷ್ಟ ಅನುಭವಿಸುತ್ತೇವೆ ಎಂಬುದು ಪ್ರತಿ ಬಾರಿ ಗಣೇಶ ಮೂರ್ತಿ ಮಾರಾಟಗಾರರು ಹೇಳುವ ಮಾತು. ಆದರೆ, ಈ ಬಾರಿ ಕೆಲ ರಾಜಕಾರಣಿಗಳು ಹೆಚ್ಚಾಗಿ ಉಚಿತವಾಗಿ ವಿತರಣೆಗೆ ಮುಂದಾಗಿಲ್ಲ. ಇದರಿಂದ ವ್ಯಾಪಾರದ ಆಸೆ ಚಿಗುರಿದೆ. ಜತೆಗೆ ಯುವಕರು ಗಣೇಶಮೂರ್ತಿ ವ್ಯಾಪಾರಕ್ಕೆ ಬರುತ್ತಿದ್ದಾರೆ. ಹಬ್ಬಕ್ಕೆ ಇನ್ನೂ 3 ದಿನಗಳಿದ್ದು, ವ್ಯಾಪಾರವಾಗುತ್ತದೆ ಎಂಬ ನಿರೀೆ ಹೆಚ್ಚಿದೆ ಎನ್ನುತ್ತಾರೆ ಗಣೇಶಮೂರ್ತಿ ಮಾರಾಟಗಾರ ಆನಂದ್​.

ಪಿಒಪಿ ಮೂರ್ತಿ ನಿಷೇಧ ರಾಮನಗರ ನಗರಸಭೆಯು ಭಾರಲೋಹ ಮಿಶ್ರಿತ ರಾಸಾಯನಿಕ ಬಣ್ಣದಿಂದ ಅಲಂಕೃತಗೊಂಡ, ಪ್ಲಾಸ್ಟರ್​ ಆಫ್​ ಪ್ಯಾರಿಸ್​ನಿಂದ (ಪಿಒಪಿ) ತಯಾರಿಸಿದ ಗಣೇಶ ವಿಗ್ರಹಗಳ ಉತ್ಪಾದನೆ, ಮಾರಾಟ ಮತ್ತು ಯಾವುದೇ ಜಲಮೂಲಗಳಲ್ಲಿ ವಿಸರ್ಜಿಸುವುದನ್ನು ನಿಷೇಧಿಸಿದೆ. ಜತೆಗೆ ಪಿಒಪಿ ಮೂರ್ತಿಗಳ ವ್ಯಾಪಾರಕ್ಕೂ ಅವಕಾಶವಿಲ್ಲ ಎಂದು ಆದೇಶಿಸಿದೆ.

ಅನುಮತಿ ಕಡ್ಡಾಯ ಸಾರ್ವಜನಿಕವಾಗಿ ಗಣೇಶ ವಿಗ್ರಹಗಳನ್ನು ಸ್ಥಾಪಿಸುವವರು ಸ್ಥಳಿಯ ಸಂಸ್ಥೆ, ಪೊಲೀಸ್​, ಬೆಸ್ಕಾಂನಿಂದ ಅನುಮತಿ ಪಡೆಯುವುದು ಕಡ್ಡಾಯ.

ಮಣ್ಣಿನ ಮೂರ್ತಿ ತಯಾರಕರಿಗೆ ವರದಾನ ತಾಲೂಕಿನ ಬನ್ನಿಕುಪ್ಪೆ ಮತ್ತು ಚನ್ನಮಾನಹಳ್ಳಿಯಲ್ಲಿ ಜೇಡಿ ಮಣ್ಣಿನಿಂದ ಗಣೇಶ ಮೂರ್ತಿ ತಯಾರಿಸುತ್ತಾರೆ. ಆದರೆ ಪ್ರತಿಬಾರಿ ಹೊರಗಿನಿಂದ ಬಂದ ಪಿಒಪಿ ಗಣೇಶ ಮೂರ್ತಿಗಳ ಮಾರಾಟದಿಂದ ಹಾಕಿದ ಬಂಡವಾಳ ಎತ್ತಲಾಗದೆ ನಿರಾಸೆ ದಿನಗಳನ್ನು ಕಂಡಿದ್ದರು. ಈ ಬಾರಿ ಜಿಲ್ಲಾಡಳಿತ, ನಗರಸಭೆ ಪಿಒಪಿ ಮೂರ್ತಿಗಳ ಮಾರಾಟ ನಿಷೇಧಿಸಿರುವುದರಿಂದ ಮಣ್ಣಿನ ಮೂರ್ತಿ ಮಾರಾಟ ಮಾಡುವ ಸ್ಥಳಿಯರಿಗೆ ವರದಾನವಾಗಿದೆ.

ಕಳೆದ 20 ವರ್ಷಗಳಿಂದ ಗಣೇಶ ಮೂರ್ತಿ ವ್ಯಾಪಾರ ಮಾಡುತ್ತಿದ್ದೇವೆ. ಕಳೆದ ಮೂರ್ನಾಲ್ಕು ವರ್ಷದಿಂದ ರಾಜಕಾರಣಿಗಳ ಉಚಿತ ಮೂರ್ತಿ ವಿತರಣೆಯಿಂದ ವ್ಯಾಪಾರದಲ್ಲಿ ನಷ್ಟವಾಗಿದೆ. ಪ್ರತಿ ವರ್ಷ ಹೊರಗಿನಿಂದ 60ರಿಂದ 70 ಮೂರ್ತಿ ತಂದು ಮಾರಾಟ ಮಾಡಲಾಗುತ್ತಿತ್ತು. ಆದರೆ ಈ ವರ್ಷ ನಾವೇ 80 ಗಣೇಶ ಮೂರ್ತಿಗಳನ್ನು ತಯಾರಿಸಿದ್ದೇವೆ. ವ್ಯಾಪಾರ ಇನ್ನೂ ಶುರುವಾಗಿಲ್ಲ. > ಮಧುಸೂದನ್​ ಗಣೇಶಮೂರ್ತಿ ಮಾರಾಟಗಾರ, ರಾಮನಗರ

ಗಣೇಶ ಮೂರ್ತಿ ಮಾರಾಟಗಾರರಿಗೆ ಈಗಾಗಲೇ ನಗರಸಭೆಯಿಂದ ಪಿಒಪಿ ಗಣೇಶ ಮೂರ್ತಿಗಳ ಮಾರಾಟ ಮಾಡದಂತೆ ಸೂಚಿಸಲಾಗಿದ್ದು, ಈ ಬಗ್ಗೆ ನಿಗಾ ಇಡಲು ಅಧಿಕಾರಿಗಳ ತಂಡವಿದೆ. ಸೂಚನೆ ನೀಡಿಯೂ ಪಿಒಪಿ ಗಣೇಶ ಮಾರಾಟ ಮಾಡಿದರೆ ಅವರ ವಿರುದ್ಧ ಕ್ರಮ ಜರುಗಿಸಲಾಗುತ್ತದೆ. > ಡಾ.ಜಯಣ್ಣ ಆಯುಕ್ತ, ನಗರಸಭೆ, ರಾಮನಗರ

ಜನರು ಮಣ್ಣಿನಲ್ಲಿ ಮಾಡಿದ ಮೂರ್ತಿಗಳನ್ನು ಪ್ರತಿಷ್ಠಾಪಿಸುವುದರಿಂದ ಪರಿಸರ ಹಾಗೂ ಜಲಚರಗಳಿಗಾಗುವ ಸಮಸ್ಯೆ ತಪ್ಪಿಸಬಹುದು. ಪುರಾಣಗಳಲ್ಲೂ ಮಣ್ಣಿನ ಗಣಪತಿ ಪೂಜೆಯೇ ಶ್ರೇಷ್ಠವೆಂದು ಹೇಳಲಾಗಿದೆ. ನೈಸರ್ಗಿಕ ಬಣ್ಣ ಹಚ್ಚಿದ ಗಣೇಶಮೂರ್ತಿ ಪ್ರತಿಷ್ಠಾಪಿಸಿ ಪೂಜಿಸಿ ಎಂಬುದು ನಮ್ಮ ಕಾಳಜಿ. > ಲಕ್ಷ$್ಮಣ್​ ಮಾಲೀಕರು, ಗಣೇಶ್​ ಜುವೆಲ್ಲರ್ಸ್​, ರಾಮನಗರ